පුලස්තිගෙ සටහන Satahana of Pulasthi

එජාප නායකත්වය වෙනස් කිරීම සදහා සියලු සිංහල බ්ලොග්කරුවෙනි - එක්වවු!

2011-07-30T22:13:00.000-07:00

එක්සත් ජාතික පක්සයේ නායකකමට සුදුසු කවුද?රනිල්ද?සජිත්ද?නැතිනම් කරුද?තැන තැන මේ පුරස්නෙ ගැන තියෙන කසිලි බිසිලි කනු කුනු ගෑම් හින්ද පුලස්තිත් හිතුව මාතෘකාවට හොම්බ ඔබන්න.

එක්සත් ජාතික පක්සෙට මේ අලුතින් නායකයෙක් හොයන්නෙ මක්කෙයි සහුර්දයිනි?කවුරුත් දෙන උත්තරය = යූඇන්පිය පරදින නිසා.දැන් අවුරුදු ගානක් යූඇන්පිය විපක්සෙලු.විසේසයෙන් 2005 ට පස්සෙ යන එන මගක් නැති විදිහට විපක්සෙලු.පරාජෙට හේතුව - දුර්වල නායකත්වයලු.නායකයාට පෞරුෂයක් නැතිලු.සමහර මහත්තැන්ල සැර බාල කොරල කියන විදිහට නායකයට බුද්ධිය තියෙනවලු.ඒත් ඡන්දය දිනන්න පෞරුෂය නැතිලු.රනිල්ට පක්ස තවත් සමහර මහත්තැන් උන්නැහෙට බුද්ධිය තියෙන නිසා දිගටම නායකත්වය උන්නැහෙට තියෙන්න ඕනෙ කියල කියනවලු.

අතුරු පුරස්නය - නායකත්වය කියන්නෙ බුද්ධියට නං ඕකට බුද්ධික පතිරන හොද නැද්ද?නමිනුත් බුද්ධිය වෑස්සෙනවා.

අතුරු පුරස්නය ක්ලෝස්ඩ්.

දැන් යූඇන්පියට අලුත් නායකයෙක් ආවම මොකද වෙන්නෙ සහුර්දය?එජාපයට නව නායකයෙක් සර්ච් ‍කොරන හැමෝම මේකට දෙන උත්තරය තමයි - එහෙම උනොත් යූඇන්පිය දිනනව කියන එක.එතකොට අපි තවත් පුරස්නයකට යමු.ඒ විදිහට යූඇන්පිය දින්නට පස්සෙ මොකද වෙන්නෙ සහුර්දය?ඕක තමයි හොම්බ රිවර්ස් වෙන පුරස්නය.

1977 ට ඉස්සර - විසේසයෙන් අමෙරිකාවයි සෝවියට් දේසෙයි මරාගන්න කාලෙ - යූඇන්පියයි සිරි ලංකා එකයි අතර කියන්න තරම් වෙනස්කමක් තිබ්බ කියල පුලස්ති අහල තියෙනව.ඒත් දැන් තත්වෙ කොහොමෙයි?

පුලස්තිට තේරෙන විදිහට අද වෙනකොට මේ පක්ස දෙකේ වෙනස තියෙන්නෙ ඒවයෙ ලාංඡන වලයි පාටෙයි විතරයි.

යූඇන්පිය ඕපන් මාකට් ඉකොනොමිය ලංකාවට හදුන්වලා දුන්න.සිරි ලංකා එක ඒක යූඇන්පියටත් වඩා සාර්ථකව ඉස්සරහ ඇදගෙන යනව.යූඇන්පිය විධායක ජනාධිපතිකම ප්‍රමුඛ දේසපාලන සිස්ටම් එක ලංකාව හදුන්වලා දුන්න.සිරි ලංකා එක ඒකත් සෆාන් එකේ ඉස්සරහට ඇදගෙන යනව.

බලන්න හාත්පස මා සුමිතුර.කැසිනෝ කලාප,මිරිදිය ධීවර කර්මාන්තෙ කොරන වැව් උඩ දාන සී ප්ලේන් ප්‍රොජෙක්ට්,නිරුවත් වෙරල තීර,පෞද්ගලික විස්ස විද්දියාල,ඉඩම් හෝල් සේල් පිටරට කොම්පැනි වලට බදුදෙන විකුනන එක - මේ වගේ සීන් කිසිම විරෝධයක් නැතිව පටන්ගෙන ලංකාව ඕපන් මාකට් පැරඩයිස් එකක් බවට මේ ටිකේ මහින්ද මාමා පත්කොරගෙන යනව නේද?අම්මප බලන්න එපැයි අධිවේගී මාර්ගයේ ලස්සන!මිනිස්සුන්ට කන්ඩ අදින්ඩ නැති උනත් නය අරගෙන හතර අතේ හයි වේ නෙව!උතුරට කවදාවත් යාගන්න බැරි උන බිස්නස් මෑන්ස්ලා දැන් අත වන වන උතුරට යනව.ඒ යන පාර දිගට ඩයලොග් කොම්පැනියේ බෝඩ් හයි වෙලා තියෙනව.කොලඹ දැන් මැලේසියාවෙ වගේ බස් යනව.හිගන්නො පුලුන්නො පේව්මන්ට් කඩකාරයෝ රස්තියාදුකාරයෝ සේරම චකබ්ලාස් කොරල කොලඹ විදි දැන් දියුනු වානිජ නගරයක් වගේ දිදුලනවා.

කිසි ගින්නක් නැතිව මේ හොදට දුවන්නෙ ජේආර්ගෙ රනිල්ගෙ ඕපන් මාකට් ප්‍රොජක්ට් එක මිස වෙන මොකක්ද සහුර්දය?යූඇන්පිය මෙව්ව කොලා නම් බලන්න තිබ්බ ජහමනයාගේ විරෝධෙ.කැසිනෝ වීදි,පුද්ගලික විස්ස විද්දියාල - මේ වගේ වැඩ කෑලි යූඇන්පියට හීනෙන්වත් කොරගන්න ඇහැක් උනාද සහුර්දය?

දේසපාලනයේදී එතකොට මුන්නැහෙලාගේ තත්වය කොහොමෙයි?මහින්ද මාමා එක හිතින් එක පයින් විධායක ජනාධිපතිකමට පක්සයි.එතකොට යූඇන්පිය?රුපියල් හැට දෙදාස් පන්සීයක් ඔට්ටුයි උන්නැහෙලත් ඒ සිස්ටම් එකට මනාපයි.බලය නැති කාලෙ විධායක ජනාධිපතිකම හොද නැහැ කියල ඥං ඥුං නොගාන්නෙ කවුද?මහින්ද මාමා විපක්ස නායක කාලෙ ඔය ඥං ඥුං ගෑම යූඇන්පියටත් වඩා සද්දෙට කොලා නෙව.යූඇන්පියත් රාජ්‍ය මාධ්‍ය උලා කෑව.මහින්ද මාමාත් ඒක කොරනව.යූඇන්පිය සෝමපාලලාව මැරුව.මහින්ද මාමාගෙ ආන්ඩුව ‍රොසේන් චානුකව මැරුව.ජේආර් ප්‍රේමදාස විපක්සයට ඔලුව උස්සන්න දුන්නෙ නැහැ.මහින්ද මාමා - නෝ ඩිපරන්ස් ඇට් ඕල් ජෙන්ට්ල්මන් ඇන්ඩ් වුමෙන්.

එතකොට වංචාව දූසනය නැති දේසපාලනය?ඇත්තටම පක්ස දෙකක් උනාට ඔය දෙකේම ඉන්නෙ එක වර්ගයේ පොරවල්.සිරි ලංකා ආන්ඩුවක් තිබ්බත් යූඇන්පී ආන්ඩුවක් තිබුනත් ජොන්ස්ටන් ඇමති කෙනෙක්.රාජිත සේනාරත්න,බන්දුල ගුනවර්ධන,ජීඇල් පීරිස් - මේ කවුරු කවුරුත් හැමදාම ඇමතිලා.යූඇන්පිය තියෙද්දි ඒකෙ ඉදන් මගඩි කොරපු අබ්දුල් කාදර්ල,දුමින්ද සිල්වලා දැන් සිරි ලංකා එකේ.හෙට යූඇන්පියට බලය එන බව පෙනෙන කොට මේ වර්ගයේ බුවාස්ල ආයෙත් යූඇන්පී නැවට ගොඩ වෙන්න ආවොත් එන්ඩ එපා කියනවද ආයුබොවන්ඩ?පෙම් මල් මාලා දාලයි පිලිගන්නෙ!

පුලස්තිට නං ඇත්තටම යූඇන්පී සිරි ලංකා කියන්නෙ පක්ස දෙකකට වැඩිය එකම වර්ගයේ ගෙම්බො ලගින වතුර වලවල් දෙකක්.ඒකෙන් මේකටත්,මේකෙන් ඒකටත් කිසි හිරිකිතයක් නැතිව පනින්න කාට කාටත් ඇහැක් වෙලා තියෙන්නෙ ඒ වලවල් වල වතුර එක වගේ නිසා මිසක් වෙන මොකක් හින්දද සහුර්දයිනි?

එතකොට මේ කරුනු අපි සාරාංශගත කොරගමු.

මහින්ද මාමගෙ ප්‍රතිපත්තිය - ආර්ථිකය ලිබරල්.දේශපාලනය අම්බ දරදඩුයි.දූසිතයි.
යූඇන්පියේ ප්‍රතිපත්තිය - එමමයි.එමමයි.එසේමයි.

පුලස්ති අහන්නෙ මෙච්චරයි.යූඇන්පිය බලයට ආවොත් කොරන එක කිසි අවුලක් ගේමක් නැතිව හොදට සාර්ථකව මහින්ද මාමා කොරගෙන යනව නං අහවල් එකටද ආයෙත් යූඇන්පී ආන්ඩුවක් ගේන්නෙ?මොකක්ද ඒකෙන් සිද්ධ වෙන වෙනස?අවංක යූඇන්පී කාරයෙක් නං පුලස්තිට තේරෙන විදිහට උන්නැහෙගෙ කාර්යභාරය තමයි සජිත් රනිල් කරු වගේ මෙලෝ රහක් නැති දේවල් ගැන වාද විවාද කොර කොර ඉන්නවට වඩා තමුන්ගේ පක්සෙ ප්‍රතිපත්තිය තමුන්නෙ නායකයටත් වඩා හොදින් කොරගෙන යන මහින්ද මාමාට මුලු හිතින්ම සහයෝගය දෙන එක!එකම චිත්‍රපටියෙ එකම චරිතය රගපාන්න නලුවො දෙන්නෙක් මොකටද ආයුබොවන්ඩ?එකම දේවල් ටික කිසිම වෙනසක් නැතිව කොර කොර ඉන්න නං රටකට පක්ස දෙකක් මොකටද ආයුබොවන්ඩ?ඉන්න නලුව චරිතය හොදට කොරනව නං ඒ නලුවට වැඩේ කොරගෙන යන්න දීල ඉන්න එක නෙමෙයිද කොරන්න අවස්ය?

මේ හින්ද යූඇන්පියෙ නායකය රනිල් උනත් කරු උනත් සජිත් උනත් - කිසිම වෙනසක් රටේ සිස්ටම් එකේ වෙන්නෙත් නැති හින්ද පුලස්තිට මේ විවාදය වැඩිය ලස්සන බොද මීදුම්ද,මිලාද,සරාද කියල වාද කරන්නා ව‍ගේ තේරුමක් නැති ටොපික් එකක්.

යූඇන්පියට අලුත් නායකයෙක් ඕනෙම නං,නැතිවමම බැරි නං හැබැයි පුලස්තිගෙ යෝජනාව මේකයි.ඕකෙ නායකකම වෙනස්‍ කොලා කියල රටේ වත් තොටේ වත් වෙන අහවල් වෙනසක් නැහැ.ඒ හින්ද රට ගැන අමතක කොරමු.පලමුවත් දෙවනුවත් තෙවනුවත් ඒ ගැන හිතන්න කොහොමත් මහින්ද මාමා ඉන්නවනෙ.අපි අපි ගැන හිතමු.ඒ කියන්නෙ සිංහල ‍බොලොග් කියවන ලියන අපි ගැන කල්පනා කරමු.

ඒ අනුව අපි කලුතර දිස්ත්‍රික් මන්ත්‍රී අජිත් පී පෙරේරා යූඇන්පියේ නායකයා කොරමු!

සිංහල බොලොග් කෑල්ලක් අටවගෙන හිටපු පස්සෙ මන්ත්‍රී වෙච්ච අජිත් අපේ වැයික්කියේ කොල්ලෙක් නෙමෙයිද?ඒ වගේ කොල්ලෙක් විපක්ස නායකය වෙලා ඉන්න එක රටට කොහොම උනත් බොලොග් ලියන්නො විදිහට අපිට ආඩම්බරයක් නෙමෙයිද?

මාරයාගෙ පංතියයි පුලස්තිගෙ පංතියයි

2011-07-13T12:43:00.000-07:00

ලංකාවේ ක්‍රිකට් ගැන දන්න කිසි කෙනෙක් ක්‍රිකට් කන්ඩායමට සපෝට් කල පර්සි ගැන නොදන්නවා වෙන්න බැරුවා සේම සිංහල බ්ලොග් අවකාසය ගැන දන්න කිසි කෙනෙක් මාරයාගේ හෝරාව ගැන නොදන්නවා වෙන්න බැහැ.මාරයා ජනප්‍රිය වෙන්න හේතු බොහොමයි.මාරයාගෙ මාර ඇක්ස්පීරියන්ස් ගොන්නයි ඒ මාර ඇක්ස්පීරියන්ස් ගොන්න ඇක්ස්ප්ලේන් කොරන මාර භාසා සෛලියයි බොහෝ දුරට ඒ ජනප්‍රියත්වයට හේතු උනා වෙන්න ඇහැකි.පුලස්තිට මාරයා ගැන ලියන්න හිතුනෙ මාරයා පසුගිය කාලෙ තැනින් තැන කල,පුලස්තිගෙ ඇහැ ගැටුනු ප්‍රකාසන තුනක් ගැන පුලස්ති තරමක් බොක්කෙන් බඩවැලෙන් කල්පනා කොරපු හින්ද.

මාර ප්‍රකාසය 1 - (රත්ගමයාගෙ අඩවියේදී ) විස්ස විද්දියාලෙට තේරුන නවකයන්ට දුන්න හමුදා පුහුනුව "බබා කෝස්" එකකි.ඒ කොබා බාස් එක වෙනුවට ලබන වංගියෙ සැර කෝස් එකක් දී නවකයන්ව "හැදිය" යුතුය.

මාර ප්‍රකාසය 2 - (තමන්ගේම අඩවියේදී ) මාරයා වන මම මහින්දට කඩේ යමි.ඒ බව මම ප්‍රසිද්ධියේ කියමි.2005 මහින්දට මා මුලු හදින් සද්භාවයෙන් පිරිත් කියූවෙමි.එතුමා වටේ ඉන්න අය නරක උනාට එතුමා රට ගොඩගන්නවා ඇත.

මාර ප්‍රකාසය 3- (තමන්ගේම අඩවියේ කොමෙන්ටුවක)මාරයා වන මම ඉහලට ඉගෙන ගෙන නැත.ලොකු රස්සාවක් කරන්නේද නැත.කුල්ටූර් මහත්වරු මෙන් නොව මං වගේ දුප්පත් ඈයො මහින්ද මහත්තයාට ආදරේය.අපි තුනේ පංතියෙ අය වෙන්න පුලුවන.මහින්ද විරුද්ධ වන බොහෝ දෙනා ලොකු පංතියේ අයයි.තුනේ පංතියෙ අපි එහෙම නැත.

මාරයාගේ වචනයෙන්ම නොවුනත් මේ සටහන් කලේ වරින් වර මාරයා පල කල අදහස් වල හරය.

මේ කරුනු සලකමින් පුලස්ති හිතුවෙ සරල දෙයක්.මාරයා කියන විදිහට පුද්ගලික ආරක්සක ආයතනයක සේවය කොරන උන්නැහෙ අයිති තුන්වෙනි පංතියට නං පුලස්ති අයිති වෙන්නෙ මොන පංතියටද?ඒකත් මාර පුරස්නයක්.මාරයා වගේම පුලස්තිත් ඉහලට ඉගෙන ගෙන නැහැ.මාරයා වගේම පුලස්තිත් කොරන්නෙ සුදු කරපටි ජොබක් නෙමෙයි.ඉස්සර වීල් එකක් කොලා.දැන් කොමියුනිකේසන් එකක වැඩ.ඇකඩමික් කොලිපිකේසන් නැතුවට මාරයා යමක් කමක් ගැන දන්නවා.පුලස්තිත් සහතික උපාධි නැතිවට යමක් කමක් කියවලා යමක් කමක් ගැන කථා කොරන්න අදහස් දක්කන්න ඇහැකියාව අරගෙන තියෙනවා.මාරයා බීමට ආසයි.පුලස්ති බටවලට ආසයි.

සමාවෙලා මට කියන්න,බලන්න මගෙ දෑස දිහා - දැන් අපි දෙන්නම එක පංතියේ නෙමෙයිද?

දෙන්නම තුනේ පංතියෙ උනාට මාරයා පුලස්තිගෙන් වෙනස් වෙන තැන මොකක්ද?

මාරයා කියන විදිහට මහින්ද හාමුට තුනේ පංතියෙ ඈයො බොහොම ආදරෙයි.ඉතිහාසයේ හිටපු අනෙත් වෙනත් ගොඩක් හාමුලාටත් තුනේ පංතියෙ අපි වගේ බයියො බොහොම ලෙන්ගතුව හිටියා.ඩීඇස් හාමු.ඩඩ්ලි හාමු.සිරිමා නෝනා.ප්‍රේමදාස මැතිතුමා.ඒ ලැයිස්තුවේ වර්තමාන නියෝජිතයා තමයි මහින්ද හාමු.තුනේ පංතියෙ බයියො උන්නැහෙලාට ආදරේ උනත් නැතත් උන්නැහෙලා කවුරුත් අයිති තුනේ පංතියට නෙමෙයි.මේ කවුරු කවුරුත් උත්තමයාස්ල අයිති වෙන්නෙ එකේ පංතියට.පුලස්ති ඒක හොදට දන්නවා.පුලස්තිට ඒක හොදට තේරෙනවා.

මේ හාමුලා අයිති පංතිය ඉහලයි.සුඛෝපභෝගීයි.හාමුලා කවදත් හිටියෙඋන්නෙ හරි විනෝදෙන්.හාමුලා කියන කරන හැමදේම කොරන්නෙ ඒ විනෝදය රැකගන්න මිස අහවල් මගුලකට නෙමෙයි.සිංහල දෙමල මිනිස්සුන්ව මේ හාමුලා ඉතිහාසයේ කෙටෙව්වෙ ඇයි?මිනිස්සුන්ගේ ඔලු මතින් අවි ආයුද ගත්ත මහා සංකීර්න රාජ්‍යයක් උන්නැහෙලා අටවගත්තෙ ඇයි?වරින් වර වරින් වර උන්නැහෙලා යුද්ධ කලේ ඇයි?හදිසි නීති පනවගෙන පාරවල් වහගෙන ඉන්නෙ ඇයි?මිලිටරි ට්‍රේනිං දීල විස්ස විද්දියාලවල කොල්ලන්ගෙ මොල හෝදන්නෙ ඇයි?

මේ කිසිම බම්බුවක් කොරන්නෙ මාරයා වත් පුලස්ති වත් අයිති තුනේ පංතියේ යහපතට නෙමෙයි තමුන්ගෙ එකේ පංතියෙ බලය ආරක්සා කොරගන්ට කියල පුලස්තිට තේරෙනවා.පුලස්තිට තේරෙන විදිහට දේසපාලනය කියන්නෙ මේ එකේ පංතිය තමුන්නෙ වරප්‍රසාදයි බලයයි ආරක්සා කොරගන්න ගහන ගේම් එකට.රනිල් හාමු,සජිත් හාමු,මහින්ද හාමු - මේ හැම හාමුම එකේ පංතියේ සඕදර මැම්බර්ස්ලා නෙමෙයිද?මේ මැම්බර්ස්ලා දසක ගානක් තිස්සෙ රට උලා කෑවා.තාම උලා කනවා.ඒ උලා කන එක පවත්වගෙන යන්න තුනේ පංතියේ අපිව හරි හරියට කඩේ යවනවා.තුනේ පංතියෙ අපිව උන්නැහෙලා ඉතිහාසය පුරා බෙදුවා.සිංහල දෙමල කියල බෙදුව.යුඇන්පී ශ්‍රී ලංකා කියල බෙදුව.අපි හැමදාම රට,ජාතිය,පක්ෂය වෙනුවෙන් කියල හිතාගෙන මේ නායක උත්තමයාස්ලා වෙනුවෙන් කඩේ ගියා.තවමත් කඩේ යනවා.

එහෙම කඩේ යන එකම කෙනා මාරයාද?නැහැ.තව ලක්ස ගනනක් ඉන්නවා.

මාරයා කඩේ යන්නේ මහින්දට කියල හිතුවට ඇත්තටම උන්නැහෙ කඩේ යන්නෙ මහින්ද හාමුට නෙමෙයි.මහින්ද හාමුලා රකින්නෙ එකේ පංතියේ ආධිපත්‍යය.සුප්‍රිමසිය.ඒ නිසා ඇත්තටම මාරයා කොරන්නෙ වෙන මොකක්වත් නෙමෙයි - තුනේ පංතියේ ඉදගෙන එකේ පංතියට කඩේ යාම.සාමාන්‍ය මිනිහෙක් වෙලා ඉදගෙන ප්‍රභූ පැලැන්තියට කඩේ යාම.එකේ පංතියට කඩේ ගියා කියල ඉදල හිටල ලැබෙන ටොපියකට වඩා වැඩි දෙයක් තුනේ පංතියට ලැබෙන්නෙ නැහැ කියල පුලස්ති හොදටම දන්නවා.ඒ නිසා සුදු ඇදගත්ත එකේ කැලෑසියේ ප්‍රභුන්ට කඩේ යන එක පුලස්තිට අපුලයි.අමනයි.අජූවයි.අප්‍රසන්නයි.එකේ කැලෑසිය පස්සෙ බඩ ගගා චාටර් වෙවී ඉන්න එක දැන්වත් නවත්වලා සිංහල දෙමල,යූඇන්පී ශ්‍රී ලංකා වගේ බොරු භේද පැත්තකට කොරලා තුනේ පංතියෙ අපිට අපේ තනි දේසපාලනයක් පටන් ගන්න බැරිද?

අධ්‍යාපනයෙන්,කොරන රස්සාවෙන්,බොන එකෙන්,බට ගහන එකෙන් ගොඩක් දුරට පුලස්තිට සමාන මාරයා කියන සගයා මෙන්න මේ දේසපාලන තෝරාගැනීමේදී පුලස්තිට අසමාන වීම මොන තරම් අවාසනාවක්ද?

දේශද්‍රෝහී සංගක්කාර වහා සිරගත කරනු!

2011-07-09T00:55:00.000-07:00

චැනල් ෆෝ වීඩියෝවට තොරතුරු දුන්නය කියල මහනුවර පලාතෙ පුද්ගලයෙක්ව අත්අඩංගුවට අරගෙන.වැඩිදුර පුරස්න කිරීම් වලට උන්නැහෙව රහස් පොලිසියට කුදලගෙන ගිහිල්ල තියෙනව.අත්අඩංගුවට පත්වෙලා ඉන්න පුද්ගලයාගේ නම කන්දවරන් වීදිස්වරන්.

ලහිලහියේ හමුදාව ක්‍රියාත්මක කරවලා ගල්පල්ලියට යවපු තවත් සිරකරුවෙක් දැන් අවුරුදු දෙකක් තිස්සෙ හිරේ ලැගල ඉන්නව.චෝදනාව - සුදු කොඩි අරන් ආව කොටි නායකයොන්ට හමුදාව වෙඩි තිබ්බ බව උන්නැහේ හෙලිදරවු කිරීම.ඒ මහත්තැන්ගෙ නම සරත් ෆොන්සේකා.

ඉතින් මොහොතකට සහුර්දයිනි,මේ කථා දෙකම ඇත්ත කියල අපි උපකල්පනය කොරමු.

ඒ කියන්නෙ විදිස්වරන් චැනල් ෆෝ එකට තොරතුරු දුන්න බවත්,ෆොන්සේකා බොස් සුදු කොඩි කථාව කීව බවත් මොහොතකට පිලිගම්මු.දැන් මේ ඩබලම කොරල තියෙන්නෙ මොනවද?

චැනල් ෆෝ වීඩියෝවේ සිද්ධි අනුසිද්ධිත් රට ඇතුලෙ සිද්ධ උන එව්ව.සුදු කොඩි සිද්ධිය කියන්නෙත් රට ඇතුලෙ හටගත්ත සිද්ධියක් අනුසිද්ධියක්.චැනල් ෆෝ ගැන පුලස්ති ගිය පාර ලීව ආත්ම ප්‍රකාසනේට පිලිතුරු බැදපු සමහර දේසප්‍රේමීන් පුලාගේ අම්ම ගැනයි තාත්ත ගැනයි බිරින්දෑගේ අහවල් එකයි ගැන කියල තිබුන මිස එහෙම සිද්ධි හටගත්තෙ නැති බවක් කියල තිබුනෙ නැහැ.තවත් සිහියෙන් පිලිතුරු බැන්ද සමහර දේසප්‍රේමීන් එහෙම සිද්ධි හටගත්ත පසුබිම සාධාරනීකරනය කලා මිස සිද්ධි හටගත්ත බවක් ප්‍රතික්සේප කොලේ නැහැ.

ඒ කියන්නෙ - වීදිස්වරන් හා ෆොන්සේකා දෙන්නම ( නැවතත් - ඒ ඩබල එහෙම කියල තියෙනව කියන උපකල්පනේට යටත්ව ) කොරල තියෙන්නෙ රටේ වෙච්චි ඇත්ත දෙයක් ගැන තොරතුරු ප්‍රසිද්ධියේ කිව්ව එක.

එතකොට පහුගිය දවසෙ ලෝඩ්ස් පිට්ටනිය මැද්දෙ කුමාර් සංගක්කාර කලේ මොකක්ද?

ලංකාවේ ක්‍රිකට් දේසපාලනිකකරනය වෙලා කියල සංගක්කාර එංගලන්තෙදි කොරපු ස්පිච් එකයි මේ වෙනකොට රට ගිනි තියන නිව්ස් එක.

ජාත්‍යන්තරය ඉස්සරහ,අපිව ගිලගන්න බලාගෙන ඉන්න විදේස කුමන්ත්‍රනකාරයෝ,එන්ජීඕ බූවල්ලෝ,පජාතයෝ,පෙරේතයෝ,කුම්භාන්ඩයෝ,අධිරාජ්‍යවාදියෝ සේරම ඉස්සරහ ලංකාවෙ ක්‍රිකට් පරිපාලනය අන්ත දුසිතයි කියල මුන්නැහෙ මහ සද්දෙට තමුන්නෙ දේසනයේදී කියෙව්වා.ක්‍රිකට් පරිපාලනය බලු වෙලා කියල උන්නැහෙ කිව්වා.උඩින් බැලුවත් යටින් බැලුවත් හරහට බැලුවත් ඇතුලෙන් බැලුවත් මේ කථාව එහෙම්පිටින්ම ලංකා ක්‍රිකට් ආයතනයේ,ලංකාවේ රජයේ,අපේ ක්‍රීඩා අමාත්‍යංසයෙ,ක්‍රීඩා අමාත්‍යංසය මෙහෙයවන ආන්ඩු‍වේ මූන හරි මැදට එල්ල කොරපු මිට මෙලවූ බොක්සිං ප්‍රහාරයක්.

චැනල් ෆෝ වීඩියෝවෙන් අපේ රට ජාත්‍යන්තරය ඉස්සරහ හෑල්ලු උනා වගේ,සුදු කොඩි කථාවෙන් අපි ජාත්‍යන්තරය ඉස්සරහ පච උනා වගේ සංගක්කාරගේ ලෝඩ්ස් දේසනයෙනුත් උනේ සමාන සිද්ධියක් නෙමෙයිද ආයුබොවන්ඩ?මෙච්චර කල් මේ දූපතේ ගෞරවයකට තිබුනෙ ක්‍රිකට් විතරයි.ඒකත් මහ දූසිත ක්සේත්‍රයක් කියල රටේ හිටපු ජාතික නායකයම කියනකොට - අපේ රට හෑල්ලු කොරන්න දිවා රෑ දත මැදගෙන ඉන්න කුමන්ත්‍රනකාරයොන්ට මේක හෙන පල්ලමක් නෙමෙයිද ආයුබොවන්ඩ?

හිටපු හමුදා නායකයා රට හෑල්ලු කොරපු එකට දන්ඩනය ගල්පල්ලියට දැක්කීම නං හිටපු ක්‍රිකට් නායකයා ඒ වගේ වැඩක් කොලාම දෙන්න ඕනෙ දන්ඩනය මොකක්ද?මහනුවර පදිංචි දෙමල ජාතික වීදිස්වරන් ‍රටේ උන ඇත්ත දෙයක් ගැන ලෝකෙට තොරතුරු දීල රට හෑල්ලු කලාට දෙන දඩුවම පොලිසියට කුදලගෙන යන එක නං මහනුවරම පදිංචි සිංහල ජාතික සංගක්කාර සමාන වැඩක් කොලාම දෙන්න ඕනෙ දන්ඩනය මොකක්ද?

සුදු කොඩි කථා කියල රට පාවලා දුන්න ෆොන්සේකාව එල්ලන්න ඕනෙ කියල ආරක්සක ලේකම් වහන්සේ බීබීසී කැමරාව ඉස්සරහ ගිගිරුවා.ර‍ටේ ක්‍රිකට් දූසිතයි කියල මේ අසිරිමත් දිවයින ගිලගන්න බලං ඉන්න පාපතරයන්ට අවජාතකවාදීන්ට රට පාවලා දුන්න සංගක්කාරව එල්ලන්න ඕනෙ කියල උන්වහන්සේ බීබීසිය ඉස්සරහ ගොරවන්නේ කවද්ද?

චැනල් ෆෝ වීඩියෝවයි අපේ හෘදය සාක්කියයි දිල්කා සමන්මලීයි

2011-06-16T06:51:00.000-07:00

ඊයෙ රාත්තිරියෙ දෙරන රූපවාහිනියෙ ප්රවුත්ති ප්‍රකාසය දිල්කා සමන්මලී නෝනා පටන්ගත්තෙ හරිම හැගීම්බර හඩකින්.
"අද පොසොන් පෝය දවස.බලන්න මේ උතුම් දවසෙත් අපිට මුලින්ම රපෝර්තු කොරන්න තියෙන්නෙ මහ නරක ආරංචියක්" සමන්මලී නෝනා දුකින් කීව.
මොකක්ද බොල මේ නරක ආරංචිය කියල අහන්න පුලස්ති රූපවාහිනිය ඉස්සරහ හරි බරි ගැහිල ඉදගත්තා.
"චැනල් ෆෝ නාලිකාව දිගින් දිගටම ලංකාවට විරුද්දව අසත්‍ය ප්‍රචාර අරගෙන ගියා.ඒ වගේම තවත් අසත්‍ය වාර්තා වැඩසටහනක් ඊයේ එංගලන්තයෙදි විකාසය කොරල නෙව"සමන්මලී නෝනාට එහා පැත්තෙ ඉදගෙන නිවුස් කියන මහත්තයා තරහ මූනක් අරගෙන කීව.

"මේ චැනල් ෆෝ එවුවො නං!"පුලාගෙ අසල්වැසි ගනිත කොටා මිට මෙලවූ අතින් දනිහට ගහගත්ත.
"ඒක නේන්නං.අපි මේ යුද්ධයක් කෙරල යම්තම් හුස්මක් කටක් ගත්ත විතරයි,මොන තරහකට මේ අපිට නින්දා කරනවද?"පුලාගේ නෝනා සුරේඛාත් හුම්මිටි තිබ්බා.

නෝනාවරුනි මහත්වරුනි,ඇත්තටම මොකක්ද මේ චැනල් ෆෝ සීන් එක?

කවුරුත් කිව්ව පලියටවත් කවුරුත් ඉගැන්නුව පලියටවත් මුකුත් පිලිගන්න එපාහොයල බලල දෙයක් ගැන නිගමනේට එන්න කියල බුදු හාමුදුරුවො කියල තියෙනවලු නෙව.බෞද්ධ රට කියල කියන රටේ ඉන්න බෞද්ධයො කොහොම උනත් පුලස්ති ඒ උපදේසේ නං අකුරටම පිලිපදිනව.ඒ හින්ද චැනල් ෆෝ වීඩියෝව මොකක්ද කියල පුලස්ති ඕනෑකමින් හොයල බැලුව.

පහුගිය 14 වෙනිදා රෑ ජාමෙ චැනල් ෆෝ කියන එංගලන්තෙ නාලිකාව "ස්‍රී ලංකන් කිලින් ෆීල්ඩ්ස්"කියල මිනිත්තු පනහක විතර වාර්තා වැඩසටහනක් ප්‍රචාරය කොරල තියෙනව.පහලින් තියෙන්නෙ ඒ වැඩසටහනේ සබැදිය.

http://www.youtube.com/watch?v=Rz_eCLcp1Mc

මේක නං අන්තර්ජාලෙ අතපත ගාන ගොඩක් දෙනා මේ වෙනකොටත් බලල ඇති.අඩුම තරමින් බැලුවෙ නැතත් එහෙම එකක් තියෙනව කියලවත් දකින්න ඇති.

ඒකෙන් මේකෙන් වීඩියෝවෙ තියෙන්නෙ මොනවද?මේ පුලස්ති දැකපු දේවලින් කිහිපයක්.

1.යුද්ධ වෙලාව.කිලිනොච්චිය.හමුදාවෙන් එකසිය ගානට ෂෙල් දානව.මේ ෂෙල් වලින් සාමාන්‍ය මිනිස්සු තොග පිටින මැරෙනව.තුවාල වෙන මිනිස්සු වෙනුවෙන් ඉස්පිරිතාලයෙ බෙහෙත් කොරන්න කිසිම පහසුකමක් නැහැ.
කිසි පහසුකමක් නැති,තුවාල වෙච්ච,වේදනාවෙන් කෑ ගහන ලෙඩ්ඩු ඉන්න ඉස්පිරිතාලයටත් හමුදාව ඇවිත් අන්තිමේදී ෂෙල් ගහනව.

2.ගෙදරක්.උඩින් අම්බානක බෝම්බ වදිනව.වීඩියෝ කරන මිනිහ වටේ දේවල් වීඩියෝ කරද්දී මිනිහගෙ පවුලෙ අය කපල තියෙන අගලක් ඇතුලට රිංගනවා බෝම්බ වලින් බේරෙන්න.අගලට රිංගන ගැහැනු කෙනෙක් වීඩියෝ කරන මනුස්සයාට කෑ ගහනව."වීඩියෝව නතර කරන්න!මොකකටද වීඩියෝ කරන්නෙ?ඔයත් මැරිල යයි.තේරෙන් නැද්ද මෙයාල අපිව ගානක් නැතිව මරනවා!"ඒ ගැහැනු කෙනා විලාප නගමින් දෙමලෙන් කෑ ගහනවා

3.එල්ටීටීකාරයෙක්.තරුනයෙක්.තරුනයාව ගහක බැදල තියෙනව.මිනිහව වට කරගෙන හමුදාවෙ අය මිනිහට වද දෙනව.පිහියකින් මුලු ඇගම කපලා දාල කියන්න පුලුවන් සාක්කි තියෙනව.අන්තිමේදී වද දීපු මනුස්සයාගෙ මල සිරුරෙ පින්තුරයක් වීඩියෝවෙ පෙන්නනවා.

4.මරල දාපු ගැහැනු සිරුරු වගයක්.ඒවයෙ ඇදුම් මුකුත් නැහැ.ඒ හෙලු සරීර එක්ක අපේ රනවිරුවො විනෝද වෙනව."අම්මට හුකන්න කැරි කොටි!"එක රනවිරුවෙක් විනෝදෙන් කෑ ගහනව.ගැහැනු සරීර වල රහස් තැන්වලට තමුන්නෙ මොබයිල් ෆෝන් එක එක්කෙනෙක් අල්ලනව."තව හොදට අල්ලපන්!"එකෙක් කියනව.ඇදුම් ගලවලා තියෙන ඒ වගේ එක ගැහැනු කෙනෙක් කොටින්ගෙ රූපවාහිනී සේවෙක නිවුස් කියපු ගැහැනු කෙනෙක් විදිහට අදුන ගැනෙනවා.

5.රූපවාහිනිය ඉස්සරහ දූසනයට ලක්වුන මැදිවියේ ගැහැනු කෙනෙක් සාක්කි දෙනවා.තමුන්නෙ දුවයි තමන්වයි සොල්දාදුවන් දූසනය කොරපු හැටි ගැන ඇය කියනවා.ඇයට "දූසනය" කියන වචනේ කියාගන්නවත් ධෛර්යයක් නැහැ.

6.ඇස් බැදල දන ගස්වලා තියෙන පිරිමි දෙදෙනෙක් සහ ගැහැනියක්.මේ අය කොටි සටන්කරුවෝ වෙන්න ඕනෙ.තුවක්කුව එයාලගෙ ඔලුවට එල්ල කරගෙන වෙඩි තියල උන්ව මරල දාන හැටි ගැන සොල්දාදුවො කතා වෙනව.සොල්දාදුවොන්ට අන දෙන පුද්ගලයා "කොටින්ට වෙඩි තියන්න තරම් වත් ඇට දෙකක් තියෙන එකෙක් නැද්ද" කියල කින්ඩියට අහනව.මොහොතකින් වෙඩි පත්තු වෙනව.තුන්දෙනාම එතනම මැරිල වැටෙනව.
අත්අඩංගුවට ගන්න දේසපාලන සිරකාරයො මෙහෙම මරල දාන්න පුලුවන්ද?නීතිය ගැන දන්න අය දනී.පුලා නොදනී.

මේ සේරම බැලුවට පස්සෙ පුලස්තිට එන පුරස්න ටික මේ විදිහට පෙල ගහන්න අවසර දෙන්න.

1.මේ පෙන්නන ඒව දෙරනයි ආන්ඩුවයි කියන විදිහට සේරම බොරුද?පචද?අසත්‍යයද?මොබයිල් ෆෝන් දර්සන වල එතකොට ඒ ඉන්නෙ අපේ රනවිරුවො නෙමෙයිද?ඒ සුද්දො වගයක් සොල්දාදුවො වගේ ඇදගෙන රගපානවද?සිංහලෙන් කුනුහරුපෙන් කෑ ගහන්නෙත් එහෙම රගපාන චැනල් ෆෝ එකේ සුද්දොද?ඇදුම් ගලවලා ට්‍රැක්ටර් වලට පටවන ගැහැනුන්ගෙ මිනී - ඒව රගපෑමට ගෙනාව රංගන භාන්ඩද?
2.මේ වාර්තා වැඩසටහන බොරුවක්ය කියල මොහොතකට හිතමු.ඒක බොරුවක්ද නැද්ද කියල තීරනය කරන්න ඕනෙ කවුද?ආන්ඩුවද?දෙරනෙ බලධාරීන්ද?
මේ රටේ මිනිස්සුද?
පුලා අහන්නෙ දෙරනෙ උන්නැහෙලා ට එක පැයක් අරගෙන මේ "බොරු" වීඩියෝවල තියෙන්නෙ මොනවද කියල ප්‍රචාරය කරන්න බැරි ඇයි?එතකොට මේ "බොරුව" දැනගෙන රටේ මිනිස්සුන්ටත් හොදටම තරහ යයි නෙව.බටහිර කුමන්ත්‍රනකාරයන්ට විරුද්දව තව තවත් රටේ මහජනයා ෆෝම් වෙයි නෙව.සාමාන්‍ය මිනිහට ඒ "බොරු" වීඩියෝ එක පෙන්නන්න කවුරුත් ඉදිරිපත් නොවෙන්නෙ ඇයි?
3.ඇදුම් නැතිව මරල දාල තිබ්බ කොටි රූපවාහිනි සේවාවල නිවුස් කියපු ගැහැනු කෙනා -එයාගෙ නම ප්‍රියා- කියන්නෙ කවුද?ඒ දෙමල ජාතික දිල්කා සමන්මලී නේද?උන්ගෙ ලොක්කාට සපෝට් චැනල්වල උන්ගෙ ලොක්කට ඕනෙ විදිහට ප්‍රියා නිව්ස් කිව්වා.අපේ ලොක්කට හිතවත් චැනල්වල අපේ ලොක්කට ඕනෙ විදිහට දිල්කා නිව්ස් කියනවා.ගැහැනියක් අර විදිහට මරල දාල තියනව දැක දැකත් "චැනල් ෆෝ කියන්නෙ බොරුවක්" කියල හැගීම්බර මූනක් මවාගෙන ඇක්ට් කොරන්න දිල්කා සමන්මලීලට හෘද සාක්කියක් කියල එකක් තියෙනවද?
4.අපි කවුරුත් මේ කොරන්නෙ මහ බොරුවක් නෙමෙයිද?අපේ ලොක්කො අපිට කියන්නෙත් බොරුවක් නේද?අපි ටීවි එකෙන් වන්නි සටන බල බල කිරිබත් කනකොට මහා ඛේදවාචකයක් උතුරෙ වෙලා තියෙනව නේද?ඒක අපිට හැංගුවා නේද?කොටි මිනීමැරුව බෝම්බ ගැහුව කියන එක අපි හැමෝම දන්න කාරනයක්.ඒත් හමුදාව උතුරෙ මේ විදිහට හැසිරුනා කියන එක අපි දැනං හිටියෙ නැහැ නේද?ඒව සේරම අපෙන් වහල නේද තිබුනෙ?අපි දිව්‍ය සත්‍යයක් විදිහට අදහගෙන හිටපු දේ අන්තිමට බලද්දි අලි ප්‍රබන්ධයක් නේද?
5.මෙතනදි ගොඩක් දෙනා (හිතහදාගන්න) කියන එකක් තමයි "ඇයි ඉරාකෙ ඇෆ්ගනිස්ථානෙ ඇමරිකාව මිනී මරන්නෙ" කියන පුරස්නෙ.
මගේ අහිංසක ප්‍රති පුරස්නෙ මෙච්චරයි.එතකොට අමෙරිකාව ඉරාකෙ මිනීමැරුවා කියන එකෙන් අපි මෙහෙ කොරන වැරදි හරි වෙනවද?කෙනෙක් වරදක් කරන එක වෙනත් කෙනෙක්ට අපරාදයක් කිරීමට බලපත්තරයක් වෙනවද?මගේ අල්ලපු ගෙදර එකා ගඩු බහනව.මාත් ගඩු බහනව.අල්ලපු ගෙදර එකා ගෑනිට මාට්ටු වෙලා නැහැ.මම ගෑනිට මාට්ටු වෙනව.මම ගෑනිට කියනව "ඇයි මම විතරද ගඩු බහන්නෙ.අල්ලපු ගෙදර එකත් ඒකම කරනවනෙ".
ඒ උත්තරය හරිද?
6.තව සමහරක් කියන කතාව තමයි "පරන තුවාල හාරලා ඇති වැඩක් නැහැ" කියන එක.එතකොට 1994 දි සූරියකන්දෙදි අපි හෑරුවෙ පරන තුවාලද?බටලන්ද ගැන හෝකන්දර ගැන ප්‍රේමදාස කාලෙ ප්‍රා ඝ්‍රා කියල ඝාතන කල්ලි හදාගෙන කර අපරාධ ගැන හොයල අපි හෑරුවෙ පරන තුවාලද?

අවසාන වසයෙන් මහත්වරුනි නෝනාවරුනි -කිව හැක්කේ එක දෙයකි.පුලස්ති කලකිරුනි.හොදටම කලකිරුනි.රනවිරුවා-මානුසික මෙහෙයුම-සිවිල් වැසියන්ට හානි නොවී කල යුද්ධය-මානව හිමිකම් ප්‍රඥප්තියයි තුවක්කුවයි අතේ අරන් යුද්ධ කරන වීරෝදාර හමුදාව - මේ සියල්ල බොරුවකි!මේ සියල්ල බොරුවකි!මේ සියල්ල බොරුවකි!

කොටි සංවිධානය ත්‍රස්තවාදී ක්‍රියා නොකල බව රජය පිලිගනියි! / Don't CONDEM koti sanvidhanaya - Government

2011-04-23T02:56:00.000-07:00

රජය ගහල තියෙන යූ ටර්න් එක ගැන ඇහුව පුලස්ති විස්මයෙන් විස්මයට පත් උනා.ගහපු යූ ටර්න් එක ඒ තරමටම මඥ්ඥං යූ ටර්න් එකක්.ලෝකය මැව්වෙ දෙවියන් වහන්සේ කියල බුදු හාමුදුරුවො කියන්නා වාගේ,මැරුනට පස්සෙ ආයෙත් උපදිනව කියල ජේසුස් වහන්සේ කිව්ව වගේ,වෛරයෙන් වෛරය නොසංසිදේ කියල මහම්මද් උන්නාන්සෙ කිව්ව වගේ යූ ටර්න් එකක් රජය ගහල තියෙන්නෙ.

එල්ටීටීඊ සංවිධානය යුද්දයේ අන්තිම කාලයේ කිසිම වරදක් කලේ නැහැ කියල මෙන්න ඒ පාර ආන්ඩුව කියනව!

මේක ආරංචි වුන පුලස්ති ඔලුව ඔල්මොරොන්දං ගහගෙන ගෙදර වටේ ඇවිද ඇවිද හිටියා.කොටි කියන්නෙ මිනීමරු සෙට් එකක්,උන් ඉන්නකං රටට වගතුවක් නැහැ,රට දියුනු කරන්න නං උන්ව සමූලඝාතනය කොරන්න ඕනෙය කියල අපිට කිව්වෙ ආන්ඩුවම නෙව.චම්පික රනවකලා,විමල් වීරවංසලා කොටින්ගේ මිනීමරු ගතිය ගැන,ලේ පිපාසිත ත්‍රස්තවාදී භයංකර භීෂනකාරී මායාකාරී ගතිය ගැන කී තරමක් දේවල් පහුගිය අවුරුදු හය හතට කන් පිරෙනකම් නැවත නැවත නැවත නැවත නැවත නැවත කිව්වද?දැන් මෙන්න ඒ සේරම වෙනස් කරලා.එක පාරට ආන්ඩුව එක හඩින් මුලු හදවතින් එක්සත්ව එක්සිත්ව කියනව කොටි මිනීමැරුවේ නැතිලු!

"මොනවද අයිසෙ මේ උදේ පාන්දර විකාරයක් කියවන්නෙ?වැඩක් නැත්තං මේ රෙදි ටික වේලගන්න උදවු වෙනවකො"පුලස්තිගෙ පවුල පුලස්ති කිව්ව ආරංචිය අහල තරමක සද්දයක් දැම්මා.

"‍මොකක්ද විකාරය?" පුලා පවුලගෙන් තරහෙන් ඇහුව.මේ දීගේ කිසි ප්‍රජාතන්ත්‍රවාදයක් නැහැ.පුලාගේ අදහස් වලට කිසිම තැනක් ලැබෙන්නෙ නැහැ.

"කොහෙද ආන්ඩුව කියල තියෙන්නෙ කොටි මිනීමැ‍රුවෙ නැතෙයි කියල?තමුසෙගෙ විකාර.මම නං කිසිම තැනක දැක්කෙ නැහැ ඔහොම දෙයක් කියනව" පුලාගේ පවුල ( පුලාගේ ගෙදර එස්සත් ජාතීන්ගේ සංවිධානය නං ඒකෙ මුන් කී බෑං තමයි පුලා'ස් වයිෆ් ) නිවේදනය කලා.

"දන් නැත්තං අහගන්න"පුලස්ති පැහැදිලි කොරන්න පටන් ගත්තා.

"දැන් මුං කී බෑන් අරහෙ රිපෝට් එකක් දාල තියෙනව.ඒක දන්නවද?"පුලා ඇහුවා.

"ඔව?"පුලා'ස් වයිෆ් කිව්වා.

"ආන්ඩුව ඒ වාර්තාව ගැන එක හෙලා මොකක්ද කියන‍්නෙ?මේක අසත්‍ය,පදනම් විරහිත,බොරු කරුනු මත පදනම් වුන,සත පහක ඇත්තක් නැති අධිරාජ්‍යවාදීන්ගේ පටු අරමුනකට හදපු ප්‍රෝඩාවක් මුලාවක් වංචාවක් කෙප්පයක් අවලාදයක් මඩක් නීච පච මුසාවාදයක් කියලනෙ"

"ඔවු"පුලා'ස් වයිෆ් හුම්මිටි තිබ්බා.

"ඉතිං ඒ රිපෝට් එකේ කියන්නේ මොනවද?ඒකෙන් ආන්ඩුවට කාරනා පහක් යටතේ යුද වැරදි වලට චාජ් කොරනකොට කොටින්ට කාරනා හයක් යටතේ යුද වැරදි වලට චාජ්‍ කොරල තියෙනව.

කොටි සිවිල් වැසියො මිනිස් පලිහක් විදිහට යොදා ගත්තලු.

කොටි කලාපයෙන් පැනල යන්න ගිය අහිංසකයන්ව මරල දැම්මලු

ලමයින්ව බලෙන් යුද‍්දෙට ගත්තලු.

බලෙන් මිනිස්සුන්ගෙන් වැඩ ගත්තලු.

මරාගෙන මැරෙන ප්‍රහාර කොරල සිවිල් වැසියන්ව මරල දැම්මලු.

ආන්ඩුවට චෝදනා පහක් කරද්දී මුන් කී බෑං කොටින්ට චෝදනා හයක් කොරල තියෙනව"

"ඉතිං"පුලා'ස් වයිෆ් පුලාගේ තර්කය තේරුම් ගන්න නොඉවසිල්ලෙන් ඉන්නෙ.

"ඉතිං දැං ආන්ඩුව කියනවනෙ මේ මුන් කී බෑංගේ වාර්තාව බොරු කියල.මේකෙ කරුනු වලට කිසි පදනමක් නැල්ලු.මේකෙ තියෙන්නෙ හොයල බලන්නෙ නැතිව ලියපු එව්වලු.ඉතිං වාර්තාව සම්පූර්න බොරුවක් නං කොටි ගැන තියෙන කෑල්ල විතරක් ඇත්ත වෙන්න බැහැ නෙව.මේක කිසිම හෙවිල්ලක් බැලිල්ලක් නැතිව බොරු කරුනු දාල ලියල තියෙන පච වාර්තාවක් කියල ආන්ඩුව කියනව නං ඒකෙ‍ කොටි ගැන තියෙන කෑල්ලත් ඉබේම බොරු වෙනවා.

ඒ කියන්නෙ - ආන්ඩුව කියන විදිහට මේ වාර්තාව තනි බොරුවක් නං

කොටි සිවිල් වැසියන්ව මිනිස් පලිහක් විදිහට යොදාගෙන නැහැ.ඒක බොරු.

කොටි තමුන්නෙ කලාපෙන් පනින අයව මරල නැහැ.ඒක පච.

ලමයි බලෙන් යුද්දෙට අරගෙනත් නැහැ.ඒකත් බොරු.

උන්ගෙන් බලෙන් වැඩ අරගෙනත් නැහැ.ඒකත් පච.

මරාගෙන මැරෙන සුයිසයිඩ් ඇටෑක් දිලත් නැහැ.බේගල්.

මේ කතා සේරම බොරු.පච.අදිරාජ්යවාදී කුමන්ත්‍රන!"

"ඈ?"පුලාස් වයිෆ් ඇසි බැමි උඩට ඉස්සුවා.

"ඒ කියන්නෙ සොදුරු සුරේඛා ( ඒ පුලා'ස් ෆැමිලී'ස් නේම් ) ආන්ඩුව යූ ටර්න් ගහල.එක්කො කොටි මිනීමැරුවා කියල ආන්ඩුව මෙච්චර කල් කියපු කතාව බොරු.නැත්තං මුන් කී බෑන්ගේ වාර්තාව අසත්‍යයයි කියල දැං කියන කතාව බොරු.ආතල් නේද?"

"ආතල්නෙ" තමුන්නෙ වල්ලභයාගේ සූක්සම තර්ක ඥානේ දැකල සොදුරු සුරේඛා අත්පුඩියක් ගැහුව.

"අපි නටමුද?"

"නටමු"

"නටමු?"

"ජාතික කොඩිය අරන් නටමු"

මුහුදේ යමු මසුන් මරන්න

සුරේඛා ඔරුව දියත් කරන්න

හා හා හා

අඹු දරු රැකගන්න අපිට ආනමඩුවෙ යන්න

සුරේඛා ඔරුව පදින්න!!!!

පූජක විවාහ ආඥා පනතක් අරගෙන එමුද?

2011-03-27T11:26:00.000-07:00

අපරැක්කේ පුඥානන්ද හාමුදුරුවො සාමනේර හාමුදුරු පැටවු ටිකකට අතවර කරල කියන නිව්ස් එක ආව ගමන් ඒක එහෙම උනේ ඇයි කියල පුලස්ති හිතන්න ගත්තා.

මේ පුලස්ති හිතන්න ගත්තෙ මාස ගානකට පස්සෙ.පහුගිය වංගියෙම පුලා හිටියෙ හිතන එක නතර කොරල.පුලාලගෙ ඉස්සරහ ගෙදර අලුතින් සල්ලි වලට අරන් ඉන්න ර.ආමනඩුව කියන නීතිඥ මහත්තැන් පුලාට දුන්න උපදේසෙ තමා "දියුනු වෙන්න ඕනෙ නං හිතන එක නවත්තන්න" කියන එක.හිතන්න ගියාම රටේ ලෝකෙ ඕනෙ මගුලුයි ඕනෙ නැති අවමගුලුයි සේරම ඔලුවට එනව.අනිත් එවුන්ට නැති පුරස්න හිතෙන්න ගන්නව.එතකොට ඒව හිතන එක හැර වෙන වැඩ කිඩ මුකුත් නැහැ.නොහිත වැඩක් බලාගෙන හිටිය නං ලේසියි.අබ්ලික් එකක් නැතිව පබ්ලික් එකේ ආතල් ලයිෆ් එකක් ගත කොරන්න ඇහැකි.එහෙම හිතපු පුලා ගොයිය තමුන්නෙ ත්‍රී රෝද රථේ නුවර හයිස්කූල් එක ගාවට ගෙනිහින් දැහැමින් සෙමෙන් රස්සාව කරගන්න පටන් ගෙන අවුරුද්දක් යන්න කලින් - මෙන්න බොලේ අපරැක්කේ පුඥානන්ද හිමි සාමනේර හාමුදුරුවරු එක්ක කොරපු පාෂාන සෙල්ලම මාට්ටු වෙලා!

තමුන්වහන්සේ ඉදල හිටල පුංචි හාමුදුරුවරු එක්ක පාෂාන කට් කරන්න සෙට් වුන බව අපරැක්කේ හිමියො අධිකරනය ඉදිරියේ පිලි අරගෙනලු.ඉදල හිටල කොරන මේ පුරුද්ද හාමුදුරුවොන්ට බෝ වුනේ කොහොමද?

මේ ගැන හිත හිත හිටපු පුලාගෙ ඔලුවට එක පාරට ආවෙ පාර්ලිමේන්තුව.අපරැක්කෙ හිමි 2004 පාර්ලිමේන්තුව ධර්ම රාජ්ජයක් කොරන්න වැඩිය හිමි නමක් නෙව.මේ අහිංසකව,පැත්තකට වෙලා,බන පදයක් දෙකක් කියාගෙන උන්නු අපෙ අපරැක්කෙ හාමුදුරුවො මේ ජරා වැඩේ ඉගෙන ගත්තෙ අර ගුබ්බෑයමට රිංගලද?අපරැක්කෙ හාමුදුරුවො එක්ක ඒ ගුබ්බෑයමට රිංගපු සිරි සුමංගල හාමුදුරුවොන්ගෙ පුරුෂ නිමිත්තට අද ආන්ඩු පක්සෙ ඉන්න මන්ත්‍රී උත්තමයාස්ලා කතානායක චන්දෙ වෙලාවෙ මසාජ් එකක් දුන්න නිව්ස් එක රටට රහසක් නෙවෙයි නෙව.ඒ වගෙ ගල් බාස්ලා සෙට් එකක් මැදට වැටුනම - මොන ගිරවද නරක් නොවෙන්නෙ?

මේ අදහස ඔස්සෙ හිතන්න ගත්තම තමයි පුලස්තිට කතෝලික පල්ලියෙ සිද්ද වෙලා තියෙන සීන් කෝන් ගැනත් කල්පනාවට ආවෙ.2004 අවුරුද්දෙ විතරක් ඇමරිකාවෙ පූජක වහන්සේලා 4392 කට ලිංගික අතවර කොලාය කියල චෝදනා එල්ල වෙලා තියෙනවලු.මේ ගොඩක් පාෂාන සෙල්ලම් වලට ගොදුරු කොරගෙන තියෙන්නෙ අවුරුදු 11-17 අතර පිරිමි ලමයි.කොයිපැත්තෙන් බැලුවත් පාෂාන්ඩ සෙල්ලමක් වෙන පාෂාන සෙල්ලම කතෝලික පල්ලියෙත් බලාගෙන යන කොට ඉස් අ සිරා කේස් ඇක්චුවලි.

එතකොට ඒ කතෝලික පූජක උන්නාන්සෙලා මේ වගේ නරක පුරුද්දකට ඇබ්බැයි උනේ මක්කෙයි?උන්නාන්සෙලාත් ඒ රටේ ජාතික අමරිකන් උරුමය කියල පක්සයක් හදාගෙන කොංග්‍රස් එකට ඉල්ලලා ඒකට රිංගන්න ගිහින් නරක් උනැයි?එහෙම උනේ නැහැ නෙව.මේ හින්ද අපරැක්කෙ හිමි නරක් උනේ පාර්ලිමේන්තුවට රිංගන්න ගිහින් කියන පුලාගෙ නිගමනේ එච්චරම ලොජිකල් නැහැ කියල පුලාටම තේරුනා.

(අපරැක්කේ හිමි කොහොම උනත් එල්ලාවල චක්‍රවර්තී උන්නාන්සෙ නං කාර් පර්මිට් විකුන්නෙ පාර්ලිමේන්තුවේ ගල් බාස්ලගෙ ආදර්සෙන් නරක් වෙලා කියල නිච්චියටම කිව්ව ඇහැකි)

මෑතකාලේ ලිංගික අතවර කේස් එකකට මාට්ටු වෙලා ප්‍රසිද්ධ උනේ අපරැක්කෙ අපෙ හාමුදුරුවො වුනාට පන්සල් ඇතුලෙ මේ වගේ තව දේවල් තව කොච්චර වෙනව ඇතිද?අහිංසක සාමනේර හාමුදුරුවරුන්ට මේව ගැන ගිහින් පොලිසිවලට කම්ප්ලේන් කොරන්න තරම් අයිතිවාසිකම් ගැන දන්න කියන සමාජයක් නෙමෙයි නෙව අපි.කොහොමත් මානව අයිතිවාසිකම් කියන්නෙ අපේ දෙයක් නෙමෙයි බටහිර දෙයක් කියල නෙව රටේ නායක කාරකාදී බුවාස්ලත් කියන්නෙ.කොහොම හරි පන්සල් අස්සෙ,පල්ලි ඇතුලෙ මේ වගේ විකෘති සීන් කෝන් මේ විදිහට හටගෙන තියෙන්නෙ ඇයි?

පුලස්තිට හිතෙන සරලම උත්තරේ තමයි පන්සල් වේවා,පල්ලි වේවා ඒව ඇතුලෙ ඉන්නෙ පුලස්ති,පුලස්තිගෙ ඉස්සරහ ගෙදර ර.ආමනඩුව මහත්තයා වගේ ලේ මස් ඇට මිනිස් ආසාවන් තියෙන සාමාන්‍ය මිනිස්සු.හැබැයි මහන වෙච්ච උත්තමයාස්ලායි පුලස්තිලයි අතර වෙනසක් තියෙනව.අපි ගත කරන ජීවිතේ ස්වභාවිකයි.හැගීමක් ආවොත් අපිට කැමති විදිහකට ඒක විදගන්න අපිට නිදහසක් තියෙනව.අතින් නං අතින්.ගෑනු අතකින් ඕනෙ කියල හිතෙනවනං ගෑනු අතකින්.ඕනෙනං බදින්න ඇහැකි.බදින්න ඉස්සෙල්ලා නං ෆිල්ම් හෝල් වලට,පාක් වල පදුරු ඇතුලට රිංගත ඇහැකි.බැන්දට පස්සෙ ඒත් ආසාව සෑහීමකට පත්වෙන්නෙම නැති නං අවසර කල් රහස් තැන - පිරිමි කවුරුද වරදෙ නොබැදෙන කියල රාහුල හාමුදුරුවො ලීව එක ටිකක් වෙනස් කරල තමන්ටම ආදේස කරගත්ත ඇහැකි.

ඒත් පූජක උත්තමයාස්ලට මේ නිදහස තියෙනවද?ඔන්න බඩ කොර වෙන පුරස්නය.ඇත්තම කියනව නං අද මහන වෙලා ඉන්න ගොඩක් හාමුදුරුවරුන්ගෙ අයිඩියල් එක නිවන් දකින්න භාවනා කොරන එක නෙමෙයි කියල හංගන්න අවස්‍ය නැහැ.එහෙම සිරාවට නිවන් දකින්නම ඉන්න හාමුදුරුවරු නැතිව නෙමෙයි.උන්නාන්සෙලට තියෙන්නෙ ක්ලේෂ මාරයා සමග කෙලිය මිස පාෂාන්ඩ පාෂාන කෙලිය නෙවෙයි.ඒත් එහෙම නොවන බහුතරයක් හාමුදුරුවරුන්ට,හැගීම් මැඩගෙන,ආසාවන් තෙරපගෙන,ලේ නහර වල කකියන ඕනෑකම් පාගගගෙන ජීවත් වෙන්න සිද්ද වෙලා තියෙනව.කතෝලික පල්ලියෙ පූජක උත්තමයාස්ලටත් මේ කාරනේ පොදුයි.ඒ ගත කොරන ජීවිතේ කෘතිම එකක් නෙවෙයිද?ඒක ස්වභාවික නැහැ නේද?ස්වභාවික ආසාවන් තියෙන මිනිහෙක්ට ස්වභාවික නොවන විදිහට ඒ ආසාවන් පාග‍ගෙන ජීවත් වෙන්න කියල නියම කොලාම සිද්ධ වෙන්නෙ මක්කෙයි?ඒ ආසාවන් විකෘති විදිහට එලියට පනිනව.

යුරේකා.ඔන්න පුලස්ති පුරස්නෙට උත්තරයක් හොයාගත්තා.ආගමික ප්‍රජාවන් ඇතුලෙ වල් විදිහෙ ගල් වැඩ වලට මෙහෙම තැනක් හම්බු වෙන්නෙ ආගමික සමාජ කියන එව්ව සොබාවයෙන්ම ස්වභාවධර්මයාට පටහැනි,කෘතිම විදිහට ගොඩනගාගත්ත පරිසර නිසා.

එහෙනම් ඔන්න විකල්ප දෙකක් තියෙනව.

එක්කො ආගමික ප්‍රජාවන් කියන එව්ව අහෝසි කොරල දාන්න වෙනව.තමුන්නෙ පොඩි එකා පන්සලක,පල්ලියක මහන කොරවලා ඌ ගල් බෝරයක ගොදුරක් වෙනව දකින් මොන අම්මද කැමති?මේ නිසා ආගමික ප්‍රජා කියන අතිසය කෘතිම ගැජමැටික් එක අයින් කොරන්න වෙනව.

ඒත් ඒක ප්‍රායෝගික උත්තරයක් නෙමෙයි නෙව.

ඒ හින්ද දෙවෙනි විකල්පෙ මේකයි.ආගමික ප්‍රජාවල උදවියට - උන්නාන්සෙලා කැමති නං පවුලක් පන්සලක් වෙන්න ඉඩ හදල දෙන්න වෙනව.ගොඩක් දෙනාගෙ අරමුන නිවන් දකින එකත් නොවන හින්ද,දේසපාලනය කොරන එක,ටියුසන් කරන එක,මන්තර ගුරුකම් කරන එක,දානෙට දෙන දෙයක් කාල බීල බනක් කියාගෙන පන්සලට වෙලා වැටිල ඉන්න එක - මේ වගේ සරල වැඩවලට හාමිනේ කෙනෙක් උදවුවට ඉන්න එක බාධාවක් නෙමෙයි නෙව.මහායාන රටවල ඒක වෙනව.ක්‍රිස්තියානි පූජකයොනුත් මේක කොරනව.එහෙම උනොත් පන්සල්,සෙමනේරි අදුරු අහුමුලු වල වෙන පාෂාන්ඩ පාෂාන ක්‍රියාත් අඩු ‍වේවි.අපරැක්කෙ හිමි වගෙ අහිංසක උත්තමයන්ට කාටවත් අපරාධයක් කොරන්නෙ නැතිව තමුන්නෙ ස්වභාවික ආසාවන් ඉටු කොරගන්නත් ඉඩක් ලැබේවි.

පුලස්තිගෙන් ආත්මීය කෙටිකථා තුනක් / Three aathmeeya short stories from Pulasthi

2010-09-29T09:08:00.001-07:00

කෙටි කථාව 1 -

ත්‍රී වීල් සුගා පුලාගේ ගෙවල් මන්ඩියෙ තදයෙක්.උන්නැහෙ බින්න බැස්සෙ ඒ පැත්තේ රූමතියක් උන කටු චූටිගෙ නිවහනේ.කටු චූටි අහිංසක කෙලි පැටික්කී.ඉස්කෝලෙ යන වංගියෙ ඉදල අම්මට අප්පට අත්තප්පට හරිම කිකරුයි.

ත්‍රී වීල් සුගා බැන්ද මුල් දවස්වලත් කටු චූටිගෙ කීකරුකමේ කිසිම වෙනසක් තිබුනෙ නැහැ.සුගා කියන කියන සේරම එයා සුගා වෙනුවෙන් කොරල දුන්න.ලිදෙන් වතුර ඇදල දුන්න.ඒ වතුරෙන් නාල සුගා මිස්ටර් ක්ලීන් වගේ වීල් එක එලෝගෙන ගියා.කෑම ටික රහට හදල දුන්න.ඒව ගිලල "කොහොමද මගේ බොඩිය" කියල සුගා පාර පුරා පුරසාරම් කියාගෙන යන්න පටන් ගත්තා.

හැබැයි සුගාගෙ නිදන්ගත රෝගයක් තිබුන.ගිනි වතුර රෝගය.හවසට කසියා සප්පායම් වෙලා එන සුගා ගෙදර යකා නටනවා.හම්බුකොරන සත පනහත් ගිනි වතුරෙ දිය කොරනව.කොච්චර හම්බු කොලත් ගෙදර පොඩි උන්ට පෑනක් පොතක් ගන්න තරම්වත් සුගා ඉතිරි කරන්නේ නැහැ.

මේක බලා ඉදල බලා ඉදල බැරිම තැන කටු චූටි තීන්දුවක් ගත්ත.

"මම තීරනය කරා රස්සාවකට යන්න" කටු චූටි කිව්වා.

"එපා!"සුගා අඩිය හප්පලා මොර ගැහුව.

"ඔයා කොහොමද එපා කියන්නෙ.මම යනව"කටු චූටි ආයෙමත් කිව්වා.

"පට්ට බැල්ලී" සුගා කටුගෙ බෙල්ලෙන් අල්ල ගත්තා.කටු චූටි හම්බු කොරන්න ගත්තම තමන්ට ගෙදර තියෙන සුප්‍රිමසියට කෙලවෙනව කියල සුගා දන්න හින්ද ඒකට සුගා කොහොමත් කැමති නැහැ.

කටු චූටිගෙ බෙල්ලෙන් අල්ලගෙන එයාව ඇදගෙන ගිය සුගා කලුවර කාමරේක එයාව හිර කොරල දොරේ අගුලු දැම්ම.කටු දොරට තඩි බානව.දෙස් දෙවොල් තියනව.අඩනව.හොටු හූරනව.

"ඊරි!ඉගෙන ගන් හොද පාඩමක්!" කටුට කෑ ගැහුව සුගා ගෙදරින් එලියට ආවෙ කටුගෙ වැලපිල්ල නොතකා හැරල.ඊට පස්සෙ කඩමන්ඩියට ආව සුගා ගමේ බජාර් එක එක්ක ‍සැට් වුනා දාම් අතක් අදින්න.අදින ගමන් තමන් කටුට කල හරිය මිනිහ කිව්ව.

"වේල් දෙකක් විතර බඩගින්නෙ මම ඉන්න අරිනව.ඕකි දැනගන්න ඕනි තමන්ගේ තරමට ඉදිමෙන්න"සුගා පපුව කහ කහ කිවුව.

"හරියට හරි සුගා පුතා!" දාම් පෙතේ අනිත් පැත්තෙ හිටපු ගමේ දැනමුත්තෙක් විදිහට සැලකුන නාකි නොයෙල් මාමා කිව්වා.

"ඒකිව කාමරේට දාල වැහුව එකේ කිසි වැරැද්දක් නැහැ.ගෙදර තමන්ගෙ වැඩක් පොලක් බලාගෙන ඉන්නෙ නැතිව තමන්ට ඕනෙ නැති වැඩවලට අත දාන්න ඒකි ගියෙ අහවල් මගුලකටද?"

කෙටි කථාව 2 -

එකමත් එක රටක මුල්ගම්පොල කියල ගම්මානෙක චිරද බුවා කියල කලු කොට කැත මිනිහෙක් හිටිය.චිරද බුවා තමුන්නෙ ලමයින්ට වුනත් එච්චර වියදම් කොරන්න අකමැති තරමක් ලෝභ පහේ බුවා කෙනෙක්.

චිරද බුවාගෙ දෝනියැන්දැගෙ ඛේදවාචකේ මුල්ගම්පොල ගමට ආරංචි වෙනකොට වෙලාව හවස 4යි.සුපුරුදු පරිදි ඒ වෙලාවෙත් නාකි නොයෙල් මාමා ඇතුලු පිරිස කඩමන්ඩියට වෙලා දාම් ඇද ඇද හිටියා.

"දන්නවයි"හති දාගෙන කඩමන්ඩියට දුවගෙන ආව විමංස කොල්ලා කිව්වා.

"චිරද බුවාගෙ දුව.තුත්තරා.ඒකිව නට්ටං ‍කොරලලුනෙ!"

"කවුද?"කඩමන්ඩියෙ හැම දෙනාගෙම ඇස් උඩ ගිහින් නතර වුනා.සේරම කලබොලෙන් විමංස කොල්ලා දිහා බැලුව.

"ඒකි‍ ටියුසන් ගිහින් තියෙන්නෙ විස්ස විද්දියාලෙ හචිස් මුදිත කියල කොල්ල කෙනෙක් ගාවට.ඒ කොල්ලගෙ ගෙදෙට්ට.සීන් එක වෙද්දි තුත්තරා එක්ක වෙනද කැලෑස් යන යාලුවා ඇවිල්ල නැහැ.අරූ තුත්තරාව බලෙන් පෙරලගෙන වැඩේ දීල"

"හොද වැඩේ!"අත්පුඩියක් ගහපු නාකි නොයෙල් මාමා කිව්වා.

හැමෝම නොයෙල් මාමා දිහා බැලුවා.නොයෙල් මාමා මොනා නැතත් පාලි සංස්කෘත කට ගාපු බුද්ධිමතා.

"ඇයි මාමේ හොද වැඩේ කියන්නෙ?"එතන හිටපු බුවෙක් ඇහුවා.

"ඇයි බොල.ගෙදෙට්ට වෙලා මැහුමක් ගෙතුමක් ඉගෙන ගෙන ඉන්නෙ නැතිව ඒකි මොන බම්බුවකටෙයි ගෙවල් ගානෙ ටියුසන් කොරන්න රිංගන්න ගියෙ.ඕනෙ නැති වැඩනෙ.තමන්ගෙ පාඩුවෙ ගෙට වෙලා හිටිය නං ඔය මොනවත් නැහැ.තනි පංගලමෙ කෙල්ලක් ලග ඉද්දී ඔය වගේ දෙයක් කොරන්න නොහිතෙන්නෙ මොන පිරිමියටද.ඌට දොස් කියන්න ඕනෙ නැහැ.මේ බැල්ලිගෙ තමයි වැරැද්ද.තත්වෙ තියාගෙන වැදගත් ගෑනු ලමයෙක් වගේ ඉන්නෙ නැතිව එක එක ගෙවල් ගානෙ රිංගන්න යනවට!"

කෙටි කථාව 3 -

මේ කතාව තවත් එකමත් එක රටක් ගැන.ඒ රටේ අවුරුදු හයෙන් හයට ජනාධිපති තෝරන්නය කියල ඡන්දයක් තියෙනව.

ක්‍රිස්තු වරුස 2010 ඉතින් එහෙම තිබ්බ ඡන්දෙට එක පැත්තකින් ඉදිරිපත් උනා මහින්ද රාජපක්ෂ කියල මහත්තැන් කෙනෙක්.අනිත් පැත්තෙන් ඉදිරිපත් උනා ජැනරල් ෆොන්සේකා කියල පැන්ෂන් ගිය හමුදා නිලධාරි උන්නැහෙ කෙනෙක්.

මේ ඡන්දෙන් ඒකෙන් මේකෙන් ෆොන්සේකා උන්නැහෙ පරාද වුනා.

පරාද වුනා විතරයි රාජපක්ෂ මහත්තැන්ගෙ ආන්ඩුව මුන්නැහෙට පන්න පන්න එක පිට එක නඩු හබ පටලවන්න වුනා.ඒ නඩු හබ අහන්න යුජ අජිකරනෙ කියල එකක් ඇටෙව්ව.ඒකෙ වින්ස්චයකරුවන් විදිහට ෆොන්සේකා උන්නැහෙ හමුදාවෙ ඉද්දී උන්නැහෙට හිටපු බද්ධ වෛරක්කාරයෝ වගයක් දැම්ම.එහෙම කොරල ෆොන්සේකා උන්නැහෙව අවුරුදු 3 කට වැලිකඩ හිර කොරන්න තීන්දු කොලා.

මේ එකමත් එක රට තරමක් අමුතු පහේ රටක්.ඒකෙ උසාවි වල විනිස්චයකාරයො හිටන් තනිකර පත්කොරන්නෙ ජනාධිපති ගෙ හිතුමතේට.ඒකෙ විනිස්චයකාරයෙක් වෙන්න නං මහතැනගෙ හිත දිනාගෙන ඉන්න එක අනිවාර්ය කාරනයක්.

ඒකෙන් මේකෙන් ෆොන්සේකා කියන මහත්තැන් අන්තිමට හිරගෙදර යවන්න ඕනෙ කියල තීන්දු වුනා.උන්නැහෙ දරුනු පෙනහලු රෝගියෙක් හින්ද වාතාශ්‍රය හොදට ලැබෙන්න ඕනෙ නැත්තං ආසාදනේ වෙනව කියල උන්නැහෙගෙ දොස්තරලාස්ල කියනවලු.ඒත් වැලිකඩ ජම්පරයක් අන්දවල හිර කලාට පස්සෙ ඒව ලැබෙයිද නැද්ද සුවර් නැති නිසා උන්නැහෙ බොහෝ විට වැලිකඩ ගියොත් ඒක ට්‍රැජඩියකින් අහවර වෙයි කියල තමයි ගොඩක් දෙනා කිව්වෙ.

මේක ආරංචි උනා විතරයි උඩලමත්තේ නාමල් කියන කොලුවාට මාර ආතල් එකක් ගියා.උන්නැහෙ හැමෝටම ඇහෙන්න අත්පුඩියක් ගැහුවා.

"හොද වැඩේ"උන්නැහෙ කිව්වා.

"ඇයි හොද වැඩේ කියන්නෙ?"තව කෙනෙක් ඇහුව.

"ඇයි බොල.මේ යකා තමන්ගෙ තත්වෙ තියාගෙන ඉන්නෙ නැතිව මොන මගුලකටද චන්දෙ ඉල්ලන්න ගියෙ.පාඩුවෙ හිටියනම් ඉවරනෙ.මේ මිනිහට ක්‍රීඩා හා පොදු විනෝදාත්මක කටයුතු අමාත්‍යංසෙ ලේකම් කම කොරගෙන කටයි පුකයි වහගෙන ඉන්න පුලුවන් කම තියෙද්දි අහවල් අමාරුවටද ඡන්ද කොරන්න ගියෙ.හොද වැඩේ!"

කෙටි කථා තුන ආශ්‍රිත ප්‍රශ්න

1.තුන්වෙනි කථාවේ මහින්ද රාජපක්ෂ ගේ චරිතය හා සමානකම් දක්වන චරිත යුගලය තෝරන්න.

අ) උඩලමත්තේ නාමල් හා නොයෙල් මාමා

ආ) ත්‍රී විල් සුගා හා ස්ත්‍රී දූෂක හචිස් මුදිත

ඇ)ඉහත (අ) හා (ආ) දෙකම

ඈ) තුත්තරා හා කටු චූටි

2.ඉහත කථා වලින් සමාජයට ලැබෙන පනිවුඩය කුමක්ද?

අ) 2010 ලංකාවේ රජතුමාගේ නම කැකිල්ලේ බවයි

ආ) නීතියට එකග වැඩක් කොරන්න ගිහින් අන්තරායක් කවුරු හරි කොරාම වුනත් ඒක තමන් විද දරා ගත යුතු බවයි.

ඇ)බලය තියෙන කෙනාට පිටින් නොයා මුඛයයි අධෝමුඛයයි වහගෙන ඉන්න එක හයවන සිල්පදය බවයි.

ඈ)වික්ටර් අයිවන් .ගාවට ලංකාවෙ ඉන්න හොදම දේසපාලන විචාරකයා උඩලමත්තේ නාමල් බවයි

( එක පුරස්නෙකට ලකුනු 50 බැගින් ලකුනු 100 යි )

මර්වින් සිල්වා සහ සංඝ සම්මේලනය

2010-08-21T01:25:00.000-07:00

මර්වින් සුදු කරන සංඝ සම්මේලනයක්

මර්වින් සිල්වා හිටපු නියෝජ්‍ය ඇමතිවරයාගේ ගුණ වැයීමේ සංඝ සම්මේලනයක් පැවැත්වීමට මහින්ද රාජපක්ෂ මහතාට හිතවත් ශ‍්‍රී ලංකා නිදහස් පක්ෂයේ ක‍්‍රියාකාරී භික්ෂූන් වහන්සේලා පිරිසක් සූදානම් වෙති.

කඹුරුගමුවේ වජිර, වටිනාපහ සෝමානන්ද, ඕමාරේ කස්සප යන හිමිවරුන් ඇතුළු භික්ෂුන් වහන්සේලා පිරිසකගේ අත්සනින් නිකුත් කර ඇති නිවේදනයක දැක්වෙන්නේ අද කොළඹ බණ්ඩාරනායක සම්මන්ත‍්‍රණ ශාලාවේදී එම සම්මේලනය පැවැත්වෙන බවයි.

( lankatruth - 2010.08.20)

උපාසකම්මා ඉපදුනු හීන කුලේ

මහන කරන්නයි යන්නේ ඇගේ කොලූ

ඌට නිකායක් වෙන් කොට තබා තිබේ

අපෙ මුනි බනේ ඒකද හාමුදුරුවනේ

පිරිත් නූල් බදිමින් ජන හතුරන්ට

යතුරු කැරලි අදනය යට ගසාගෙන

අපවත් වෙන්න පෙර සහලේ ඥාතිවරු

මහන කරන එකදැයි මුනි බනේ ගරු

කුනු හෝදන්න මහ තැන් වල අපේ රටේ

පන්සල් තමන් යැයි කි හොද වෙල්ලාව

ටිකට් විකුනලා පෙරහැර කරනකොට

කරඩු‍වෙ ඉදිවිද ධාතුන් වහන්සෙලා

රට දැය සමය රැකගත්තේ චීවරයයි

රට දැය සමය සුරකින්නෙත් චීවරයයි

එවන් සසුන සමහර හිමිවරු නසති

කුල ගොත් ඥාති නිල තල සංග්‍රහ සොයමින්

කුඩාපොල වගේ විරු හාමුදුරුවරු

අදත් අපි අතර හිද මේ ලෙස කියති

රට කන උන්ව වනසා රට දැය රැකුම

තමයි අපේ අද දවසේ මහනකම!

(සුනිල් ආරියරත්න)

හිතවත් බොදුනුවනි,

රජයේ නිලධාරියෙක්ට අඩත්තේට්ටම් කල ප්‍රසිද්ධ අපරාධකාරයෙක් වන මර්වින් සිල්වා වෙනුවෙන් මේ ඇරෙන්නේ දේශපාලනය කිරීමේ වරද නිසා අසාධාරන විදිහට සිරගත කල සරත් ෆොන්සේකා වෙනුවෙන් කෙල බිදක් නොහෙලපු කටවල්ය.

මර්වින් සිල්වා වෙනුවෙන් මේ පෙනී සිටින්නේ රටේ අපමන සිද්ද වෙන අපරාධ අසාධාරනකම් ගැන කසාය බිවූ ගොලුවන් මෙන් නිහඩව සිටින,ඒවා නෑසුකන්ව පන්සල් වල භාවනායෝගීව වැඩ වාසය කල උදවියය.

මර්වින් සිල්වාගේ ඇමතිකම වෙනුවෙන් මේ කහින්නේ රාජපක්ෂ මහරජානන්ගේ මැර පොලිසිය තමුන්ගෙම වංශයෙ භික්ෂූන්ට මහ මග පහර දෙන විට මොහොතකටවත් වචනයක් වැය නොකල අයවලුන්ය.

දුසිල් භික්ෂූන් අල්ලා පුකේ තාර ගෑ යුතු බව පැවසුවේ හිටපු දේශපාලකයෙකි.

රට පාදඩ සාප්පුවක් කරන මර්වින් සිල්ව ලා,මර්වින්ලාව හදා වඩා කිරි පොවන ඉහල පෙලේ දේශපාලන නායකයන්,එම නායකයන්ගේ පාදඩකම් ලජ්ජා විරහිතව සාධාරනීකරනය කරන කසාවත් පෙරවූ වංචනිකයන් ඇතුලු සකල විධි දුසිලුන් අල්ලා පුකේ තාර ගෑ යුතු බවට කොතලාවලගේ වාක්කිය සංශේධනය කරන්නේ මුල්ගම්පොල පුලස්තිය.

එක්සත් ජාතික පක්ෂය - ගැහැනුද?පිරිමිද?නපුංසකද?

2010-08-16T01:40:00.000-07:00

ජෙනරල් ෆොන්සේකාව වැරදිකරු කොරල යුජ අජිකරනෙ දුන්න තීන්දුව ගැන විසේසයෙන් කියන්න දෙයක් පුලස්තිට නැහැ.බඩේ අමාරුවට සුදු ලූනු ගිලින්නෙ වාතය පිටකරන්න මිස වෙන මොකටද.සාම කාලෙක යුජ අජිකරන අටවනකොටම මේකෙ අරමුන ෆොන්සේකා බොස්ව දඩුකදේ ගහන එක කියල ඕනෙ මී ගවයෙක් දැනගෙන හිටිය.යුජ අජිකරනෙ කියන්නෙ තමුන්ගෙ පලිගැනීමේ මිසන් එක කවර් කරගන්න හෙලුවෙන් ඉන්න ලොක්කාස්ලා ඇදගත්ත විනිවිද පෙනෙන ජංගි කෑල්ලක් විතරයි.එකම අවුල - ජංගිය ට්‍රාන්ස්පේරන්ට් කියල පෙන්නන්න පොඩි එකෙක් එකසිය හතලිස් ගානක් වෙච්ච ආන්ඩු පක්සයෙ හරි,ආන්ඩු පක්සෙ තොල් සූප්පු කරමින් ජීවත් වෙන සුමනසිරි ලියනගේ,වික්තර් අයිවන්,දම්ම දිසානායක වගේ ප්‍රගතසීලි උගජුන් අතර හරි හිටපු නැති එක.

යුජ අජිකරනෙ තීන්දුව එක්සත් ජාතික පක්සෙ හෙලා දැකල තිබුන.කරු ජයසූරිය මහත්තයා මේ තීන්දුව විවේචනය කොරල පහුවදාම ප්‍රෙස් රිලීස් එකක් කොරල තිබුන.ෆොන්සේකා උන්නැහෙ වෙන පක්සෙක වුනත් විපක්සයක් විදිහට මෙහෙම වැඩක් වත් කොරපු එක නරකම නැහැ.

ඒත් පුරස්නෙ තියෙන්නෙ එතන නෙමෙයි.

පලමු යුජ අජිකරනෙ ‍චෝදනාව වුනෙ ෆොන්සේකා බොස් හමුදාපති වෙලා ඉද්දි දේසපාලකයන් එක්ක සම්බන්ධකම් තිබ්බ කියන එක.උන්නැහෙ හමුදාපති වංගියෙ තමුන් එක්ක කතා කොලා කියල ටැක්සි අබේ,ජොන්ස්ටන් මුදුන්කොටුව,ලක්ස්මන් සෙනෙවිරත්න කියන උන්නැහේස්ලා ෆොන්සේකට විරුද්ධව සාක්කි දීල තිබුන.ජොන්ස්ටන් මුදුන්කොටුව ජනාධිපති ඝාතන කුමන්ත්‍රනයක සැකකාරයෙක් වුන දැනට අත්අඩංගුවෙ ඉන්න කොටි සැකකාරයෙක්ට නවාතැන් දුන්නා,අධිආරක්සිත කලාප පෙන්නල දුන්න කියල චෝදනා එල්ල වුන බුවෙක්.ඒ චෝදනාවයි ජොනී ගේ පිල් පැනීමයි අතර සම්බන්ධයක් තියෙනව කියල රට්ටු කියනව පුලාට ඇහිල තියනව.රට්ටු කියන කයි කතන්දර යුජ අජිකරනෙ විද්වතුන්ට එච්චර ගානක් නැතිව ඇ‍ති.

ඒකෙන් මේකෙන් ජොනීගෙ සාක්කියට අතිරේකව ෆොන්සේකා වැරදිකාරයා කොරන්න යුජ අජික‍රනෙ යොදාගන්නෙ යූඇන්පියේ ලොක්කෙක් වෙන,දැනටත් යූඇන්පියෙ සාමාජිකත්වය ඉහලින් දරන,ඒකෙ කෘත්‍යාධිකාරි මන්‍ඩලේ ධූරන්දර ලක්ස්මන් සෙනෙවිරත්නගෙ සාක්කිය.

ෆොන්සේකා වැරදිකාරයා කොරන්න යූඑන්පියේ කෘත්‍යාධිකාර මන්ඩලයෙ ලොක්කෙක් සාක්කි දෙනව.

ෆොන්සේකා වැරදිකාරයා වුනාට පස්සෙ ඒක හෙලා දැකල යූඑන්පියෙ කෘත්‍යාධිකාර මන්ඩලයෙම ලොක්කෙක් ප්‍රකාස නිකුත් කොරනව.

දැන් එතකොට යූඇන්පිය කියන්නෙ පක්සයක්ද?නැත්තං එහෙම්පිටින් පරස්පර දේවල් කියන කොරන මිනිස්සු ටිකක් තාවකාලිකව ලැගල ඉන්න අම්බලමක්ද?

මේ සේරම අස්සෙ තමුන්නෙ හිටපු ජනාධිපති අපේක්සකයාට පන්න පන්න ගහන එක ගැන හාංකවිසියක්වත් නැහැ වගෙ රනිල් විකුම්සිහ බොස් මහින්ද රාජපක්සට ධූර කාලෙ දික්කරල දෙන හැටි ගැන කතාකොරන්න දවස ගානෙ රජමැදුරට රිංගනව.‍රජතුමාගෙ ටී පාටියට සෙට් වෙනව.රජතුමා ඒකට උපකාර පිනිස විකුම්සිහගෙ අම්මිගෙ ලෙඩ බලන්න හොස්පිටල් යනව.

ෆොන්සේකගෙ සංගදිය රාජපක්ස - විකුම්සිහ මහා සාකච්ඡාවෙ න්‍යාය පත්‍රයෙ ගෑවිලාවත් නැහැ.

පුලස්තිගෙ පුරස්නෙ බොක්කෙන්ම එජාපයට හිතවත් ගමේ ගොඩේ සගයාස්ලට.

මොකක්ද මේ දෙබිඩිකම?මොකක්ද මේ ඩබල් ගේම් එක?

විපක්සය කියන්නෙ රටක විකල්ප ආන්ඩුව කියලයි කියන්නෙ.

අපේ රටේ විකල්ප ආන්ඩුව කියන්නෙ ප්‍රතිපත්තියක් ඉස්තාවරයක් නැති,හැම පැත්තටම පනුවො වගෙ නලියන මේ වගෙ ඩබල් ගේම්කාර දෙබිඩ්ඩො සෙට් එකකටද?

සිල්වා මර්වින් - ධෛර්යය අරගන්.නාඩා දැන් ඉතින් - හෙට දවස ජයගන්!

2010-08-11T12:10:00.000-07:00

දයාබර මර්වින් සෑර් වෙත ලියමි (පිටපත් - පෙරමුනේ රාල හා පිටියෙ අප්පු )

හත්වලාමයි ‍සෑර්!!!!! වැඩේ පත්තු වුනා නේද?

මක්කෙයි මේ වුනේ?ග්‍රහයා නීච වෙලාද?සෑර්ගෙ ලොකු සෑර් සූර් වෙලාද?

ඇත්තටම දැන් සෑර් ඇමති නෙමෙයි හින්ද මර්වින් ගොයිය කියල ලියන්නත් පුලාට හිතෙනව.ඇමති නෙමෙයි නං සර්ගෙයි පුලාගෙයි වෙනස මොකක්ද නේද?මෙගා ඉස්ටාර් එ‍කේ චාන්ස් එකක් දුඤ්ඤනං පුලත් කියල පෙන්නන්නං කවි.කොහෙවත් ඉන්න අහිංසකයෙක්ට තග දාන එක පුලාටත් කොරන්න බැරි වැඩක්ය.ඒත් තවම සෑර් මෙම්බර් ඔෆ් පාර්ලිමන්ට් නෙව.ඒ හින්ද සෑර්ට පුලස්ති අයිය බයිය වෙන්නෙ නැතිව අයිය හරි ගොයිය හරි නොකිය තාම සෑර් කියල කියනව.

ඉතින් සෑර් ඔබතුමා පජාත මැර වැඩ කොරනව කියන එක අලුත් දෙයක්ද?නේද?

ඕක පුලා වගෙම කවුරු කවුරුත් දන්නව.පුලාට තියන අවුල මේකයි.මේක රජතුමත් නොදැන හිටිය නෙමෙයිනෙ.සෑර්ගෙ හිස්ටරිය ගත්තම පජාත වැඩ කොලේ සමෘද්ධි මල්ලිව ගස් බැන්ද දවසෙ විතරක් නෙමෙයි නෙව.

තමුන්නැහෙ සිරසෙ බුවාලව හීරුවා.ටිවි එක ඉස්සරහ බයහැක නැතිව උන්ට තග දැම්ම.ජාතික එකේ අර රැවුල්කාර අහිංසක මහත්තයට බිම පෙරලගෙන කෙලිය.තමුන්නැහෙට පාට් දාන්න ආපු රූපවාහිනියෙ බුවා‍ලගෙ පිටවල් වල සෝරො වගේ එක එක ලකුනු දැලිපිහි වලින් ඇන්ද.තමුන්නැහෙගෙම පලාතෙ ප්‍රාදේශීය සභා සභාපතිගෙ සරමෙ මූත්‍ර යන විදිහට වැඩ කෙරුව.උන්නැහෙගෙ ගෙදර කුඩු කලා.තමුන්නැහෙට විරුද්ධව යන්න ගිය උන්දැව ආයෙ තමුන්නෙ කකුල් දෙක ලගට බල්ලා වගේ ගෙන්න ගත්ත.

දෙනෝ දාහක් බලං ඉන්දැද්දි සිරසට මහ දවාලෙ මැර බුවාල එවල කෙලලා ගියා.ඒ විතරක්ය,කැලනි කැම්පස් එකත් ගොම්පස් කලා.කැලනියෙ අන්ඩර් ග්‍රැජුවෙට් මල්ලිලට පෝස්ට් ග්‍රැජුවෙට් පොරක් උන තමුන් කොයි තරම් වැඩර් ද කියල තමුන්නැහෙ පෙන්නුව.

ඇත්තටම හිතල බලන්න සෑර්,මේ කිසිම පජාත වැඩකදි මීක් නොකිව්ව මහරජතුමා එක පාරටම මේ දගලන්නෙ මක්කෙයි?

නින්දෙන් නැගිටල වගේ විනය පරික්සන තියන්නෙ මක්කෙයි?ඇමතිකම් අහෝසි කොර‍ගෙන,ආසන සංවිධායකකම අත්හිටුවගෙන තමුන්නැහෙට එරෙහිව අලි පාට් දාන්නෙ මක්කෙයි?

මේක රටේ සමහරුන්ට වගේම සෑර්ටත් බුදු පුරස්නයක් කියල පුලා දන්නව.යූඑන් එකේ ඩිප්ලොමැට්ස්ල හිටන් හිරකරගෙන මිනිස්සුත් කුලප්පු කොරගෙන වලං ගොඩට පැන්න ගොනා වගේ ලෝකෙටම පේන්න පිස්සු නටපු විමල් වීරවංසට රජතුමා සැලකුවේ ආදරෙන් වතුර පොවල ඔලුව අතගාල.මේ කවුරුත් නමවත් අහල නැති සමෘද්ධි මල්ලි කෙනෙක්ට පොඩි තගක් දැම්ම වගේද යූඇන් එකේ බුවාලව හිර කොරගෙන තොවිල් නටන එක?වීරවංසට එක හැන්දකින් බෙදල තමුන්නැහෙට වෙන හැන්දකින් රජතුමා බෙදනකොට මේ මොනවද වෙන්නෙ කියල තමුන්නැහෙට අදහගන්න අමාරු වුනා කියන එකත් පුලස්ති දන්නව.

ඒත් පස්සෙ කල්පනා කොරල බලද්දි මොකක්ද සීන් එක කියල හරියටම පුලාට ඒත්තු ගියා.

පොඩ්ඩක් බලන්න සෑර්,ජාතික රූපවාහිනියෙදි සෑර් කෙලියෙ කාටද?සිරස මාධ්‍යවේදියා කවුද?කැලනියෙ ගුටි කාපු මල්ලිලා කවුද?පිටවල් කපාගත්ත මාධ්‍යවේදියො මොනුන්ද?

මේ සේරම සිංහල බුවාල.එතකොට තමුන්නැහෙ ඊයෙ පෙරේද චාටර් කොල මොහොමඩ් නිසාම් කවුද?

උන්නැහෙ මුසල්මානුවෙක්!ඉස්ලාම් භක්තිකයෙක්!

සිංහල බුවාලව චාටර් කොරනකොට ඒක පයිසෙකට ගනං නොගත්ත මහරජතුමා මුස්ලිම් උන්නැහෙ කෙනෙක්ව චාටර් කොරපු ගමන්ම තමුන්නැහෙව සස්පෙන්ඩ් කොලේ මක්කෙයි?

ඔන්න මර්වින් මැතිතුමෝ රහස මාට්ටු වෙන තැන.

පුලස්තිගෙ පැහැදිලි කිරීම මේකයි.රජතුමා දැන් හොදටොම වෙනස් වෙලා.එතුමා මේ රට ඉස්ලාම් කිරීමේ ඉස්ලාම් ශුද්ධ යුද්ධයේ ඉත්තෙක් වෙලා.

පුලස්තිට තේරෙන විදිහට මේක පිටිපස්සෙ ලොකු කුමන්ත්‍රනයක් තියනව.බියොන්ඩ් ප්‍රේම්,ටැබූ,ඇට නැති මැස්සා වගේ අවජාතකවාදින් සිංහල බෞද්ධයන්ට වින කෙටුනම කටවත් අරින්නෙ නැහැ.මුස්ලිම් පල්ලියකට මක්ක හරි වුනාම තමයි බෙරිහන් දෙන්නෙ.බලං ගියාම අපේ ලොකු සෑරුත් ඒ වගෙ නෙව.සිංහල එවුන්ගෙ පිටවල් කැපුනට නෝ කතා නෝ බතා.මුස්ලිම්කාරයෙක් ගස් බැන්ද විතරයි මෙන්න බොලේ නැට්ට පාගගෙන!

තමුන්නැහෙට වුන දේ අන්තිම අසාධාරනයක් කියලයි පුලස්ති ඉදුරාම කියන්නෙ.මුල්ගම්පොල හොල්ලගෙන ඉන්න නල්ල මලේ මැරයෙක් වෙන පුලස්ති මැර ප්‍රජාව නියෝජනය කොරන ඇමතිවරයෙක් ආන්ඩුවෙ ඉන්න එක ගැන පුල් හැපි එකෙ හිටියෙ.ආන්ඩුවෙ මොන වැරැද්ද තිබුනත් හැම ප්‍රජාවටම නියෝජනයක් දෙන එක කොච්චර හොද දෙයක්ද.මේ ලගදි කේපි හරහා කොටි ප්‍රජාවටත් නියෝජනයක් දුන්න නෙව.

ඒ උනාට රජතුමා දැන් ඉස්ලාමීය ජිහාඩයේ කුමන්ත්‍රනේකට අහුවෙලා අපේ මැර නියෝජනය අපෙන් උදුරගෙන.

මේ ලැරි හැරි හැරී ඉන්නෙ නැතිව එල් ඕ එල් සී ගියා වගෙ මර්වින් සෑර් තමුන්නැහෙටත් දැන් තියෙන්නෙ හැරි හැරි ඉන්නෙ නැතිව වහාම ක්‍රියාත්මක වෙන එක.ඔබතුමා තනි වෙලා නැහැ.තනි වෙලා කියල එක මොහොතකටවත් හිතන්න එපා.තමුන්නැහෙට කෙලෙව්ව ජිහාඩ් කුමන්ත්‍රනේට ඉන් රිටර්න් ගේම දෙන්න සෑර් මූලිකත්වය ගන්න ඕනෙ.ජිහාඩය නස්තාර් කොරන්න ඇස් ඉස් මස් ලේ දන් දෙන්න සූදානං බුවාල සැට් එකක් ඉන්නව සයිබර් අවකාසෙ.පෙරමුනෙ රාලගෙ අටුවාව කියල උන්නැහෙල වෙනම ටීම් එකකුත් ෆෝම් කොරගෙනයි ඉන්නෙ.වහාම උන්නැහෙලට ඊමේල් එකක් යවන්න.කොම්පියුටරේ ඕන් කොරගන්න දන්නෙ නැත්තං දන්න කාගෙන් හරි අහගෙන හරි ඊමේල් එක යවාගන්න.ඉස්ලාමය සමූලඝාතනය වෙන තුරු නින්ද නොයන පිටියෙ අප්පු කියන සැදැහැවතා කලු ජූලියකින් ඉස්ලාමය සංහාරය කොරන්න මානගෙන ඉන්නව.අප්පුලට මදි වෙලා හිටියෙ තමුන්නැහෙ වගෙ කොන්ද පන තියන වීර සිංහලයෙක් තමයි.

ඒ අප්පුට එකතු වුනොත් තමුන්නැහෙ දෙවෙනි පුරන් අප්පු වෙලා තමයි නතර වෙන්නෙ ඕං.

එහෙනං සෑර්,රජතුමාගෙ තීරනය වින්නැහියක් නෙමෙයි වෙස් වලා ගත්ත ආසිර්වාදයක් කියල හිතන්න.පුලස්තිගෙ අවවාදය පිලිගන්න.තමුන්නැහෙට දුන්න මේ වටිනා උපදෙසට කවද හරි තමුන්නැහෙ පුලාට පින් දෙයි කියන එක විතරක් පුලා හොදට දන්නව.වැඩේ ලේසි වෙන්න මේකෙ පිටපතක් පුලස්ති පෙරමුනෙ රාලටත් යොමු කොරඤ්ඤං.තමුන්නැහෙට සුබ අනාගතයක්.ලග නොබලන්න.දුර බලන්න.පැමිනි දුක පැනි රසයි කියල හිතන්න.

ඒ වගත් මෙසේම

ඔබගේ ආදරනීය රසිකයා හා බැතිමතා

- පුලස්ති

පුලස්ති සංදේශය - පුලස්තිගේ පලමු කාව්‍ය නිර්මානය

2010-08-10T00:05:00.000-07:00

මිත්‍රවරුනි

පුලස්ති වන මා තමුන්නාන්සෙලා මෙතෙක් කල් දැනගෙන සිටියෙ බොලොග් රචකයෙක් විදිහටය.ඒ වුනත් පුලස්ති තුල අංකුර කවියෙක්ද සැගව සිටී.මේ පලවෙන්නේ තරුන අවධියේ නාහෙට නාහන දඩබ්බරයෙක්ව සිටි වංගියේ පුලස්ති අතින් ලියැවුන චරිතාපදාන කවියකි.මාගේ කුලුදුල් නිර්මානය පිලිබද තමුන්නාන්සේලා ගේ අවංක අදහස් අපේක්ෂා කරමි.මා ලපටි සිතේ කවි සිතුවිලි මෝදු කරමින් කුඩා කල ඔලුව පිරිමදිමින් කවි කියා දුන් පුලාගේ අම්මම්මාව කුලුදුල් නිර්මානය එලි දක්වන මේ මොහොතේ ආදරයෙන් සිහිපත් කර සිටිමි.

පුලස්ති සංදේශය

පුලහස්ති මාරයා

තරුන දන වීරයා

දුදන ග්‍රහචාරයා

චීන අඩි ආචාරියා

කොහි සිටද ඔහු එන්නේ

කොයිබටද ඔහු යන්නේ

නොමැත කිසිවෙකු දන්නේ

සිතන්නට ඇයි වෙහෙස වෙන්නේ?

හිටි ගමන් මතු වෙනවා

සුලග වාගේ එනවා

ගැහැනු සිත් කලඹනවා

සැනෙන් නොපෙනී යනවා

රජයේ වරම් ලද්දෝ

පොලිස් නිලධර කිලුටු වැද්දෝ

මොහුට තරමින් මෙවන් ඇත්තෝ

වෙනත් කා හට බයක් ඇද්දෝ

අඩියක් ගහන්න

ගඩුවක් බහන්න

ඇනයක් නමන්න

ගුලියක් ගිලින්න

බටයක් අදින්න

වලියක් අදින්න

හුරුවක් වකන්න

මිනියක් මරන්න

අවැසි ඕනෑ දේකට

කියන් පනිවිඩ පුලා අයියට

යසස නැංවූ වියරු මොහුහට

වදියි පුදදෙයි මහ රජුන් වුව

ආයුබෝ වේවා

මහරජානෙනි....................!

සිංහලයාට නැති දෙමලාට තියන අමුතු පුරස්නෙ මොකක්ද?

2010-08-08T00:33:00.000-07:00

දෙමලාට තියන සිංහලයාට නැති අමුතු පුරස්නෙ මොකක්ද?සමහරවිට ලෝකෙ ආරම්භ වුනේ කොහොමෙයි කියන පුරස්නෙ ලගට ලංකාවෙ වැඩියෙන්ම අහල තියෙන පුරස්නෙ මේක වෙන්න ඇති.යුද්ධය ගැනයි ජාතින්ගේ පුරස්නෙ ගැනයි මාතෘකාවක් ඇදිල ආව ගමන් නලින් ද සිල්වා ඇදුරුතුමයි,ගු.අමරසේකර මැතිතුමයි,ඇස්.ඇල්.ගුනසේකර මැතිදුයි වගෙ නහුතයක් බුවාල ගත්කටටම කියන්නෙ "හහ් හිංගලයට නැති දෙමලට තියන අමුතු පුරස්නෙ කියහංකො බලන්න" කියන තර්කෙ.නලින් ද සිල්වානන් කියන විදිහට මේ පුරස්නෙට උත්තර දෙන්න දෙමල ජාතිවාදීන්,කසිකබල් මාක්ස්වාදීන්,බංකොලොත් ලිබරල්වාදීන්,ඇන් ජී ඕ කපුටන් - මේ එකෙක්වත් තාම සමර්ථ වෙලා නැහැ.උන්නැහෙට අනුව මේ හින්ද උන්නැහෙ දිනුම්.

යුද්දෙ තිබුන වංගියෙ දෙමල ඈයොන්ට සිංහල ඈයොන්ට ෆේස් කොරන්න නොවෙන අමුතු අමුතු රිද්දිලි වගයක් තිවුන.

හිංගලයෙක්ට ඕනෙ දීපංකරේක අයිඩෙන්ටිය පෙන්නුව ගමන් බය සැක නැතිව ගිය හැකි.ඒත් චෙක් පොයින්ට් වලදි දෙමලා දිහා බැලුනෙ අමුතු විදිහට.පැය විසි හතර පුරාම හිසේ ඉදල පාදාන්තය දක්වාම දෙමලාගේ සරිර දිහා හමුදාවයි පොලිසියයි රාජ්‍යයයි සිංහල සමාජයයි සැකෙන් කුකුසෙන් බැලුව.තුන්සිය හැටපස් දවසෙම තමන් උපන්න රටේ සැකයට ලක්වෙමින් ජීවත් වෙන එක මොනතරම් මානසික පීඩාවක්ද කියන එක ඒ පීඩාවට ලක්වුන අය මිස එහෙම දෙයක් ජීවිතේට අත්නොවින්ද කාර්වලින් සංචාරය කොරමින් දවල්ට ජාතික උරුමය ගැන බන කියල රෑට බියර් එකක් ගහල බුදියන්න යන මහාචාර්ය උතුමන්ලාට තේරෙන්නේ නැහැ.

මචං චිත්‍රපටියෙ රගපාපු දර්ශන් ධර්මරාජ් කියන නලුවා පාරෙ ඇවිදින්න යන අතරෙ පොලිසිය කුදලගෙන ගිය කතාව පුලස්ති අහල තියන ඒත් ගොඩක් දෙනෙක් අහල නැති කතාවක්.කමල් අද්දරආරච්චිට පොලිසියෙ අවුලක් නැතිව කොලඹ පාර දිගේ රෑට යන්න තියන නිදහස දෙමල නලුවෙක් වුන දර්ශන් ධර්මරාජ්ට නැතිවුනෙ ඇයි?.

වතුකරේ ගොඩක් ‍අයට අයිඩෙන්ටි නැහැ.මේ හින්ද වතුකරෙන් පිටට එන එක වතුකරේ ගොඩක් දෙමල අයට ඒ වංගියෙ ලොකු පුරස්නයක් වෙලා තිබ්බ.රස්සාවකට යන්න හැදුවත් සැකකොරල පොලිසියට අරන් යනව.

තමුන් වරදක් කරල නැතිවත් මෙහෙම නිරන්තරයෙන් සැකයට භාජනේ වෙන්න සාමාන්‍ය දෙමල මනුස්සයට සිද්ධ වුනේ ඇයි?උන්නැහෙල දෙමල විදිහට ඉපදුන හින්ද මිස වෙන මොකක්වත් හින්ද නෙමෙයි නේද?

සිල්වාගේ චතුස්කෝටිකේට මේව අහුනොවුනට පුලස්තිගෙ ‍චාටර් ඇන්ටනාවට මේ සීන් එක මීටර්.

මේ කතන්දරේට දෙන්න තියන එක උත්තරයක් තමයි ඒ යුද්ධෙ කාලෙනෙ කියන එක.

යුද්ධ කාලෙක මෙහෙම පීඩාවන් වෙනව ඒක සාමාන්‍යයි ඒක දෙමල මිනිස්සුන්ට විසේස පීඩාවක් නෙමෙයි කියල බොහෝ වෙලාවට කියවුනා.ඒකෙ ඇත්තක් නැතිවාම නෙමෙයි.රට වටේ බෝම්බ පිපිරෙන වෙලාවක සැක පහල කොරන එක නිවැරදිම නොවුනට වලක්වන්න අමාරු දෙයක් කියන එකේ ‍සාධාරනේකුත් තියනව.

ඒත් කචල් එක එන්නෙ මෙතන නෙමෙයි.යුද්ධය හමාර වෙලා රට ත්‍රස්තවාදෙන් මුදාගෙන එක්සත් කොරල එක්සිත් කොරල ඔය වගේ කොරන්න පුලුවන් හැමදේම කොරල දැන් අවුරුද්දකුත් පන්නලා තියනව.

දැන් තියන කතන්දරේ මොකක්ද?

ලක්බිමනිව්ස් පත්තරේ ඇහැ ගැටුන නිව්ස් අයිටම් එකකින් කියවෙන විදිහට උතුරෙ දෙමල ලමයි පහලොස් දාහක් මේ වෙනකොට ඉගෙන ගන්නෙ ගස්යට.රීසන් එක තමයි ඒ ලමයි හිටපු ඉස්කෝල එක්කො අවතැන් කදවුරු කොරල.නැත්නම් හමුදා කදවුරු කොරල.හමුදා කදවුරු වලට ඉස්කෝල පවර ගන්න හින්ද ගස්යට අකුරු කොරන එක හැර විකල්පයක් මේ ලමයින්ට නැහැ.

ඉන්ටර්නෙට් එකෙන් වැලක් බලල,හම්බෙන දෙයක් කාල,රෑට ඉතින් ඊට පස්සෙ බලල,ෆන් එකේ නිදාගෙන දෙමලට තියෙන අමුතු පුරස්න ගැන අහන මද්දියම පංතියෙ සිංහල බුවාලට වහලයක් සෙවනක් නැතිව ගහක් යට ඉගෙන ගන්න වෙලා තියෙන එකේ ට්‍රැජඩිය නොතේරෙන බව හැබෑව.

ඕමන්තෙයි මධ්‍ය මහා විද්දියාලය අවතැන් කදවුරු වලින් ගම්බිම්වලට එන දෙමල අයව රදවන තාවකාලික මධ්‍යස්ථානයක් කොරල තිවුන.දැන් යුද්දෙ අහවර වෙලා අවුරුද්දක් ගිහිනුත් තාම ඒක අවතැන් මධ්‍යස්තානයක්.කොලඹ ආනන්ද විද්දියාලෙ හමුදා කදවුරක් හරි රැදවුම් මධ්‍යස්ථානයක් හරි කොරල ඒකෙ ලමයින්ට බොරැල්‍ල හරියෙ ගහක් යට ඉගෙන ගනින් කියල කිව්ව නං,කොලඹ රාජකීය විද්දියාලෙ අවතැන් කදවුරක් කොරල හමුදාව දාල "රාජකීය" ලමයින්ට රීඩ් මාවතේ ගස්යට ඉදන් ඒ ලෙවල් කොරන්න කියල කිව්ව නං තත්වෙ කොච්චර ආතල්ද කියල පුලාට හිතෙනව.

මේ පාර අයවැයෙ ආරක්සක වියදම තව වැඩිවෙල තිවුන.උතුරුකරේ හමුදා සංකීර්න හතුපිපෙනව.සෙබල බල මුලු තරවෙනව.ඒවට ආන්ඩුව කෝටි ගනන් යට කොරනව.තමුන්ගෙ ඉස්කෝල හමුදා කදවුරු වෙලා තියෙන අතරෙ උතුරෙ ලමයි ගස් යට ඉගෙන ගන්නව.මේ සේරම මැද්දෙ උතුරෙ දෙමලට ආය මොනවද තියන අමුතු පුරස්නෙ කියල ගු.අමරසේකර සූරින් අපෙන් පන්ඩිතමානීව පුරස්න ‍කොරනව.සිරාවට නේද කියල අපිත් ෆන් එකේ දොයිය ගන්නව.

කොලඹ ඉන්න දෙමල අයව රෙජිස්ටර් කොරන පරන වැඩේ ඊයෙ පෙරේද ආයෙත් පොලිසියෙන් පටන්ගත්ත.

යුද්ධ කාලෙ කිව්වෙ යුද්ධෙ හින්ද කොටි අදුනගන්න රෙජිස්‍ටර් කොරනව කියල.දැනැ යුදදෙකුත් නැහැ.කොටිත් නැහැ.ත්‍රිසිංහලයත් එක්සත්.කොටින්ගෙ නායකය කේපීත් දැන් ආන්ඩුවෙ.උන්නැහෙ ගෝඨාබය රාජපක්ස උන්නැහෙගෙ ගෙදර බුදු පිලිමෙ දැකල වසී වෙලා බුදුන් සරන ගිහින්.

කොටි දමනය වෙලා සේරම කූල් වෙලා උතුරට වසන්තය පායලා සාමයත් උදාවෙලා තියෙන වෙලාවෙ ආයෙ කඩිමුඩියෙ දෙමල අය විතරක් තෝර තෝර රෙජිස්ටර් කොරන්නෙ ඇත්තටම අහවල් එකකටද?

සුදු දකුනු අප්‍රිකාවෙ අගනගරෙ ඉන්න කල්ලන්ව රෙජිස්ටර් කොරපු එකයි,හිට්ලර් යුදෙව්වන්ගෙ පපුවෙ තරු ලකුනු ගස්සපු එකයි කොලඹ දෙමල අය ලේඛනගත කොරන එකයි අතර ඒ තරම් වෙනසක් තියෙනවද?

පීඩනය තිවුනෙ යුද්ධ කාලෙ විතරයි කියන එක තවදුරටත් වලංගු නැහැ වගේ නේද?මේ කරුනු එච්චර හිතට ප්‍රියමනාපත් නැහැ වගේ නේද?දෙමලට ඇති අමුතු පුරස්නයක් නැහැ කොටිත් ඉවරයි යුද්දෙත් ඉවරයි දැන් මේක ආසියාවෙ ආස්චර්යෙ කියල හිතාගෙන බුදියගන්න එක තරම් ඇත්තටම සිද්‍ධ වෙමින් පවතින දේ එච්චරම සුන්දර නැහැ නේද?

පුලා දෙපාර්ශවයකට අනතුරු හගවනව.

එක - සේරම හරි කියල හිතාගෙන ඉන්න සිංහල සමාජෙට.හෙට තමුන්නැහෙලගෙ සුබ සිහින බිදින මරාගෙන මැරෙන බෝම්බකරුවන් අද උතුරෙ ගස්යට ඉගෙන ගන්නව.ඒ අයගෙ ඉස්කෝල තමුන්නැහෙලා පත්කොල ආන්ඩුව පැහැර ගෙන.

දෙක - ලක්බිම නිව්ස් එකේ රතින්ද්‍ර කුරුවිටට.කාටවත් වැඩිය නොතේරෙන කඩ්ඩෙන් ඔය රිපෝට් ලිව්වට කමක් නැහැ.සිංහලෙන් ඕව පත්තරේට දාන්න යන්නෙ බලාගෙන.කන්තෝරු කාමරේ පෝද්දල ජයන්තගෙ පින්තූරෙ ගහගෙන උදේ හවා කරුනාකොරල ජයන්තව සිහි කොරන්න.

තිලීපන්ගෙ කොටි උපවාසෙ vs වීරවංසගෙ සැප උපවාසෙ

2010-07-11T02:09:00.000-07:00

මාරාන්තික උපවාස ලංකාවෙ කොච්චර තිබිල ඇද්ද?උත්තරය දන්න කෙනෙක් අත උස්සන්න.
මාරාන්තික උපවාස කියන්නෙ මොනවටද?
ඉල්ලීම ලැබෙන කම් උපවාසය.නැත්නම් මරනය.මේක විහිලුවක් වත් ෆන් එකක් වත් නෙමෙයි.කෙලවර වෙන්න පුලුවන් එක්කො ඉල්ලීම් ලැබීමෙන්.නැත්තං උපවාසකාරයගෙ මරනෙන්.
දැන් එතකොට එහෙම "මාරාන්තික" උපවාස කොරල ලංකාවෙ කි දෙනෙක් මැරිල තියනවද?
උත්තරය දන්නව වුනත් අත උස්සන්න එපා.තමුන්නැහෙල දේසද්‍රෝහියො වෙයි.
එහෙම මලේ එකම එක කෙනයි.ඒ කොටි "ත්‍රස්තයෙක්" වුන තිලිපන්.

විමල් බොස් එක්සත් ජාතින්ගෙ සංවිදාන කාර්යාලෙ ඉස්සරහ කොට්ටෙකුයි මෙට්ටෙකුයි දාගෙන ඇත්තටම පත බෑ වි ගත්තෙ තිලිපන්ට තියන රැකෝඩ් එක කඩන්න බොක්කෙන්ම හිතාගෙනද?දෙයියො දනී .වීරවංස සහ ගෝ‍ඨාබය - එයාලත් දනී.හුදී ජනයා නම් නොදනි.
තමුන් අදහන දෙයක් වෙනුවෙන් බඩගින්නෙ ඉදල මැරෙන එක සෙල්ලමක් නෙමෙයි.
තිලිපන් අවුරුදු 23කට උඩදි කොරපු දේ කොරඥ්ඥං කියල විමල් බොස් උපවාසෙට සැට් වුනාය කියලම හිතමුකො.ඒත් ඒ කොටි ත්‍රස්තයාට තිබුන හයිය තමුන්ට නැතෙයි කියන එක වීරවංස ඊයෙ හැන්දෑවෙ පෙන්නුව.
ඉල්ලිම ලැබුනෙත් නැහැ.මැන් කි බුන් බලු මයිලෙකට ඉල්ලිම ගැන ගනන් ගත්තෙත් නැහැ.වීරවංස මලෙත් නැහැ. සාමාන්‍ය කොටි ත්‍රස්තයෙක්ට තිබුන හයිය ලංකාවෙ දේසප්‍රේමයට අධි ගෘහිත දේවතාවාටවත් නැති එක ගැන තමුන්නැහෙලයෙ කල්පනාව කොහොමද?
ඒක සිංහලයගෙ අභිමානෙට එච්චර සෙට් වෙන්නෙ නැහැ කියලයි පුලස්ති අවංකව හිතන්නෙ.

තිලිපන් කොරපු දේ වීරවංසට කොරන්න බැරි වුනේ ඇයි?හේතු දෙකක් හින්ද ඒක එහෙම වුනා.

1.තිලිපන් මුලු සරිරෙන්ම ෆයිට් එකේ හිටපු ඩයල් එකක්.කොටි ගැන ලොකු විරෝදයක් පුලාට තියනව.ඒත් මොන විවේචන තිබුනත් තිලිපන්ගෙ දේසපාලනේ ඇඩ් එකට කොරපු එකක් නෙමෙයි.තමුන් උපවාස කොරනව කියල බිල්බෝඩ් ගහගන්න උනක් උන්නැහෙට නොතිවුනෙ ඒකයි.ඉන්දියන් හමුදාව ආපු එක ගරිල්ලා කාරයෙක් විදිහට තිලිපන්ට සිරා ත්‍රෙට් එකක්.මැරෙන්නම බලාගෙන බොක්කෙන්ම උන්නැහෙ උපවාසෙට වාඩි වෙන්නෙ ඒකයි.
වීරවංස තමුන් කොරනව කියන ෆයිට් එකේ ඉන්නෙ සරීරෙන් නෙමෙයි කටින් විතරයි.පහුගිය වංගියෙ විරවංස ගැන හාවක් හූවක් තිබ්බෙ නැහැ.මහින්ද චන්දෙ දින්නට පස්සෙ ටොයිලට් පේපර් එකක් වගේ මදේ නැති ඇමැති කමක් ඇගේ ගහල සින් එකෙන් අයින් කොරල තිබ්බ වීරවංසට ප්‍රසන්ට් මාර්ක් කොරගන්න තියන උවමනාව හැර වෙන කිසි දෙයක් මේ සිද්දියෙ පුලාට පේන්නෙ නැහැ.
ඇත්තටම මැරෙනකම් උපවාස කොරන්න තරම් මේ පුරස්නෙ බරපතල වෙලත් නැහැ.එහෙව් එකේ බිල්බෝඩ් අගනගරෙ පුරා ගහගෙන තමුන්නෙ නාම ආයෙ පත්තර හෙඩ්ලයින් වලට අරගෙන විරවංස කොලේ පොලිටිකල් ඇඩ් එකක්.මුන් කී බැන් කමිටුව අකුල නොගත්තත් මුන්නැහෙ උපවාසෙන් නැගිට්ට ඒකයි.මොකද මැරුනොත් මේ ඇඩ් එකෙන් එන සල්ලි ගන්න බැහැ.

2.තිලිපන්ට අත හරින්න ගොඩක් දේවල් තිබ්බෙ නැහැ.ඒත් විරවංසට අත්අරින්න ගොඩක් දේවල් තියනව.තමුන‍්නෙ සැප ලයිෆ් එක,හෝකන්දර මාලිගාව,ජවිපෙන් අයින් වුනාට පස්සෙ අමාරුවෙන් මේන්ටේන් කරගත්ත සුඛෝපභෝගී ‍ෆිගර් එක - මෙව්ව දාල යන එක සෙල්ලම් වැඩක්ද?කොටි ත්‍රස්තයට තමුන්නෙ ලයි‍ෆ් එක සැක්රිෆයිස් කොරන එක සිමපල් වැඩක් වුනාට "දේසප්‍රේමියා"ට එහෙම නැහැ.කොටි ලයිෆ් එකේ නැති අත් හරින්න අමාරු ගොඩක් ආතල් දේවල් දේසප්‍රේමී ලයිෆ් එකේ තියනව.

තමුන් අදහන අරමුනක් වෙනුවෙන් දේසපාලනේ කොරනවයි බිස්නස් එකක් විදිහට දේසපාලනේ කොරනවයි කියන්නෙ දෙකක් කියන එකයි තිලිපන්ගෙ උපවාසෙයි වීරවංසගෙ සහ‍වාසෙයි අපිට උගන්නන පාඩම.

පලවෙනි කෙනාට උපවාසෙ කියන්නෙ දේසපාලන වි‍රෝදය දක්වන මෙතඩ් එකක්.දෙවනියාට උපවාසෙ කියන්නෙ බිස්නස් එක ප්‍රමෝට් කොරගන්න ඇඩ් එකක්.පලවෙනි කෙනාට ජිවිතේ කියන්නෙ දේසපාලනය.දේසපාලනේ වෙනුවෙන් ජිවිතේ සැක්රිෆයිස් කොරන එක ඒ හින්ද කොරන්න පුලුවන්.දෙවෙනි කෙනාට දේසපාලනය කියන්නෙ ජිවිතේ ගෙනියන්න තියන සැප ක්‍රමයක්.දේසපාලනේ හින්ද ජිවිතේ කැප කොරන එක ඒ හින්ද මේ ආත්මෙට වෙන්නෙ නැහැ.

විරවංසගෙ ඇඩ් එක සිරා වැඩක් කියල හිතාගෙන චියර් දාන උන්නැහෙල ගැන කියන්න තියෙන්නෙත් ඕකම තමයි.රට ජාතිය ගැන කටින් මොන ටෝක් දුන්නත් මැරෙන්නම උපවාසයක් කොරන්න කතා කලොත් ඔය එක මද්දියම පංතික ජාතිප්‍රේමියෙක් පැත්ත පලාතක එන්නෙ නැහැ.තමුන්නෙ සැප ජීවිත අත්අරින එක එච්චර ලේසි සෙල්ලමක් නෙමෙයි.
අපිව අන්දවන්න එන අයගෙ ඇන්දවිල්ල පෙන්නන්න - වීරවංස කොලා වගේ මෝඩ ඇඩුත් සිරා කියල හිතාගෙන රැවටෙන උන්නැහෙලා ඉන්න රටක සාක්සරතාවෙ 95% වුන එක මොන තරම් විහිලුවක්ද කියුවනං?

අතකින් බැන්කිය අතකින් රජපසය.මරන තුනක් ඇති පුලස්ති පැනි කෑය

2010-06-25T13:08:00.000-07:00

ලංකාවෙ යුද අපරාද ගැන හොයන්න උපදෙස් ගන්න බැන් කි මූන් උ‍පදේසක මන්ඩලයක් පත්කොරගෙන තියනව.මේක ආන්ඩුව දිගටම එපා කිව්ව දෙයක්.මේ රට ගැන ‍හොයන්න විදේසෙකින් උපදේසක මන්ඩල දාන එක මේ රටේ ස්වෛරිභාවයට හොද නැතෙයි මානව හිමිකම් කඩවුනා නම් ඒව ගැන තමුන්ම හොයාගන්නම් කියන එකයි තමා ආන්ඩුව දිගටම කිව්වෙ.ඒත් ඒක මූන් ගනන් අරගෙන නැති හැඩක් තමයි තියෙන්නෙ.

මොනව උනත් එනපොට එච්චර හොද නැහැ කියන එක නම් පුලාට තේරෙනව.

පුලා මේ සටහන ලියන්නෙ මේ පුරස්නෙ ගැන කම්ප්ලීට් අයිඩියා එකක් දෙන්න නෙමෙයි.මොකද මේ පුරස්නෙ ගොඩක් අය හිතනව වගේ සරල නැහැ.දේසප්‍රේමී සෙට් එක දැන් එක පාරට කියයි උපදේසක කමිටු දාන්න පුලුවන් අපේ මලකදන් උඩින් කියල.තව සැට් එකක් මේ වැඩේ හින්ද පොඩි ෆන් එකක් ගනියි ආන්ඩුවට කෙලවෙන්න යන්නෙ ඊට පස්සෙ අපේ චාන්ස් කියල.

මේ දෙකම එක්ස්ට්රීම් දෙකක්.

ඉස් ඉස්සෙල්ලාම ආන්ඩුව අතින් යුද අපරාද වුනාද කියන එක ලිහාගන්න ඕනෙ පුරස්නයක්.එහෙම වුනා නම් වැරදි කොරපු අයට දඩුවම් දෙන්න ඕනෙ නේද කියන එක ඊලගට ලිහාගන්න ඕනෙ පුරස්නයක්.හැබැයි කලින් කිව්ව වගේ පුලා මේ ලියන්න යන්නෙ ඒ ගැන නෙමෙයි.මේ යුද අපරාද ගැන ලංකාවෙ ලොක්කොන්ට දඩුවම් දෙන්න එන දඩුවම් බාස්ලාගේ අවංකකම ගැන පුලා ට තියන ඇත්ත සැක සංකා ටික.

ආන්ඩුව යුද අපරාධ කලා මහා නස්පැත්තියක් කොලා යුද්ධ කාලෙ මානව අයිතිවාසිකම් සතේකට තැකුවෙ නැහැ කියන එක මොහොතකට උපකල්පනේ කොරමු.

දැන් මුන් කි බෑන්ට ඇත්තටම ලංකාව කියන රට විතරක් පේන්න තියන විසේස හේතුව මොකක්ද?

මුන් කී බෑන් හොයල බැලුවොත් ලංකාවට උතුරින් ඇෆ්ගනිස්ථානෙ කියල රටක් තියනව.මේ රටට 2001 අමරිකාව කියල රටකින් හමුදාවක් යවනව.ඊට පස්සෙ එහෙ තිබුන පාලනේ පෙරලලා දාල තමුන්නේ රූකඩ පාලනයක් පිහිටුවනව.එදා ඉදල ඇෆ්ගනිස්ථානෙ මාර යුද්දයක්.අමරිකාවෙ එයා පෝස් එක බෝම්බ දාල එක ගම්මානෙක එකසිය එකක් එකපාර මැරුනෙ මාස ගානකට ඉස්සර.මේ අයත් ගරිල්ල භටයො නෙමෙයි.සිවිල් වැසියො.

මුන් කී බෑන් ගෙ ඇස් දෙක නිව් යෝක් වල ඉදන් ඇප්ගනිස්ථානෙ පහුකරගෙන ඒක නොදැක්ක වගේ ලංකාව ගාවම නතර වෙන්නෙ මක්කෙයි?

මුංකි බෑන්ට බෑන් චූන් එකක් ගන්න ඕනෙම නං ඇප්ගනිස්ථානෙට උතුරට පොඩ්ඩක් වමෙන් ඉරාකෙ කියල තව රටක් තියනව.ඒකෙ රසායනික අවි තියනව කියල අමු බොරුවක් කියල ලෝකෙම රවට්ටලා 2003 අමෙරිකාව කියන රටයි එංගලන්තෙ කියන රටයි තමුන්නෙ හමුදා දාල ඒ රට ආක්‍රමනය කොරනව.එයා පෝස් අහසින් ඇවිල්ල ඉරාකෙ මිනිස්සුන්ගෙ ඔලු උඩට අත් හැරියෙ සෙල්ලම් බඩු නෙමේ.විනාසකාරී බෝම්බ.

පරන සිස්ටාචාරයක් වුන ඉරාක සිස්ටාචාරෙ සමතලා වෙලා ගියා.දැන් අවුරුදු 7 ක් ගිහින් තාම ඉරාකෙ එක දවසට හැම තැනම බෝම්බ පිපිරෙනව.ඉරාකෙන් අල්ලගෙන ගිය හිරකාරයො අමෙරිකාවෙ බන්ධනාගාර අස‍්සෙ දාගෙන දස වද දෙන හැටි පුලා කාලෙකට උඩදි මාද්දි වලින් දැක්ක.අබු ග්‍රෑන්ඩ් වගේ නමක් තමයි ඒ හිර කදවුරට තිබ්බෙ.කෲර වද හිංසා වලින් නිදහස කියල මහ ලොකු අයිතියක් මුන් කි බෑන්ගෙ සංවිධානෙන් ප්‍රකාසෙට පත්කොරල තියනව.යුද හිරකරුවන්ට සලකන්න ජිනිවා සම්මුතියය අර සම්මුතියය කියල අනන්ත අප්‍රමාන සම්මුති තියනව.බුස් - බ්ලෙයාර් - ඔබාමා කට්ටුව මේ සම්මුති වැඩිය ඇගට ගන්නෙ නැහැ කියන එක තමයි ඒ නිව්ස් දිහා බලද්දි තේරෙන්නෙ.

දෙවනි ලෝක යුද්දෙ අන්තිම වෙලාවෙ හිරෝෂිමා නාගසාකි කියන නගර සමතලා කලා.පරමානු බෝම්බ දාල ලක්ෂ ගානක් එක මොහොතෙන් මේ ලෝකෙන් අතුරුදහන් කරල දැම්ම.

වියට්නාමෙ කියන ස්වාධින රට ආක්‍රමනය කොරල අවුරුදු 20 ක් තිස්සෙ එක දිගට ඒ රටේ මිනිස්සුන්ගෙ ඔලු උඩට නාපාම් බෝම්බ අමෙරිකාවෙ හමුදාව අත්හැරිය.කොච්චර විනාසයක් මේ වයින් උනාද කියන්නෙ සමහර රසායනික ද්‍රව්‍ය හින්ද වියට්නාමෙ සමහර පැතිවල පස් උඩ තාම හරියට ගොවිතැන් කොරන්නවත් ඇහැක් වෙලා නැහැ කියල පුලස්ති අහල තියනව.

කියුබාව කියන ‍රටේ ජනාධිපති මරන්න සීඅයිඒ එක පැලැන් කොලා කියන එක ප්‍රසිද්ධ රහසක්.චිලි කියන රටේ ආන්ඩු පෙරලන්න හමුදා කුමන්ත්‍රන කරල දාස් ගනන් මරන්න අමෙරිකාව කොන්ත්‍රාත් දුන්න කියන එක ඉතිහාසෙ දන්න කවුරු කවුරුත් දන්නව.

මුන් කී බෑන්ට මේ කිසි දෙයක් නොපෙනෙන්නෙත් ලංකාවෙ වෙන ඒව විතරක් පෙනෙන්නෙත් මක්කෙයි හැබෑටම කියන එකයි පුලස්තිගෙ පුරස්නෙ.ශ්‍රී ලංකා ප්ලේ බයි රූල් කියල ක්‍රිකට් මැච් අතරෙ බැලුම් බෝල අල්ලන් ඉන්න ජාත්යන්තර මානව හිමිකම් බුවාලාස් අමෙරිකා ප්ලේ බයි රූල් කියල අමෙරිකාව පුට් බෝල් ගහන ග්‍රවුන්ඩ් ඉස්සරහ බැලුම් බෝල අල්ලනව පුලස්ති දැකල නැහැ.

වතුර ගලන්නෙ පහත් තැනින් විතරද?ඉරාකෙ දවසට මැරෙන පිච්චෙන මිනී මිනී නෙමෙයිද?ඒව පඹයොද?වෙන රටවල්වලට බලහත්කාරයෙන් කඩාගෙන පැනල අමු අමුවෙ මිනී මරන කොට ඒක මානව හිමිකම් කඩකිරීමක් නෙමෙයිද?එව්ව යුද අපරාධ නෙමෙයි නං මොන අපරාධද?

මේ ටික පුලා ලිව්වෙ අපේ දේසප්‍රෙමි සැට් එක කියන්න වගේ අරුනුත් වැරදි කරනව අපිත් ඒ වැරදිම කරනව තමයි ඒ හින්ද අපිට මුකුත් කියන්න එපා කියන තේරුමින් නං නෙමෙයි.ලංකා‍වෙ මානව හිමිකම් රෙකෝඩ් එක සවුත්තුයි කියන එක ගැන පුලස්තිට විවාදයක් නැහැ.

අපේ වැරදි අපි හදාගන්නෙ නැති හින්ද,මේව ගැන රට ඇතුලෙ කතාවක් නැති හින්ද,අපේ ලොකු පුටුවල ඉන්න බුවාල මානව හිමිකම් ගැන හිතන් නැතිව පිස්සු කෙලින හින්ද තමයි මුන් කී බෑන්ලට ලංකාවට එගේන්ස්ට් කමිටු දාන්න ඇහැක් වෙලා තියෙන්නෙ.

ඉස්කෝලෙ ප්‍රින්සිපල්ගෙ ඇහැට නෝට් වෙලා ඉන්න ලමයෙක් කොරන්න ඕනෙ පිනාට තමුන්ව කොටු කොරගන්න බැරි වෙන විදිහට හොදට හැසිරෙන එක.එහෙම හැසි‍රුනොත් පිනාට කොච්චර තදියම තිබ්බත් කොටු කොරගන්න එක ලේසි නැහැ.අනිත් ටීචර්ල එගේන්ස්ට් වෙනව.

හොදට හැසිරෙනව වෙනුවට ලමය කොරන්නෙ ඉස්කෝලෙ ලැට් ගානෙ කුනුහරුප ලියන එකනං,ඉස්කෝලේ ඇතුල්ට වැල පත්තර ගේන එක නං,පිනාගෙ ඔපිසිය යට වැල් ගොල්ලෙ හැංගිල දුම පේන්න ගංජ ගහන එක නං පිනාට දඩයම් කොරන වැඩේ ලේසියෙන් කොරගන්න පුලුවන්.ඇස්පනා පිට පිස්සු කෙලින නිසා වෙන ටීචර් කෙනෙක්ට උනත් ලමයව ඩිෆෙන්ඩ් කොරන්න බැහැ.

අපේ ලොක්කොත් යුද ජයග්‍රහනෙන් සුර් වෙලා යාපනේ දහම් අමා දාල සිංහල‍කරනය කොර කොර හිටිය.හදිසි නීතිය දිගටම තියාගෙන සාධාරන චන්ද තියන්නෙ නැතිව 17 වෙනි සංශෝධනේ ක්‍රියාත්මක කොරන්නෙ නැතිව ඒකාධිපති විදිහට වැඩ කොලා.යුද්දෙන් පස්සෙත් දෙමල හිරකාරයොන්ගෙ නම් ලිස්ට් එකවත් අඩුම තරමින් ප්‍රකාස කොරේ නැහැ.

අවතැන් උන අයගෙ පුරස්නෙ කොහෙත්ම සතුටුදායක විදිහට හැන්ඩ්ල් කොලේ නැහැ.යුද්දෙ ඉවර වුන ගමන්ම මානව හිමිකම් කවුන්සිලේදි දයාන් ජයතිලක ලොක්කා ගොඩක් දේවල් කොරන්න පොරොන්දු වුනා.ඒව විශ්වාස කොරපු ලෝකෙ රටවල් අමරිකාව මොන බයිල ගැහුවත් ලංකාවට පක්සව චන්දෙ දුන්න.

ඒත් දැන් අවුරුද්දක් ගිහින්.

අර පොරොන්දු වුන දේවල් කොරනව තියා අවතැන් අයගෙ පුරස්නෙවත් හරියකට විසදගන්න ආන්ඩුවට බැරි උනා.ඒව විධිමත් කොරන්න තියන සල්ලි වලින් අයිපා දදා ෆන් ගත්තා.නාමල් බබාට රිතික් එක්ක කාර් එකේ යන්න චාන්ස් ගත්ත.

ඇත්තටම කියනව නං මුන් කි බෑන්ට ලංකාවේ අධෝමුඛය අස්සෙ ඇගිල්ල ගහන්න පුලුවන් විදිහට රටේ මානව හිමිකම් කලිසම ගලෝල දැම්මෙ ආන්ඩුව.පහුගිය අවුරුද්ද හරියට ට්‍රයි කොලා නං යුද්ද කාලෙ මොනා වුනත් ඒව සේප් කොරගෙන ඉස්සරහට යන්න ලොක්කොන්ට හොදටම ඉඩ තිබ්බ.

ඒ කතාව පැත්තකින් තියමු.කිසි වගකීමක් නැතිව පිස්සු කෙලින අපේ ඉහල ඇත්තො ගැන අප්‍රසාදය තියනව වගෙම මානව හිමිකම් ගැන දිව දෙකේ ටෝක් දාන,තල්මහ හෙලුවෙන් මහ දවල් කොරන වැරදි දැක්කෙ නැහැ වගේ ඉදගෙන හාල්මැස්සො රෑට රෑට හොරෙන් කොරන වැරදි වලට විතරක් තග දාල තමුන් මහ වීරයො මානව හිමිකම් රකින ශ්‍රේෂ්ඨයො කියල පෙන්නන මුන් කි බෑන් වගේ ලොස් පොරවල් ගැනත් පුලස්තිට තියෙන්නෙ තදබල අපුලක්.

ඇමරිකාවයි එංගලන්තෙයි කියන්නෙ හෙන ලිබරල් ප්‍රජාතන්ත්‍රවාදී රටවල් කියල සමහර ඈයො හිතාගෙන ඉන්නව.උඩින් තියන ලිබරල් එක හූරල දැම්මම යට තියෙන්නෙ දෙබිඩිකම මිලේච්ඡකම සම්පත්වලට තියන කෑදරකම මිස වෙන මොකක්වත් නෙමෙයි.

උතුරෙන් මුන් කි බෑන්ගෙ දෙබිඩිකම.දකුනෙන් අපේ ලොක්කගෙ අමනකම.

මේ දෙකට මැදිවෙලා ඉන්න අපි වගේ නෝමල් බුවාලට ඇදට වෙලා අතපය හකුලගෙන නිදාගන්නව හැරෙන්න කොරන්න වෙන දෙයක් තියෙනවද හැබෑටම?

ප්‍රභාකරන් පවුලයි රාජපක්ෂ පවුලයි

2010-06-18T02:48:00.000-07:00

ඒ පවුලෙ නායකයටත් තේජස් උඩු රැවුලක් තියනව.මේ පවුලෙ නායකයටත් තේජස් උඩු රැවුලක් තියනව.

ඒ පවුලෙ නායකයත් ලෝකෙට ගිහින් කතා කලේ තමුන්නෙ මවු බාසාව මිස ඉංගිරිසිය නෙමෙයි.මේ පවුලෙ නායකයත් ලෝකෙට ගිහින් කතාකොලේ තමුන්නෙ මවුබාසාව මිස ඉංගිරිසිය නෙමෙයි.

ඒ පවුලෙ නායකය කිව්වෙ තමුන් තමුන්නෙ නිජබිමේ ගැලවුම්කාරයා කියල.මේ පවුලෙ නායකයත් කිව්වෙ තමුන්ගෙ නිජබිමට නිදහස ගේන්න තමා කැපවෙලා ඉන්නව කියල.

කොහොමහරි පවුල් දෙකේම නායකයො එන්ගේජ් වෙලා හිටියෙ එක වගේ බෙල්ල ගහල යන ගේමක.දෙපලගෙම හැම දේම රැදිල තිබ්බෙ යුද්ධය කියන ගේම් එක උඩ.

දකුනේ ලොකු තැනගෙ දේසපාලනේ එල්ලිල තිබ්බ නූල තමයි රට ජාතිය වෙනුවෙන් කොරපු යුද්දෙ.

බඩුවල ගාන වැඩියි කිව්ව එව්වොන්ට දුන්න උත්තරේ යුද්දෙ.මාධ්‍ය නිදහස ගැන කිව්වම කිව්වෙ යුද්දෙ යනව රට ජාතිය වෙනුවෙන් ඉවසපන් කියල.එහෙම ඉවසන්න බැහැ කිව්ව නාහෙට නාහන මාධ්‍යකාරයොන්ට බඩ පිරෙන්න බඩු ලැබුන.

පඩි වැඩිකරන්න කියන එව්වොන්ට දුන්න උත්තරේ - යුද්දෙ යනව ඉවර වෙලා ඕනෙ තරම් වැඩි කොරඤ්ඤං කියන එක.

හොරකං නවත්තන්න කියන එව්වොන්ට දුන්න උත්තරේ - රට ‍බේරගන්න යුද්දයක් යන අස්සෙ ඔව්ව බලන්න ඇහැකිද පස්සෙ බලන්නං කියන එක.

මහ තැන ඇල්ලුවෙ ලොකු සූදුවක්.එක කාඩ් එකක් ගැස්සුනොත් පොලිටිකල් කැරියර් එකම විනාසයි.

උතුරෙ මහ තැන කලෙත් ජාතිය වෙනුවෙන් යුද්දෙ.උන්නැහෙගෙ බලයත් එහෙම්පිටින් බේස් වෙලා තිවුනෙ කොච්චර හොදට ගේම දෙනවද කියන එක උඩ.රස්සා නැති කොල්ලොන්ට තිබුන උත්තරේ ඊලම ලැබුනම සේරම විසදෙයි කියන එක.නස්තාර් වෙලා හිටපු සාමාන්‍ය මිනිස්සුන්ට හම්බවුන උත්තරේ ජාතිය වෙනුවෙන් යුද්ධ කරපන් ඊලම හම්බුනාම වැඩේ ගොඩ කියන එක.

යාපන විස්ස විද්දියාලෙ ආචාර්යලා කොටි මානව හිමිකම් කඩනව කිව්වම කිව්වෙ යුද්දෙ යනව ජාතිය වෙනුවෙන් ඒක ඉවසපන් කියල.විරුද්ද අදහසක් කියපු දෙමල දේසපාලකයො සමූලඝාතනේ කොරද්දි කිව්වෙ ජාතිය වෙනුවෙන් මේක නොකර බැහැ කියල.

දකුනෙ බස්වලට බෝම්බ ඇටවුනේ ජාතිය වෙනුවෙන්.

උතුරෙ ඔලුවලට අහසින් බෝම්බ වැටුනෙත් ජාතිය වෙනුවෙන්.

ඒ පවුලෙ මහ තැන පොඩි මිනිහට ඊලම කියන සුවර්ග රාජ්ජය පෙන්නල තමන්ගෙ දේසපාලන ගේම ගැහුව.

මේ පවුලෙ මහ තැන පොඩි මිනිහට ඒකීය රාජ්ජය කියන සුවර්ග රාජ්ජය පෙන්නල තමන්ගෙ දේසපාලන ගේම ගැහුව.

උතුරෙ මහ තැන මරල දැම්මට පස්සෙ උතුරෙ සාමාන්‍ය පංතියෙ කොල්ලො යුද්ද කරල මැරෙද්දි උතුරෙ මහතැන ගෙව්වෙ මාර ෆන් ලයිෆ් එකක් කියල පෙන්නන්න උන්නැහෙ හිටපු මාලිගාවල පොටෝ දකුනේ පත්තර වල දැම්ම.ස්විමිං පූල් වල වීඩියෝ ටීවි වල ප්‍රදර්සනය කොලා.

උතුරෙ කොල්ලො කැලෑ වල මැරෙද්දි උතුරෙ මහ තැන මාලිගාවල හිටිය එක හැබෑව වගේම දකුනෙ කොල්ලො කැලෑ වල මැරෙද්දි දකුනෙ මහ තැන හිටියෙත් මාලිගාවක තමයි.උතුරෙ ලොක්කගෙ මාලිගාව ගැන පුරස්න කරන මාධ්‍ය බුවාල ආසාවකට දකුනෙ මහ තැන යුද්දෙ කොරද්දි හිටියෙ කොහෙද ගත කොරපු ජීවිතේ සුඛෝපභෝගීද නැද්ද කියල අහන්න ඉස්සර වුනේ නැහැ.

දකුනෙ මහ තැන වගේම උතුරෙ ලොක්කත් පවුලෙ ලමයින්ට හරි ආදරෙයි.දෙන්නගෙම ලමයි ඉගෙන ගත්තෙ රට.දකුනෙ ලොකු පුතා එංගලන්තෙ ගිහින් ලෝ කොලා.අනිත් පුතා එංගලන්තෙ ගිහින් නාවික හමුදා සිල්පෙ ඉගෙන ගත්ත.

උතුරෙ ලොක්කගෙ පුතත් ඒ වගේ.ඒරොප්පෙ ගියා.පෙලහර පෑව.ඉංජිනේරු සිල්පෙ ඉගෙන ගත්ත.

වන්දිභට්ටයො ආයුබෝ වේවා කියල මෙහෙ ලොක්කට ප්‍රශස්ති ගීත හැදුව.

එහෙ වන්දිභට්ටයො හිරු දෙයියෝ කියල එහෙ ලොක්කට ප්‍රශස්ති ගිත හැදුව.

මාරාන්තික ජනමාන්තර හතුරො කියල බැලූ බැල්මට පෙනුනට ඒ ලොක්කයි මේ ලොක්කයි කොච්චර සමානද?පුලස්තිට හිතෙනව.

දෙන්නම දෙපැත්තට වෙලා දාං ඇද්ද.ජහමනයා ඉත්තො වෙලා කියන කියන විදිහට කොටුවෙන් කොටුවට පැන්න.

දෙන්නම තමුන් අදින්නෙ දාං දින්නොත් ගොඩයන්නෙ තමුන් කියල දැනං හිටිය.තමුන් ජාතිය වෙනුවෙන් කොටු පනිනව කියල ආඩම්බරෙන් හිතාගෙන ජහමනයාත් කොටුවෙන් කොටුවට පැනල බෙල්ල දුන්න.

ඒකෙන් මේකෙන් අන්තිමට උතුරෙ මහ තැන සෙල්ලමෙන් පැරදුනා.පැරදුන හින්ද දැන් කවුරු කවුරුත් උන්නැහෙට ද්‍රෝහියා කියනව.ත්‍රස්තවාදියා කියනව.මාලිගාවල හිටිය කියනව.මිනී මැරුව කියනව.උන්නැහෙගෙ උපන් ගෙදරත් සමතලා කරනව.ඒක උඩ සුපර මාකට් දානව.උන්නැහෙගෙ අවුරුදු දොලහේ පොඩි එකා මරපු එකත් මාර ෆන් කියනව.

පුලස්තිට තියන පුරස්නෙ සරලයි.

එහෙ උන්නැහෙ ද්‍රෝහියා වෙන්නත් මෙහෙ උන්නැහෙ විරයා වෙන්නත් හේතුව මොකක්ද?

එහෙ උන්නැහෙ විතරක් මිනීමරුව වෙන්නත් මෙහෙ උන්නැහෙ මිනී නොමරුව වෙන්නත් හේතුව මොකක්ද?

කොටින්ම කියනව නං එකම පෙතේ දෙපැත්තට වෙලා දාං ඇදපු මේ දෙන්නගෙ වෙනස මොකක්ද?

එක උන්නැහෙ කෙනෙක් සෙල්ලම දින්න එකයි අනිත් උන්නැහෙ සෙල්ලම පරාද උන එකයි හැරෙන්න පුලස්තිට නං මුන්නැහෙල දෙපලගෙ පේන එහෙමට වෙනසක් ඇත්තෙම නැහැ.

කවන්ධය බැසිල්ගේය - ඔලුවයි ආත්මයයි සජින් වාස් ගුනවර්ධනගේය

2010-06-13T17:02:00.000-07:00

රාජපක්ස සහෝදර සමාගම ගැන විවේචන ගේනකොට ජැක්සන් ඇන්තනී බොස් උත්තර දෙන්න මිඩංගු කොලේ වචන තුනයි.

"ඉතිහාසෙත් මෙහෙම තමයි! "

රාජපක්ස සඕදරයො තුන්දෙනා වගේ නැනින් නුවනින් තේජසින් අගතැන්පත් තුන් කට්ටුවක් පහුගිය කාලෙ අපේ රටේ මාධ්‍ය ඈයොන්ට හිටියෙම නැහැ.මිනිස් කුසකින් උපන්න මිනිස් පරාන තුනකට වගේ නෙමෙයි මේ තුන් කට්ටුව ගැන කතා වුනේ.ආස්චර්යය පාන්න පුලුවන් මහා බුවාල තුන්දෙනෙක් ගැන වගෙයි මාධ්‍ය බුවාස්ලා මහින්ද,ගෝඪාභය ,බැසිල් සඕදරයන් තුන්දෙනා ගැන ලිව්වෙ.කිව්වෙ.

යුද්ධය දිනා දුන් රනබිමේ නියමුවා ගෝඨාභය.

උන්නැහෙට පරපීඩක කාමුකත්වය තියන ස්ත්‍රී දූසන දුසිමක් කොරපු ආයුද හොරකම් කොරන වලත්තයෙක්ව උනත් දක්ෂ හමුදා නායකයෙක් කොරන්න ඇහැකි.කොහොමෙයි හැකියාව?

යුද්ධයට මග පෙන්වූ ජාත්‍යන්තරය දන ගැස්වූ විරයා මහින්ද.

ජේආර් යුද්දෙ කොරද්දි මුලු ලෝකෙම ජේආර්ට විරුද්ද වුනා.ජේආර්ට බැරි වුනා මේව නවත්තගන්න.ඒ වගෙය මහින්ද?කොහොමෙයි ජාත්යන්තරේ කලමනාකොරනය කල අපූරුව?ඉන්දියාව එහෙම දන ගස්සපු එක සිම්පල් වැඩක්ය විස්වකර්ම වැඩක් මිස? -

("දන ගහපු" ඒවයෙ එරියස් එක්ක දැන් සීපා වලින් අල්ලන්න යනව කියන එක පොඩ්ඩක් අමතක කරමු )

දුටුගැමුනු යුද්ද කරද්දි සද්ධාතිස්ස දකුන අස්වැද්දූවේ යම්සේද දොරින් දොර සිනා කැන් කැන්දමින් දකුනේ සංවර්ධන සංග්‍රාමේ කොලේ බැසිල්.මේ මහා යුද්ධයක් මැද්දෙ ලේසි පාසු සංවර්ධනයක්ද කොලේ.සංවර්ධනේ ගැන බැසිල්ට තියෙන නොලේජ් එක වෙන මොකාටවත් නැති හින්දනෙ ආන්ඩුවෙ නිල නොවන ලොක්කා විදිහට උන්නැහෙ ඒ වංගියෙ හිටියෙ.

රාජපක්ස සහෝදර තුන් කට්ටුව මේ හින්ද හිතාගන්න වත් බැරි වැඩ කොරන්න පුලුවන් මාරම පවුලක් විදිහටයි රාජ්‍ය රාජ්‍ය නොවන ජාතික විජාතික හැම මීඩියා එකකින්ම ලොකුවට පෙන්නල දුන්නෙ.

බැසිල් උතුමානන්ට ගම්පහ චන්ද ලක්ස 4ට වැඩිය හම්බුනෙ මේ සංවර්ධන ඉමේජ් එක හින්ද.විස්මකර්ම පවුලකින් පැවතගෙන එන මේ මහා සංවර්ධන මැජික් ලාම්පුව අත ගාපු ගමන් සංවර්ධන භූතයා එලියට එයි කියල ගම්පහ බුඩ්ඩිමත් ජනතාව කල්පනා කොරපු බවක් පෙනුන.ඒ පුදපු උපහාරෙට හරියන්න තියන හොදම අමාත්‍යංස කෑලි ටික එක්කාහු කොරල රජතුමා බැසිල් උතුමානන්ට බාර දුන්නා හා හා පුරා කියල අලුත් අමාත්‍යංසයක් - ආර්ථික සංවර්ධන අමාත්‍යංසය.කොහොමද ‍නම?තේජස බේරෙනව නේද?

සංවර්ධන අමාත්‍යංසය ගත්ත විතරයි බැසිල් උතුමානන් බැස්ස වැඩට.පොඩි පොඩි සද්ද උන්නැහෙට පුරුදු නැහැ.දානවනම් දාන්නෙ රටටම ඇහෙන ලොකු සද්දයක්.තමන් යටතේ තියන සංචාරක අමාත්‍යංසය පාවිච්චි කොරල වසරේ සංවර්ධන ව්‍යාපෘතිය හා හා පුරා කියල උන්නැහෙ පටන් ගත්තෙ මේ අනුව.ව්‍යාපෘතියෙ නම අයිපා.

http://www.lakbimanews.lk/news/laknew2.htm

ලක්බිමනිව්ස් ඉංගිරිසි පත්තරේ වැටුන මේ ලිපිය කවුරු කවුරුත් කියවල බලන්න වටින ලිපියක් කියලයි පුලා හිතන්නෙ.මේව ඉංගිරිසියෙන් දැම්මට ආසාවකට සිංහල ජහමනයාට කියවන්න හිංගලෙන් දාන්න තරම් අපේ මාධ්‍ය බුවාලට කොන්දක් නැත්තෙ ඇයිද කියල පුලස්ති දන්නෙ නැහැ.ලක්බිමනිව්ස් එකේ යන සීන් ලක්බිමේ නැහැ.අයිලන්ඩ් එකේ යන සීන් දිවඉනේ නැහැ.

ඇත්තට ලෝකෙ රටේ වෙන දේවල් දැනගන්න ඕනෙ ඉංගිරිසි කියවන කීපදෙනෙක් විතරයි සිංහල ජහමනයාට ඒව කැප නැහැ කියල මාධ්‍ය බුවාල හිතනව වගේ.

ඒකෙන් මේකෙන් ලිපියෙන් කියන දේවල් මෙහෙමයි.

1.අයිපා එකට ගිය මුලු වියදම එහෙම් පිටින්ම දරල තියෙන්නෙ ලංකාවෙ සංචාරක මන්ඩලේ.ඉන්දියාවේ අයිපා සම්මාන උලෙල කොරන ආයතනෙ සත පහක වියදමක් ඒකට දරල නැහැ.

අයිපා කියන්නෙ ඒ සමාගමේ ප්‍රොජෙක්ට් එකක්.ඒ කියන්නෙ ඇත්තටම වෙලා තියෙන්නෙ කොහෙවත් සමාගමක ප්‍රොජෙක්ට් එකක් සම්පූර්නයෙන් ලංකාවෙ ආන්ඩුවෙ වියදමින් කොරල දෙන එක.

2.අයිපා මුලු වැඩේට බිලියනකට කිට්ටු ගානක් සංචාරක මන්ඩලේ යට කොරල තියනව.ටිකට් වලින් හම්බෙල තියන ඉන්කම් එක මිලියන 15ටත් අඩුයි.ලංකාවෙ ඈයොන්ට තිබුන ටිකට් 500 කින් විකිනිල තියෙන්නෙ 75යි.ටිකට් 340 ක් ආන්ඩුවෙ ඇමතිවරුන්ගෙ පවුලෙ අය ජනාධිපති ලේකම් කාර්යාලෙ නිර්දේස කොරපු උදවියයි අතර නොමිලේ බෙදල දීල තියනව.ඉන්දියාවෙ ඉදන් අයිපා බලන්න එනවය කියපු උදවියට කටුනායක ඉදල දාපු විසේස කෝච්චියේ එක ටිකට් එකක්වත් විකිනිල නැහැ!

3.සල්මන් කානුයි තවත් ඉන්දියාවෙ නිලියකුයි හෙට අනිද්ද ආයෙත් සංචාරක අමාත්‍යංසයෙ ආරාධනෙන් ලංකාවට එන්න නියමිතලු.ඒකෙ සම්පූර්න අනුග්‍රහයත් සංචාරක මන්ඩලෙන්.මේ සේරම අහවර වෙද්දි වෙන වින්නැහිය පත්තරේට තොරතුරු දුන්න බුවා හදුන්වල තිබ්බෙ financial disaster එකක් -මහා ආර්ථික වින්නැහියක් විදිහට!මුලු පාඩුව මිලියන 300 පනී කියල තමයි පත්තරේ තියෙන්නෙ.

මේව දකිද්දි එන පුරස්න කීපයක් පුලා කොලේක ලියාගත්ත.

1.මිලියන් ගනන් මේ වගේ ගොබ්බ විදිහට නාස්ති කොරන්නෙ මේ රටේ ලක්ස ගානක් මිනිස්සු උතුරෙ හරියට ගෙයක් නැතිව තහඩු කෑලි දෙක තුනක් අටෝ‍‍ගෙන අනාථයො වගේ වැටිල ඉන්න වෙලාවක.රටේ මිනිස්සු කොට්ටාසයක් අනාථ වෙලා ඉන්න වෙලාවක ඒව වෙනුවෙන් වියදම් කොරන්න ඕනෙ සල්ලි මේ වගේ ගොං විදිහට වියදම් කොරන එක වැහි නැති වෙලාවක හෙන පාත්වෙන්න ඕනෙ විදිහෙ ක්‍රියාවක් නෙමෙයිද?

2.මේ විදිහෙ සල්ලි නාස්ති කිරීමක් වෙනකොටත් රටේ බුවාල කට පියාගෙන ඇයි?දේසප්‍රේමින් කියල මහ සද්දෙට ලෝකේට ඇහෙන්න කෑ ගහන තමන්ට විරුද්ද මතයක් ගේන එව්වොන්ට අවජාතකවාදියො කියල බැන අඩගහන බුවාල ට මේව පේන්නෙ නැද්ද?පෙනුනත් පෙනුනෙ නැහැ වගේ වෙන අහක් බලාගන්නවද?

රටේ මිනිස්සුන්ගෙ යහපතට දාන්න ඕනෙ සල්ලි මහ දවල් මේ වගේ කාබාසිනියා කොරනකොට ඒක ගැන කට ඇරෙන්නෙ නැති එකාගෙ තියන දේසප්‍රේමය මොකක්ද කියන එක පුලස්තිට පුරස්නයක්.රටට ඇත්තටම ආදරේ නං මේ වගේ වෙලාවට තමයි කටවල් ඇරෙන්න ඕනෙ.

3.ආර්ථික සංවර්ධන විසේසඥ සුපර් පවර් තියන පවුලේ සංවර්ධන යෝදයාගෙ අමාත්‍යංසෙ පලවෙනි ප්‍රොජෙක්ට් එක මේක.මාධ්‍ය බුවාල අපිට ඇන ඇන කිව්ව ආර්ථික කලමනාකොරන හැකියාව අයිපා එක පුරා බේරෙනව.විස්මකරුම පවුලේ විස්මකරුම සඕදරයෙක් මේ රටට විස්වකරුම විදිහෙ පාඩුවක් තමුන්නෙ පලවෙනි ප්‍රොජෙක්ට් එක විදිහට කොරල තියනව.

පුලා අහන්නෙ මෙච්චරයි.

බැසිල් උන්නැහෙට තියෙනව කිව්ව අර මහා සංවර්ධන ඥානය - ඒකට මක්කයි උනේ?

බැසිල්ගෙ කවන්දෙට මිහින් එයාර් කෝටි ගානක් කාබාසිනියා කොරපු සජින් වාස් වැහිලද නැත්තං ඇත්තටම බැසිල් කියන්නෙත් මේක ලියන පුලයි කියවන තමුන්නැහෙලයි වගේ නෝමල් බුවෙක්ද?

මේක මිත්රවරුනි වීරයෝ බූරුවෝ වෙන යුගයක්.දිව්ය බල තියනව කිව්ව විස්වකර්මයො නිකම්ම නිකම් ලොස් පොරවල් වෙන කාලයක්.

ආන්ඩුව අධෝමුඛයේ ඇගිලි ගහන විට සනිපයි අනේ තව තව කියන ඇත්තෝද මෙසිරිලක දිවි ගෙවති

2010-06-12T13:24:00.000-07:00

පුලස්ති අන්තිම පාර ලියුව සටහනට පෙරමුනේ රාලගේ කන්ඩායමේ ලීඩිං ප්ලෙයර් නෝ ප්‍රේම් ආයිත් ගුස්තියක් ඇදපු ආරංචිය පුලාට හම්බවුනේ ටිකක් පරක්කු වෙලා.දවසේ වැඩ ඉවර වෙලා මහන්සි වෙලා ගෙදර ආපු වෙලාවෙ මේ ආරංචිය හම්බුනාට පස්සෙ පුලස්ති කල්පනා කොලා.

මුන්නැහෙට උත්තර දෙනවද?

මදුරු කොයිල් එකක් පත්තු කොරගෙන නිදාගන්න යනවද?

නිදාගන්න එක යෙහෙකි කියල හිතුනත් ආයෙත් මොටද කියල පුලස්ති කල්පනා කොරපු හින්දයි මේ කෙටි උත්තරේ ලියන්නෙ.

පෙරමුනේ රාලගෙ ටීම් එකේ රැස් ටිකක් බැහැපු ගතියක් තමයි පහුගිය ටික දොහේ පේන්න තියෙන්නෙ.කුරානය ගැන විග්රහ කොරන්න ගිහින් රාලගෙ ටීම් එකේ රිසර්ව් ගහන පිටියෙ අප්පු හත් පොලේ ගාගත්තට පස්සෙ පිටියෙ අප්පු වැඩිය ලියන්න කොරන්න යන්නෙ නැහැ.යූ ටියුබ් වීඩියෝවක් දාල නම ඉස්සරහ එක ලකුනු කොරගන්නව.

විසල් අප්පු කියන උන්නාන්සෙත් ‍නෝ ටෝක් නෝ ස්මයිල්.පස්චාත් වෛද්‍ය උපාධිය හමාර කොරල හරි වෛද්‍ය උපාධියේ වැඩ තියෙද්දි රට ජාතිය බේරගන්න එක ඊට වැඩිය ඉම්පෝර්ටන්ට් හින්ද හරි ගේමට එන්ටර් වෙලා ඉන්න මිගාර දොස්තර බොස් පෙරමුනෙ රාල එක්ක නෝ ප්‍රේම් නමින් මුලු කන්ඩායමේ බර අදිනව.රෙදි හෝදනව.

ආතල් එක කියන්නෙ මිත්‍රවරුනි නෝ ප්‍රේම් අන්තිමට ලියපු ලියමන් හතරෙන් දෙකක්ම ලියල තියෙන්නෙ පුලා ගැන!

මුල් කාලෙ නං මෙහෙම දෙයක් උනාම මුල්ගම්පොල ගමම ආතල් එකෙන් ඇලලිලා ගියා වුනාට දැන් දැන් එහෙම ආදර පිලිගැනීමක් ගමෙන් උනත් පුලාට හම්බවෙන්නෙ නැහැ.

‍

හේතුව අංක 1 - නම ඉන්ටර්නෙට් එකෙන් වැටෙන එක වුනත් හැමදාම වුනාම ඕල්වේස් දකින කුකුලාස් කරමල වයිට් වෙනව

‍

හේතුව අංක 2 - නෝ ප්‍රේම් කියන නම අපේ ගම් වලට එච්චර දිරවන්නෙ නැහැ.මිගාර දොස්තර බොස්ගෙ නමට තියෙන කීර්තිය ද මොකක්ද එක බියොන්ඩ් ප්‍රේම්ගෙ නම කොපි කොරල හදාගත්ත මේ දියාරු නමට නැහැ නෙව.

පුලා අන්තිමට ලියුව ලියමනේ හරය ආන්ඩුවට මිනිස්සුන්ගෙ අධෝමුඛේ ඇගිලි ගහන්න එපා කියන එක.පුලස්ති නම් එහෙම ඇගිලි ගහනවට මනාප නැහැ.ඒත් තමන්ගේ අධෝමුඛේ ඇගිලි ගහන එක සනීපයි කියල හිතන ඒකට මනාපයක් තියන ඒකෙන් මාර සැපක් ගන්න නෝ ප්‍රේම් වගේ බුවාලත් ඉන්න එක හරිම සෝයි වැඩක්.

ඉරිදට ලමය ටියුසන්ද යන්නෙ දහම් පාසල්ද යන්නෙ කියන එක තීරනය කොරන එක ලමයගෙයි ලමය වදාපු අම්මගෙ අප්පගෙයි වැඩක් කියලයි පුලා කිව්වෙ.නීතිය පිලිගත්ත වැඩකට ලමය යොදවන කම් ඒකට ඇගිලි ගහන්න ආන්ඩුවටවත් මොකාටවත් බැහැ.මේ සිම්පල් තියරිය අල්ලගන්න බැරිව නෝ ප්‍රේම් විකාර කියවන්නෙ මේ විදිහට.

" එසේ නම් දරුවාට පුලස්ති පහර දුන්නත්, පාසල් නො‍යවූවත්, ලෙඩට බෙහෙත් අරන් නොදුන්නත්, අඩු වයසින් විවාහ කර දුන්නත්, මෙහෙකාර සේවයේ යෙදවූවත්, ගණිකා නිවාසයකට දුන්නත් ඒ ගැන ප්‍රශ්න කිරීමට ආණ්ඩුවට අයිතියක් නොතිබිය යුතුය!"

දරුවව පුලස්ති ඉස්කෝලෙ යවන් නැහැ කියන්නෙ මොකක්ද?නීති විරෝධී වැඩක්.ඒකෙන් ලමයගෙ අයිතියක් කඩ වෙනව.ලෙඩට බෙහෙත් අරන් නොදුන්නත් අඩු වයසින් කසාද බැන්දුවත් ලමයගෙ අයිතියකට කෙලවෙනව.ගනිකා නිවාසෙට දැම්මත් වැඩකාරකමට දුන්නත් එහෙමයි.මේව වලදී ආන්ඩුව මැදිහත් වෙන්න ඕනෙ තමයි.මොකද මෙතන අපරාධයක් වෙනව.සමාජ විරෝධී වැඩක් වෙනව.අයිතිවාසිකමක් කඩ වෙනව.

ඒත් ඉරිදට ටියුසන් යවන එකෙන් - ඒ කියන්නෙ දරුවට උගන්නන එකෙන් - කඩ වෙන අයිතිවාසිකම මක්කද කිව්ව නං?

ලමයි ඉස්කෝලෙ අරින් නැතිව තියන එක හොද නැහැ කියන එකට ලෝකෙ පුරා රටවල ඈයො එකග වෙලා අත්සන් කොරපු ප්‍රඥප්ති තියනව.ලමයි ගනිකා සේවයේ යොදෝන එක,වැඩකාරකමට දෙන එක අපරාධ විදිහට පිලිගෙන සයින් කොරපු ජාත්යන්තර එකගතා තියනව.ලමා අයිතිවාසිකම් වගේ එව්ව අපේ රටවල ලෝකල් නීතියට එන්නෙ මේ ජාත්‍යන්තර සම්මුති වලින්.

දැන් ලමයෙක් ඉරිදට ටියුසන් යවන එක ඒ විදිහෙ ලමා අයිතිවාසිකම් කඩවීමක් කියල අත්සන් කොරල තියෙන ප්‍රඥප්තිය ‍මක්කද කියල අපිටත් දැනගන්න කිවුව නං?

ලමයගෙ කිසි වැඩකට ආන්ඩුව මැදිහත් වෙන්න බැහැ කියල පුලස්ති කියල නැහැ.පුරවැසියන්ගෙ වැඩ වලින් එහෙම්පිටින් අයින් වෙලා තපස් රකින කොරොස් යකා වගේ කට බලියගෙන ආන්ඩුව ඉන්න ඕනෙ කියන එක නෙමේ පුලා කියන්නෙ.ආන්ඩුව තියෙන්නෙ සමාජයේ වැඩ ටික කලමනාකොරනය කොරන්න.එතකොට ලිමිට්ස් තියෙන්න ඕනි.මිනිස්සුන්ගේ නිදහසට අනවස්‍ය විදිහට ඇගිලි ගහනව නං කඩාගෙන පනිනව නං ඒක වැරදියි.ආන්ඩු මිනිස්සුන්ගෙ නිදහසට ගරු කොරන්න ඕනෙ.කාටවත් හානියක් නැති වැඩක් කවුරු හරි කොරනව නං ඒකෙන් සමාජෙට පුරස්නයක් වෙන්නෙවත් කාගෙවත් අයිතියක් කඩවෙන්නෙවත් නැත්තං මිනිස්සුන්ගෙ පුද්ගලික වැඩ වලට ඇගිලි ගහන්න ආන්ඩුවට ඉඩක් නැහැ.

ඇප්ගනිස්තානෙ තලෙයිබාන්ල පිරිමි රැවුල වවන හැටි ගැන නීති දාන්න ආව.ගෑනු අදින ඇදුම ගැන නීති දාන්න ආව.

සිංහල රජ ‍කාලෙ උඩරට රජ්ජුරුවො පල්ලෙහා කුල වල ඈයො අදින හැටි නාදින හැටි ගැන නීති දැම්ම.ජර්මනියෙ හිට්ලර් ගොයිය යුදෙව්වො ඇදුමෙ තරුවක් ගහගෙන යන්න ඕනෙ කියල ලිමිට් දැම්ම.

මේ හැමදේම ආන්ඩු ලිමිට් පන්නල එක්ස්ට්‍රීම් ගිය තැන්.ඇප්ගනිස්තානෙ පිරිමි යට රැවුල වැවුවත් නැතත් ඒකෙන් කාටවත් ඇති ක‍රදරයක් නැහැ.පල්ලෙහා කුලේ එකා උඩුකය වැහෙන්න රෙද්දක් ඇන්දට ඒකෙන් කාගෙවත් ඇගේ මයිල් ගැලවෙන්නෙ නැහැ.යුදෙව්වා තරුවක් නොගහගෙන ගියාට ආර්ය බුවාස්ලාට පිලිකා හැදෙන්නෙ නැහැ.පුද්ගලික වැඩ වලට කැමති කැමති විදිහට ඇගිලි ඔබ්බන එක බලයෙන් මත් වෙච්ච උද්දච්ච ඒකාදිපති ආන්ඩු ඉතිහාසෙ පුරා කොරපු දෙයක්,කොරන දෙයක්.

නෝ‍ ප්‍රේම් ඊට පස්සෙ මෙහෙම කියනව.

"කුඩු ගැසීම නිතිවිරෝධී කර ඇත්තේ ආන්ඩුව මිසක් වෙන අයෙක් නොවේ. නැත්නම් කුඩු ගැසීම නීති විරෝධි නැක. කුඩු ගැසුවා කියා වෙන කාගේවත් අයිතියකට කෙළ වෙනෙනද නැත."

කුඩු ගහන එක ආන්ඩුව තහනම් කොරල තියන හින්ද අපරාදයක්.ඒ වගේ ටියුසන් තහනම් කොලාම ඒකත් අපරාදයක් වෙනව.එතකොට දෙකම එක වගේ වෙනවයි කියන එකයි මුන්නැහෙගෙ තර්කෙ.මුන්නැහෙට අනුව කුඩු බිස්නස් වලින් සමාජෙට නරකක් වෙන හින්ද ඒක අපරාදයක් හින්ද තහනම් කොලා නෙමෙයි.තහනම් කොරපු හින්ද කුඩු බිස්නස් කියන එක නරක එකක් වුනා.

කුඩු නීති විරෝදී වෙන්නෙ මක්කෙයි?මේ ගැන පුලා දන්න අදුනන සුපුන් නීතිඥ බොස් නියම ආන්ස්වර් එකක් දුන්න.

සිවිල් වැරදියි අපරාද වැරදියි කියන්නෙ වර්ග දෙකක්.සිවිල් වැරදි ඇතිවෙන්නෙ තනි පුද්ගලයො දෙන්නෙක් අතර.අපරාද වැරැද්දක් එහෙම නෙමෙයි.මම මගේ අල්ලපු ගෙදර මිනිහ මැරුවය හිතමු.ඒකෙදි කඩවෙන්නෙ උන්නැහෙගෙ අයිතිය විතරක් නෙමේ.අපරාද ගැන බයක් සමාජෙ පැතිරෙන හින්ද සමාජෙම අයිතියක් කඩ වුනා කියලයි සැලකෙන්නෙ.සිවිල් නඩුවලදි වගේ නෙමෙයි අපරාද කේස් වලදී රජය මැදිහත්වෙලා නඩු දාන්නෙ ඒකයි.

කුඩු ගහන එකෙන් එක පාරට බැලුවම පේන්නෙ කුඩු ගහන එකාටවත් මක්කවත් වෙන්නෙ නැහැ කියල.ඒත් කුඩු කියන්නෙ නිකම් කුඩු ටික හලාගෙන උරන එක නෙවි.ඒක ක්‍රියාවලියක්.ඒව ගහන උන් වෙනම මානසිකත්වයකට ගිහින් පිස්සු කෙලිනව.දේපල වලට කෙලවන්න ඉඩ තියෙනව.මනස විකෘති කොරන නිසා අපරාද වලට පෙලඹෙන්න තියන පොසිබිලිටිය වැඩියි.මේක සමාජෙට ත්‍රෙට් එකක් හින්ද කුඩු බිස්නස් එක තහනම් බිස්නස් එකක් අපරාද වගකීම වැටෙන ජොබක් විදිහට බෑන් කොරල තියනව.කුඩු වල දරුනු කම හින්ද ඒක ලගතියාගෙන ඉන්න එක වුනත් ඒ හින්ද තහනං.මොකද ඒකෙන් බිස්නස් එකට අනුබලයක් වෙනව කියල සැලකෙන හින්ද.

පුලා මේ හෑල්ල කිව්වෙ මක්කෙයි?නෝ ප්‍රේම්ගෙ ප්‍රේම් එකට නොපෙනුනට කුඩු බිස්නස් වලින් සමාජෙ අයිතිවාසිකම් කඩවෙනව.සමාජෙට ඒක පුරස්නයක් වෙනව.මේ කාරනේ ලෝකෙම පිලිගත්ත එකක් හින්ද තමයි අන්තරාදායක මත්ද්‍රව්‍ය වගේ දේවල් නවත්තන්න ලෝකෙ පුරා රටවල් ඇග්රීමන්ට් වලට සයින් කොරල බුදු ගේමක් දීල තියෙන්නෙ.හොරකම් කොරන එක,මිනී මරන එක,කුඩු විකුනන එක,ගෑනු දූසනේ කොරන එක මේව නීති විරෝදී කොරල තියෙන්නෙ පාලකයන්ට ෆන් එකක් ගිය හින්ද නෙමෙයි.මේවයින් සමාජයට පුරස්නයක් වෙනව මේව සමාජයේ අයිතිවාසිකම් ක‍ඩ කොරන ඉන්සිඩන්ට්ස් හින්ද.

දැන් පුලස්ති ආයෙත් අහන්නෙ මෙච්චරයි.ඉරිදට ලමයෙක්ව ඉගෙන ගන්න අතිරේක පංතියකට යැව්වය කියල සමාජෙට ත්‍රෙට් එකක් තියනවද?කාගෙවත් ඇගේ හොරි හැදෙනවද?කාටවත් බඩ එලිය යන්න ගන්නවද?

කුඩු විකුනන එකයි,ගෑනු දූසනේ කොරන එකයි එක්ක මේ හින්ද ඉරිදට ටියුසන් යන එක සංසන්දනේ කොරන්න බැහැ.අරව තහනම් කොරපු රීසන් එකක් තියනව.ඒ රීසන් එක ටියුසන් යනව වගේ කාටවත් කරදරයක් නැති පුද්ගලික ජීවිතේ වැඩකට ආදේස කොරන්න බැහැ.

කුඩු බිස්නස් කියන අපරාධයයි ටියුසනුයි එක වගේ කියල කියන කෙනෙක් ඉන්නව නං පුලාට ඇත්තටම පුදුමයි.ඇත්තටම උන්නැහෙ ඇම් බී බී ඇස් නං වෙන්න බැහැ.සමහර විට නෝ ප්‍රේම් ඇත්ත වෙන්නත් ඇති.‍නෝ ප්‍රේම් කියල ලියන්නෙ මිගාර වෛද්‍ය බොස් නොවෙන්නත් ඇති.පන්හිද එක්ක ලියුව වංගියෙ නං මිගාර දොස්තර බොස් මේවගේ ගොබ්බ සැසදීම් කොලා කියල මතකයක් පුලාට නැහැ.

නෝ ප්‍රේම් මෙහෙමත් කියනව.

"ඉරිදා ටියුෂන් පන්ති පැවැත්වීම මගින් දහම් පාසල් යාමට දරුවන් අධෛර්යමත් කිරීමක් සිදු වේ."

දැන් අපි ඔය ලයිස්තුව හුරතල් ලමයි දෙන්න වගේ එක්කාසු වෙලා තව දික්කරමුද නෝ ප්‍රේම්?

ඉරිද ටියුසන් තහනම් කොලා කියමු.ඉරිද උදේට ටිවි එකේ ස්කුබි ඩූ පෙන්නව.හාමුදුරුවොන්ගෙ බන අහනවට වඩා ස්කුබි ඩූ කොච්චර සෝයිද?ඒකෙන් ලමයි දහම් පාසල් නොයා ගෙදර රැදෙන්න ඉඩ තියනව.දහම් පාසල් යන එක අධෛර්යමත් වෙන්න ඉඩ තියනව.

එහෙනම් ඉරිද උදේ කාටුන් පෙන්නන එකත් තහනම් කොරමුද?

ඉරිද ටියුසනුත් නැතිව නිවාඩු කොලාම පස්සෙ සමහර ලමයි දහම් පාසල් යන්නෙ නැතිව දවල් වෙනකම් නිදාගන්න ඉඩ තියනව.පුලා වගේ නාහෙට නාහන එකෙක් නං ‍කොරන්නෙම් ඕක තමයි.දැන් ලමයින්ට දවල් වෙනකම් නිදාගන්න දුන්නොත් දහම් පාසල් යන එක අධෛර්යමත් වෙනව.පනතක් ගෙනල්ල ඉරිද දවල් වෙනකම් නිදාගන්න එකත් තහනම් කොරමුද?

දහම් පාසල් යන එක අධෛර්යමත් කොරන තව කොච්චර රීසන් තියෙන්න පුලුවන්ද?දැන් මේ හැම එකක්ම තහනම් කොරන්නද යන්නෙ?එතකොට හරිද?ඇගේ වාත අමාරුව හොද වෙයිද?

ලමයෙක් දහම් පාසලට යන්නෙ නැතිව ටියුසන් යනව නං ඒකට රීසන් එකක් තියනව.ඌට දහම් පාසලට වඩා ටියුසන් එක වටිනව.ගාථා පාඩම් කොරනවට වඩා ගනන් ටිකක් ඉ‍‍ගෙන ගන්න එක හොදයි කියල ඌ හිතනව.දහම් පාසල් ඔච්චර සෝයි නම් ටියුසන් අයින් කොරල දහම් පාසල් යන්න එපැයි.තමන්ව ප්‍රමෝට් කොරගන්න දහම් පාසලට ඕනි නං කොරන්න තියෙන්නෙ ඒකට මොනව හරි වැඩපිලිවෙලක් හදන එක.ටියුසන් කියන තරගකාරයා එක්ක තරග කොරන්න බැරිව ආන්ඩුව ලව්ව තග දාල බලෙන් තරගකාරයා දන ගස්සන එක අලුතින් ආපු සෙල්ෆ් සර්විස් තියන කාගිල්ස් එක එක්ක තරග කරන්න බැරි පරන විදිහට බඩු විකුනන මුදලාලි රෑට චන්ඩි ලව්වා කාගිල්ස් එකේ වීදුරු කුඩු කරනව වගේ දෙකයි පනහෙ වැඩක් කියල අවසන් වසයෙන් පුලස්ති ප්‍රකාස කොරනව.

පසු වදන - (පිටපත මහින්ද අබේසුන්දරගෙන්නං නෙමෙයි හැබැයි.නෝ ප්‍රේම්ට මාර පුරස්නයක් වෙලා තියෙන පුලාගෙ අනන්යතාව ගැන පුලස්ති ගෙඩිගේ ගෙන්)

1.නෝ ප්‍රේම් තමුන්නෙ ලියුම පටන් ගන්නෙ පත නෝ බෝල් එකකින්.පුලස්තිගෙ අනන්‍යතාව හොයන්න උන්නැහෙ හිනායන ගේම් එකක් දීල පුලස්ති = මකබාස් කියල සමීකරනයක් හදල.මකබාස් කියල ලියන මහත්තය මේක කියවනව නං කරුනාකරල අත දිග්ගරල නෝ ප්‍රේම් දැම්මෙ නෝ බෝල් එකක් කියල සංඥා කොරන්න.

2.නෝ ප්‍රේම් පුලා ගැන ලස්සන විස්තරේකුත් ඊට පස්සෙ කොරල තියනව.මුල්ගම්පොල වැඩිය උගත්කමක් නැති කෙනෙක් වගේ හිටියට පුලා කියන්නෙ කොලඹ ඉන්න ඉංගිරිසි දන්න පස්චාත් උපාධියක් කොරපු ඩයල් එකක්ලු!බුදු අම්මේ සනීපෙ.යම්තම් බොලොග් කෑල්ලක් අ‍ටවගෙන අත පත ගාල කොම්පියුටර් සාස්තරේ ඉගෙන ගත්ත පුලා ගැන මේ වැදගත් මහත්තුරු කොයි තරම් ඉහලින්ද හිතාගෙන ඉන්නෙ හැබෑටම.මේ ටික දකින්න පුලාගෙ මැරිච්ච අප්පච්චි වත් හිටිය නං කියල පුලා වෙලාවකට හිතනව.ඉස්කෝලෙ යන වංගියෙ වල බැහැල ගුටි කෑවට මහ ලොකුවට කැම්පස් ගිහින් අවුට් වෙලා ඉන්න බුවාලටවත් නැති පිලිගැනීමක් වර්නනාවක් නෙව පුලාට මේ හම්බවෙන්නෙ.

ජීවිතේ මල් නෝ ප්‍රේම් ඉන්න කල්!

3.තරහ අවසර.මොනව උනත් තමන්ට අයිති නැති ටයිටල් ගන්න පුලස්ති කැමති නැහැ.පුලස්ති අම්මපා කොලඹ නෙමේ.මුල්ගම්පොල.මුල්ගම්පොල තියෙන්නෙ නුවර.කොලඹ ඉදන් බස් එකේ එද්දි පේරාදෙනිය පාරෙ මල්වත්ත පහුකොරගෙන එන්න.අලුත් පාරට දාන්නෙ නැතිව කෙලිංම ආවම කිංග්ස්වුඩ් කියල තඩි ඉස්කෝලයක් හම්බවෙනව.ඒක ඉස්සරහ තියන ලුම්බිනි කියන ඉස්කෝලෙට තමා පුලා ගියෙ.

ඒ හරිය තමයි මුල්ගම්පොල.කිංග්ස්වුඩ් එක ගාව අතුරු පාරින් පල්ලෙහට බැස්සම හම්බවෙයි බාබර් සාප්පුවක්.ඒක කොරන බාබර් ගෙන් අහන්න පුලස්තිගෙ ගෙදර කොහෙද කියල.මේං කියල ඇගිල්ල දික්කරල පෙන්නයි.

එහෙනම් නිවාඩුවක් හම්බුනම එන්න නෝ ප්‍රේම්.දවල්ට කන්න කුරහන් තලපයක් එක්ක ගෝල්ඩ් ලීෆ් බටයක් දෙඤ්ඤං.ගම්මු අපි හිංගල බෞද්ධ මොඩර්න් ආතල් එකක්!

ඉරිදා ටියුෂන් තහනම හෙවත් ආන්ඩුව මිනිසුන්ගේ අධෝමුඛයන්හි ඇගිලි ගැසීම

2010-06-10T14:05:00.000-07:00

පුලස්තිගෙ අම්ම පුලස්තිට දහම් පාසල් යන්න කියලත් නැහැ.පුලස්ති ගිහිල්ලත් නැහැ.පුලස්ති ගිය ඉස්කෝලෙ මිස්‍ර එකක් හින්ද ගෑනු ලමයි එන දහම් පාසල පුලස්තිට අමුතු ආතල් එකක් උනෙත් නැහැ.

නගර වල අනවශ්‍ය විදිහට හැසිරෙන කපල්ස් රිමාන්ඩ් කොරන එකයි ඉරිද ටියුසන් තහනම් කොරන කතන්දරෙයි එකකට එකක් සෙට් වුන හොදට හිතල බලල ගත්ත තීරන වෙන්න ඕනෙය කියලයි පුලා හිතන්නෙ.දැලි රැවුලු එන වයස වෙනකොට කොල්ලො සීයේට අනූවක් දහම් පාසල් යන්නෙ සදාචාරෙ වර්දනය කොරගන්නද වර්දනය වෙච්ච වෙන මොකක් හරි චාරෙකට හරියන්න වෙනත් ෆන් එකක් ගන්නද කියන එක හංගන්න ඕනෙ දෙයක් නෙමේ.ඒත් දැන් දැන් කොල්ලොන්ට දහම් පාසලට වැඩිය ආතල් ස්පොට් ලව් සීන් වලට සෙට් වෙනව.හාමුදුරුවො ඔරවගෙන ඉන්න දහම්පාසලට වඩා ටියුසන් කැලෑසිය ඇහැට කනට පේන දැරිවියකට ඇල්ම බැල්ම දාන්න වටින තැන.කිසි ගතියක් නැති ලමා සාරියට වඩා ඇගේ හැඩේ බේරෙන කලිසම ගහල පංතිවලට එන දැරිවියො කොහොමත් ඇස පිනවන පිය දසුනක්.

දැන් ඉරිදට ටියුසත් බෑන් කොරල පාක්වල ඉන්න කපලුත් හතර අතේ අල්ලන්න ගත්තම මොකෝ වෙන්නෙ?

නාඹර වයසට එන යවුවන කොල්ලොන්ට තමන්ගෙ සොබාවික ආසාව පිරිමහගන්න තියන එකම තැන මොකක්ද?ඔන්න අර කතන්දර දෙක ලින්ක් වෙන තැන.අපේ බලදාරීන් මොනව නැතත් වස බුඩ්ඩ්මත් සෙට් එකක් කියන එක මේකෙන් ඔප්පු වෙනව.ඉරිද ටියුසන් තහනම් කොල පලියට අපේ කොල්ලො දහම් පාසල් යාවිය?හැබැයි කෙල්ලෙක්ගෙ අතින් අල්ලන් ප්‍රසිද්ධ තැනක ඉන්න එකත් බෑන් කොලාම පස්සෙ ආස වුනා නැතා හරි කෙල්ලෙක්ට ඇහැක් වත් ගහන්න දහම් පාසලට හරි රිංගන එක හැර විකල්පයක් තියනවද?

"මෝඩ කතා කියන්න එපා මනුස්සයො" පුලාගෙ විග්‍රහය ඇහුවම පුලාගෙ බිරින්දෑ කිවුව.

"ඔය ලොකු ලොක්කන්ගෙ තීරන ගැන කතා කොරන්න ඔහෙට තියන උගත්කම මොකක්ද?"

"එතකොට අපිට දරුවෙක් හිටපු දවසට එයාට මොකෝ කොරන්නෙ?"

"දරුවෙක් නං දහම් පාසල් යවන්න ඕනෙ නැහැ.දැරිවියක් නම් යවන්න ඕනෙ"පුලාගේ වයිෆ් කියපි.

"ඇයි ඒ?"

"දැරිවියක් ඕකට ගියාට කමක් නැහැ.ගාතාවක් වත් පාඩම් කර ගන්නැතැ.දරුවෙක් නං වත්ත පහල බතල පාත්තියක් දාල දීල ඒක වගා දිගා කරන්න කියනව ඉරිද නිවාඩු නං.අඩුම තරමින් කීයක් හරි හොයාගන්නවත් ඇහැකි නෙව"

"හ්ම්" පුලා කිව්ව.පැලෑන් කොරාට වැඩක් නැහැ සේරටම කලින් පුලාට ලමයි ඉන්න එපැයි.

පුලස්තිට ලමයෙක් හිටියොත් තත්වෙ මොකක්ද?

ලමය ඉරිදට ගනිතය ඉගෙන ගන්න ටියුසන් යවනවද ආගම ඉගෙනගන්න දහම් පාසල් යවනවද අතේ වැඩක් ඉගෙන ගන්න වත්ත පහල බතල පාත්තියට යවනවද ඒක පුලස්තිගෙයි පුලස්තිගෙ දරුවාගෙයි බිස්නස් එකක්.ඒකට ආන්ඩුව ඇගිලි ගහන්නෙ මක්කෙයි?

යුද්ද කාලෙදි හැම දේකටම ආන්ඩුව එබිල බලන්න පුරුදු වුනා.ගෙදර නැවතිල ඉන්නෙ කවුද.උන් ඉන්නෙ මක්කටද.සාමාජික ගාන කීයද.උන්ගෙ රස්සා මොනවද.බස් එකෙකින් ගමනක් යද්දි බැස්සුව.අපේ ගමන් මලු අස්සට එබිල බැලුව.ඒව ඇතුලට ඇගිලි ගැහුව.පෝලිම් ගහල අපිව නවත්තගෙන හිටිය.

අපි මක්කවත් කිව්වෙ නැහැ.යුද්දයක් නෙව.ආන්ඩුවට අපේ ජීවිත ඇතුලට එබිල බලන්න ඇගිලි ගහන්න දීල කට වහගෙන ඉවසගෙන හිටිය.

ඒ පුරුද්ද දැන් එක්ස්ට්‍රීම් ගිහින් ඕනෙ මගුලටයි නැති මගුලටයි හැම එකක් ඇතුල්ටම එබෙන එක ඇගිලි ගහන එක ආන්ඩුව සිරිතක් කොරගෙන.ඉරිදට මගෙ ලමයව ටියුසන් යැවුවත් නැතත් ආන්ඩුවට තියන වාත අමාරුව මොකක්ද?ටියුසන් යවනව කියන්නෙ කුඩු ගහන්න යවනව වගේ නීති විරෝධී වැඩක්වත් කාගෙවත් අයිතියකට කෙලවෙන වැඩක්වත් නෙවෙයි නෙව.ආන්ඩුව මිනිස්සුන්ගේ පුද්ගලික වැඩ වලට ඉන්ටර්ෆියර් වෙන්න ඕනෙ ඒවයින් සමාජෙට හානියක් වෙනව නං හරි නීති විරෝධී වැඩක් වෙනව නං හරි විතරයි.අපේ ජීවිත අපේ මිස ආන්ඩුව අපිට නයට දුන්න එව්ව නෙමෙයි.

පුලස්ති රජතුමාට කියන්නෙ මෙච්චරයි.

තමුන්නැහෙට ඕනි නං නාමල් බබාව ඕනෙ දහම් පාසලකට යවාගන්න.අපේ දරුවොන්ට ඉරිදට උගන්නන්නෙ ආගමද ගනිතයද වත්තෙ බතල ඉන්දන එකද කියල අපි තිරනය කොරගන්නං.

දේසප්‍රේමී වීර සිංහලයිනි - දැන් සංස්කෘතිය ඔට්ටු නැද්ද?

2010-06-08T03:41:00.000-07:00

අහුවෙන අහුවෙන හැම ජරාවම ආසාවෙන් භුක්ති විදින සතාට කියන්නෙ ඌරා කියල.දකින දකින අරුමෝසම් බඩුව ඇගේ එල්ලගන්න හය හතර නොතේරෙන එකාට කියන්නෙ පොඩි එකා කියල.

අවුරුදු හය හතකට උඩදි පුලස්ති දන්න හදුනන කොල්ලෙක් හිටිය අල්විස් බුවා කියල.බුවා ‍තරමක් පෝසත්.තාත්තට ගෙස්ට් හවුසයක් තිබුන ‍පල්ලෙකැලේ දිහාවෙ.ජනප්‍රිය දෙයක් තියෙන්නෙ කොහෙද අල්විස් බුවා එතන.බුවා කාලෙන් කාලෙට එක එක නිව්ස් අරන් එනව.

"මචං අපේ ගෙස්ට් හවුස් එකේ ෆිල්ම් එකක් ෂූට් කරා"

"මචං රන්ජන් රාමනායක ආව"

"මචං රන්ජන්ගෙ මාර ඇග"

"මචං අනර්කලිත් හිටියා"

"මචං අනර්කලිගෙ මාර හිනාව"

"මචං අනර්කලි මට හිනා උනා"

"මචං රන්ජන් මා එක්ක පොටෝ එකක් ගත්ත"

කට දෙපැත්තෙ කෙල වක්කරගෙන අල්විස් බුවා දවස පුරා කොරන්නෙ තාරකා වරුනාව.ලොකු ලොකු පොරවල් එක්ක තමන්ට ආස්රයක් තියෙනව කියල පෙන්නන්න අල්විස් බුවාට තිබුනෙ පුදුම අමාරුවක්.

අස්ස තිත්තනායක උන්නැහෙ කන්න එන්නෙ අල්විසාගෙ කඩේටලු.දැන් හත වැදිල හිටියට අවුරුදු හතකට උඩදි අස්ස තිත්තනායක නුවර පලාත හොල්ලපු වැඩර්.ඇස්බී හෝටලේට ආවලු.අරය ආවලු.මෙයා ආවලු.බාප්ප කෙහෙලියගෙ සෙකට්‍රිලු.

හංදියෙ කොල්ලො සෙට් එක අල්විසාට දාපු නම - පච අල්විස්.

පුලාට අල්විසාව මේ තකහනියෙ මතක් උනේ අපේ රටේ මහ තැනගෙ ෆේමස් මේනියාව ගැන කල්පනා කොලාම.ෆේමස් වෙන්න පුලුවන් කොයි බෝලෙට ගහලද අහුවෙන ඕනම බෝලෙකට ගහනව.අහුවෙන ඕනෙ අරුමෝසමක් එල්ලගන්නව.අහුවෙන ඕන වහුකුනක් ගිලිනව.

පල්ලිය ඩා වින්සි කෝඩ් තහනං කොලා.කිසිම වග විභාගයක් හාංකවිසියක අදාලකමක් නැතිව මහ තැන ලංකාවෙ ඩා වින්සි කෝඩ් තහනම් කොරා.උපාසකම්මලා චියර් එක දෙයි කියල අක්සරය තහනම් කොලා.උපාසක නෝනලා චියර් එක දෙයි කියල බොන එකට ලිමිට් දැම්ම.හාමුදුරුවරු චියර් එක දෙයි කියල දැන් ඉරිදට ටියුසන් තහනම් කොරන්න පැලැන.කිසි මහන්සියක් වෙන්නෙ නැතිව ෆේමස් වෙයි කියල හිතන ඕනෙ යෝජනාවක් හොද වේවා නරක වේවා ඉත සිතින් වැලදගත්ත.

හැබැයි මෙච්චර කල් මොන යෝජනාව වැලදගත්තත් ඒ හැම යෝජනාවම වැලදගත්තෙ සංස්කාතියද මොකක්ද එක ප්‍රමෝට් කොරල ඒකෙන් ෆේමස් වෙන්න.

හැට හුට හමාරක් යෝජනා ප්‍රපෝසල් අතරෙ මෙන්න එකපාරට ආපි අයිපා යෝජනාව.

මොන තරම් ආතල්ද?මොන තරම් සනීපද?

දෙපාරක් හිතුවෙ නැහැ මහ තැන පැන්නා.යෝජනාව දෝතින්ම වැලදගත්ත.

බොලිවුඩ් තාරකා ලක් අඹරේ පායන්න පටන් ගනී කියල හිතුව.අයිස්වර්යා ඇවිත් මිහිකත නලවාල යයි කියල හිතුව.බච්චන් ලොක්ක මාස කීපයකට උඩදි ආපු පාර රජ ගෙදරදි උන්නැහෙට රජ පවුලෙ කවුරු කවුරුත් අතට අත දුන්නෙ උන්නැහෙ එක්ක පොටෝ ගත්තෙ පච අල්විසා රන්ජන් එක්ක පොටෝ ගත්ත ආකාරය මතක් කරල දෙමින්.

බැදගත්ත වගේ පහසු නැහැ බෙරේ ගහන එක.බොලිවුඩ් කියන නම හැදිල තියෙන්නෙම හොලිවුඩ් කියන එක කොපි කොරල.බොලිවුඩ් එකේ මේ වංගියෙ තේමා ගීතය තමයි "බටහිර පන්නේ ගති ගුන අපිට තියෙන්නෙ" කියන පරන කැලිප්සෝ සිංදුව.

බිපාෂා අදින්නෙ කොට ගවුම්ය.සෙලීනා අදින්නෙ නාන ඇදුම්ය.සිනමා තිරය මත තොල් පෙති ඉරිලිය.ජවනිකා අතර කාමෝන්මාදී ගැයුම්ය.ජවනිකා අවසන ‍රාගෝන්මාදී කෙදිරිලිය.

මේ වගේ බුවාල සෙට් එකක් ඉස්සරහ ඉ‍හේ කනේ තියාගෙන රැකපු සංස්ක්රුතිය විකුනන්නෙ කොහොමෙයි?

සංස්ක්රුතිය කියන රැවුලද?බොලිවුඩ් ආස්වාදෙ කියන කැදද?

රැවුලෙන් මොන වැඩද මල්ලි කැද ලැබෙනවනම්!

මේ පෝස්ටයේ උඩින්ම තියෙන්නෙ සම්මාන උලෙලට ආපු සොපී චවුද්රි කියන තාරකාවගෙ පින්තූරෙ.සොපි චවුද්රි කියල නමක් පුලා ඇහුවමයි.රානි කාජල් අයිස්වර්යා වගේ නං නහුතයක් අහල තිබ්බත් එකෙක්වත් මේ මහා සිනමා සැනකෙලිය පලාතක ආවෙ නැහැ නෙව.සොපීගේ රූපෙ දැක්කම පුලාගෙ සිත පිනා ගියා.

මෙන්න තියනව කොල්ලනේ සංස්ක්රුතිය!මෙන්න තියනව කොල්ලනේ සංවර්ධනය!

පුලාගේ මේ පුරස්නෙ මර්වින් සිල්ව ගොයියටයි නලින්ද සිල්ව අයියටයි.

@ මර්වින් සිල්වා -මෙන්න බාගෙට ඇදගත්ත ගෑනියෙක්!

බාගෙට ඇදල නටන ගෑනු පෙන්නල සංස්ක්රුතියට වින කොරන සිරසට බස් හයර් කොරගෙන ගිහින් ගල් ගැහුව වගේ සොපී චෞද්රිලාව ගෙන්නපු මහ තැන ඉන්න සල්ගහ මන්දිරේටත් ගහමුද බලන්න ගල් පාරක්?

@ නලින් ද සිල්වා -මැක්සා ආතල් එක නේද බොස්?දැන් ජාතික චින්තනේට මොකෝ වෙන්නෙ?මහින්ද චින්තන සංවර්ධ‍නේ ඇතුලෙ ජාතික සින්තනේ නැද්ද?සංස්ක්රුතිය ගැන කතා කොරන එක තවදුරටත් ඔට්ටු නැද්ද?

මොනා නැතත් අයිපා බදාගත්ත එකෙන් ලෝක ඉතිහාසෙ අසාර්ථකම අයිපා එක කොරල පජාත උනත් ජනප්‍රිය වෙන්න කෑදර කමට හරි කමක් නැහැ සොපි චෞද්රිව ගෙන්නපු එකට පුලාගෙන් මහ තැනට ආචාරය.

නලින් ද සිල්ව වගේ සීයලගෙන් උපදෙස් ගන්නෙ නැතිව නාමල් බේබි වගේ නාඹර බුවාලගෙන් තව තව උපදෙස් ගන්න.උපදෙස් ගනිමින් ඔබ වහන්සේ චිරාත් කාලයක් වැජඹෙන්න.

සීයලගේ අන තියන රටක ඈනුම් අරිනවට වඩා බේබිල රට කෑවත් මක්කෙයි ඉන්න ටික දො‍හේ සන්තෝසයක් අරන් ඉන්න ඇහැක් නං.

ස්වයං වින්දනයයි බ්ලොග් ලිවිල්ලයි

2010-06-04T04:42:00.000-07:00

අතින් සන්තෝසයක් ගන්න එකට කියන්නෙ ස්වයං වින්දනේ කියල පුලස්ති දැනගත්තෙ ඕලෙවල් කොරන කාලෙ.

සොයං වින්දනේ නියම ටොපික් එක.පුලස්ති දන්න තරමින් සීයෙට අනූඅටක් කොල්ලො අතේ තියෙන රසේ දන්නව.හිතේ හැටියට අතේ රසය ගන්න අය පොතේ පතේ දැනුම දෙන්න ඉස්සෙල්ල එක්ස්පීරියන්ස් වලින්ම තමයි මේ ගැන ඉගෙන ගන්නෙ.ගොඩක් වෙලාවට අහම්බෙන්.සිස්න බටය නිකම් අතපත ගගා ඉන්න කොට හෝස් එකෙන් වතුර විදින්න වගේ සුක්රානු පිට වෙන හින්ද පලවෙනි එක්ස්පීරියන්ස් එකෙන්ම බය වෙන සීන් එක ගොඩක් කොල්ලාස්ලාට පොදු සිද්දියක්.

නව යවුවන කාලෙ ජීවිතේ කොම්ප්ලිට් කොරන වියුහය තමයි සොයං වින්දනේ.කාමර වල දොරවල් අගුලු දාගෙන,තමන් කැමති මොකක් හරි රූපයක් දිහා බලාගෙන නැත්තං හිතෙං මවාගෙන මේ කරන වැඩේ තවුතිසා දිව්ය ලෝකයට සෙට් වුනා වගේ වැඩක්.සුරාන්තය තරම් එක්ස්ට්රීම් අවස්ථාවක් වෙනත් නැහැ.අපි එතකොට ඉන්නෙ මේ ලෝකෙ නෙමේ.අපි හිතින් මවා ගත්ත වෙනම ලෝකෙක.ජීවිතේට තොල් සූප්පු කොරන්න අතින් අල්ලන්න ලගට යන්න චාන්ස් එකක් නොලැබෙන නිලියක් ගායිකාවක් එක්ක තනිවෙන මොහොත මාර පැන්ටසියක්.

දැන් අයිඩියා එකක් නං අපිට වචන වලින් කියන්න ඇහැකි.

"මම ගෙදර යමි"

"මම නාන්න යමි"

"මම කොන්ඩෙ කහමි"

මේ වගේ "අදහස්" ඕනෙ තරං වචනෙට නගන්න ඇහැකි.ඒත් සොයං වින්දනේ එක්ස්ට්රීම් වෙන අවස්ථාවෙ සරීර‍යට දැනෙන "හැගීම" වචනෙට නගල විස්තර කරන්න පුලුවන්ද?

පුලුවන් කෙනෙක් ඉන්නව නං අත උස්සන්න.පුලාට නං බැහැ.අදහස් සහ හැගීම් අතර වෙනස තමයි ඕක.

සොයං වින්දනෙං නවයවුවන වයසෙ බුවෙක් එක්ස්පෙක්ට් කොරන්නෙ මොකක්ද?හීන ලෝකයක් මවාගෙන සතුටු වෙන්න.තමන්ගෙ තෘප්තිය සම්පූර්න කොරගන්න.තමං කැමති නිලිය,ගායිකාව,අල්ලපු ගෙදරක ඉන්න තරුන ගෑනු ලමය ( සමහර විට වයසක ගැහැනු ලමයා වෙන්නත් ඇහැකි ) එහෙම නැත්තං ඉස්කෝලෙක උගන්නන ගුරුවරියක් වගේ ඇත්ත ලෝකෙදි තමන්ට ස්පර්ස කොරන්න නොලැබෙන කෙනෙක් එක්ක පරිකල්පනය කොරපු ලෝකෙක සෙට් වෙලා ජීවිතේ සම්පූර්න කොරගන්න.ජිවිතේ තියෙන හිස්කම වහගන්න.මේක තමයි සොයං වින්දනේ යට තියන හරය.

පුලස්ති‍ගෙ තර්කෙ මේකයි.අපි කොරන අනිත් ගොඩක් දේවලුත් ඒ වගේ.

සයිබර් අවකාසෙ අපි බොලොග් අටවගන්නෙ ඇයි?අමුතු අමුතු නං දාගෙන වැඩ කිඩ පෙන්නන්නෙ ඇයි?

ලේසිම ආන්ස්වර් එක තමයි "කෙනෙක්"වෙන්න.

ඇත්ත ජිවිතෙන් නොලැබෙන ආතල් එකක් ගන්න.ජීවිතේ පූර්න කොරගන්න.

තමුන් කියන දේ කවුරු හරි එකෙක් අහගෙන ඉන්නවට කවුරු කවුරුත් ආසයි.

නිකමෙක් විදිහට ඉන්නවට වැඩිය කෙනෙක් වෙන්න කවුරු කවුරුත් ආසයි.

මුස්ලිම්කාරයොන්ට බඩ යන්න වචන ‍වලින් කෙලියම තමන්ට තෘප්තියක් ලැබෙනව කියල පෙරමුනෙ රාල හිතනව.ඇත්ත ‍ලෝකෙදි ගන්න බැරි ආතල් එක සයිබර් අවකාසෙ මනක්කල්පිත කලු ජූලි හදාගෙන පිටියෙ අප්පු ගන්නව.දෙමලට කුනු කතා කියල කසාපබ්බත බොස් වින්දනයක් ගද්දි තමන් රට බේර ගන්න ඉන්න වීරයා කියල හිතෙන් හිතාගෙන මිගාර දොස්තර බොස් වෙනම ෆන් එකක් ගන්නව.

ඒ ඉවුර වගෙම මේ ඉවුරත් එහෙමයි.

හතර අතේ තියෙන සබ්බ සකලමනාවටම පන්න පන්න ගහල ටැබූ තමන්ගෙ මනස තාප්තිමත් කොරගන්නව.මහින්ද රාජපක්ස කියන හතුරාව පතුරු ගහල ප්‍රජාතන්ත්‍රවාදය වෙනුවෙන් තමන් භූමිකාවක් රගපෑව කියල බියොන්ඩ් ප්‍රේම් වගේ ඈයො සන්තෝස වෙනව.දනපති ක්‍රමේට ලිපියක් ලියල කිංඩි කොරල විප්ලවේට තමුන් සේවයක් කොරා කියල ඩබ්ලියු ත්‍රී ලංකා රාමචන්ද්ර වගේ බුවාල මානසිකව සන්තෝස වෙනව.ෆන් එකක් ගන්නව.

තාක්සන ලිපි ලියන සමහර ඈයො කොහෙන් හරි කොපි පේස්ට් කොරගෙන ලිපියක් දාල ට්‍රයක් දෙන්නෙ පොරක් වෙන්න.ආගමික බොලොග් ලියන ඈ‍යො තමන් ලෝකයට දහම් පනිවිඩයක් දීල විසාල සේවයක් කොරා කියල තනියම සන්තෝසයක් ගන්නව.කාටවත් කරදරයක් හිරිහැරයක් නැතිව දොර වහගෙන තම තමන්නෙ මනෝ ලෝකවල "රජ" වෙනව.

එතකොට පුලස්ති කොරන්නෙ මොකක්ද?

රාජපක්ස ලොක්කව දිරවන්නෙ නැති හින්ද පුලස්ති උන්නැහෙට හතර අතේ කෙලිනව.ඇත්ත ලෝකෙදි රජතුමාව මූනට මාට්ටු උනොත් පුලා මොනව කරයිද?අනෙ අම්මෝ මොනව වෙයිද අයි ඩෝන්ට් නෝ වයි.රියැලිටි එකේදි කොරන්න බැරි දේවල් අපි අන්තර්ජාල අවකාසෙ කියන පැන්ටසි එක ඇතුලෙ වීරයො වගෙ කොරනව.ඒකෙන් සුරාන්තයට පත්වෙලා ජිවිතේ කොම්ප්ලීට් කොරගන්නව.

හරියට රියැලිටි එකේදී සංසර්ගය කොරන්න බැරි අයිස්වර්යා එක්ක ෆැන්ටසි එකේදි රමනය කොරල සතුටු වෙන අවුරුදු දාසයේ කොල්ලෙක් වගේ.

ඉතිං මිත්රවරුනි බොලොග් ලිවිල්ලයි සොයං වින්දනෙයි එක වගේ නෙවෙයිද?

මේ දෙකෙන්ම කෙරෙන්නෙ එකම කාර්ය භාරය නෙවෙයිද?

අලුත් නිදහස දෙමල ඉරනම ජවිපෙ ගියර් මාරු කිරීම - මාතාකා තුනක් එකම ලිපියක ( 3 in 1 )

2010-06-02T14:36:00.000-07:00

යුද්ද කාලෙදි ටීවි එකෙන් යුද්දය බැලුව.යුද්දෙට පස්සෙ කිරිබත් කෑව.ඊට පස්සෙ ආතල් එකක් ගන්න යාපනේ ගියා.ගිහින් පොටෝ ගැහුව.ආපහු ගෙදර ඇවිත් පොටෝ ටික ඇල්බම් වල ඇලෙව්ව.
අපේ බුවාලගෙ ආතල් එක ඔච්චරයි.

යුද්ධයේ ගින්න ඇවිලිලා ඇවිලිලා යද්දී අතට අහුවුන දෙයක් අරගෙන පෝලිම් ගැහිල ෂෙල් වෙඩි මැද්දෙ අනාථ කදවුරු වෙත ආව දාස් ගනන් දෙමල මිනිස්සු දැක්කම කදුලක් ඉනුවෙ නැති ඇස් දෙකක් මොකටද?
ජීවිත කාලයක් තිස්සෙ රැකබලා ගත්ත දේවල් වලට කෙල වෙලා තමන්ගෙ ලගම නෑයොන්ගෙ ජීවිත අත් පා සරීර නැතිවෙලා ජීවිතයක් අනාගතයක් නැතිව සරනාගත කදවුරු වල ගාල් උන දාස් ගනන් මිනිස්සු දැක්කම හුස්මක් නොනැගුනු හදවතක් මොකටද?
හැබැයි දකුනේ ඇස් කීයක ඇත්තටම ඒ වගේ කදුලු පිරුනද?දකුනේ හදවත් කියක ඒ වගේ සුසුම් නැගුනද?

මිත්තරවරුනි පුලස්ති කවියෙක් වෙන්න යනවද කියල හිතන්න එපා.ලගදී යාල්පානම් ගොහින් ආපු පුලාගේ සගයෙක් උතුරේ රියැලිටිය පුලාගේ මවිල් කෙලින් වෙන විදිහට විග්රහ කොලා.හැමදේම සුන්නද්ධූලි වෙලා තියෙන හැටි.යලි පදිංචි කොරනව කියල තහඩු කෑලි කීපයක් දීල පාරවල් දෙපැත්තෙ මිනිස්සු බල්ලො වගේ දාල තියෙන හැටි.මිනිස්සු හිගන්නො වගේ දකුනෙන් එන සංචාරක බුවාලට මොනා හරි දෙයක් විකුනගන්න ගිනි අවුවෙ වේලෙන හැටි.ඒව නොදැක්ක ගානට දකුනෙන් ට්‍රිප් යන බුවාල ෆන් රසය බිබී සන්ග්ලාස් වලින් සැරසී සැප ගන්න හැටි.පොටෝ ගන්න හැටි.
යාපනේ දහම් අමාවක් ගන්න හමුදාවටයි සංචාරකයන්ටයි තියෙන අයිතිය ගැන උගුර බැරෑඩි කොරගන්න බුවාල ජීවිත කාලකන්නි වෙලා තියෙන මේ පහල පැලැන්තියෙ බුවාලගෙ අයිතීන් ගැන ආසාවකට කතාකොරන්නෙ නැත්තෙ මොන හේතුවටද?
මේක අසංවේදීකමද?වර්ගවාදයද?
නැත්තං ඒ දෙකමද?

වස්සාන සිහිනයේ කතාව ගැන කටපාඩමින් දන්න අපෙ බුවාල කී දෙනෙක් ද්වාරකාගේ කතාව ගැන දන්නවද දන්නෙ නැහැ.ද්වාරකා කියන්නෙ පේරාදෙනිය කැම්පස් එකේ ඉගෙන ගත්ත දෙමල සිස්යාවක්.ගම පුලාගෙ මතකෙ හැටියට කිලිනොච්චියෙ.මෙයාව යුද්දෙ අහවර උනාට පස්සෙ අත්අඩංගුවට ගන්නව.කිලිනොච්චිය ඉන්න කාලෙ කොටි එක්ක සම්බන්දකම් තිබ්බ කියන එක තමයි චෝදනාව.
අස්සට ගත්ත මේ තරුන සිස්යාව තවම ඇතුලෙ.
යුද්ද කාලෙ තිබ්බ වටපිටාව හින්ද අකමැත්තෙන් සමහරවිට කැමැත්තෙන් උනත් උතුරේ කෙනෙක් කොටි එක්ක ෆයිට් එකට සෙට් වෙන එක පුදුමයක් නෙමෙයි.ඒක දකුනෙ කෙනෙක් හමුදාව එක්ක සෙට් වෙනවට වැඩි වෙනසක් නැහැ.ඒත් යුද්දෙ ඉවර උන කාලෙක මේ සාමාන්‍ය මිනිස්සු පස්සෙ පන්න පන්න ඒ අයව හිර කොරන එක කොච්චර හරිද කියල පුලා කල්පනා කොරනව.දේසපාලන හේතු උඩ හිරේට අරගෙන තාම චෝදනාවක්වත් හරියට ගොනු කොරන්නෙ නැතිව රැදවුම් බාරයෙ ඉන්න දහස් ගනන් දෙමල තරුනයො ඉන්නව කියල පුලස්ති නිව්ස් අයිටම් එකක් දැක්ක.වැලිකඩ හිරගෙදර සෙල්ලපිල්ලෙයි මහේන්ද්‍රන් කියල එක අවුරදු 33ක තරුනයෙක් අවුරුදු දාහතක් මේ විදිහට චෝදනාවක් නැතිව නඩු විභාගයක් නැතිව හදිසි නීතිය ඇතුලෙ හිරේ ඉන්නව කියල නිව්ස් එකක් දැක්කම පුලා හොල්මං උනා.
චෝදනාවක්වත් නැතිව අවුරුදු දාහතක් හිරගෙදරක ඉන්න එක!ලෝකයට අවුරුදු දාහතක් අන්දකාරෙ ඉන්න මේ මනුස්සයා එක මනුස්සයෙක් විතරක් වෙන්න පුලුවන්.ඒත් ඒ මනුස්සයට ඒ අවුරුදු දාහත කියන්නෙ මුලු ලෝකෙම නේද?මුලු තරුන කාලෙම නේද?

යුද්ද කාලෙදි දෙමල මිනිස්සු දෙවර්ගයක් රටින් පිටවෙලා ගියා.යමක් කමක් ඇති ඈයො යුරෙොපෙට.යමක් කමක් නැති ඈයො ඉන්දියාවට.තමිල්නාඩුවට ගිය දාස් ගනන් ඒ වගේ දෙමල මිනිස්සු තාම තමිල්නාඩුවේ සරනාගතයො විදිහට ඉන්නව.යුද්දෙ ඉවර වෙලා දැන් අවුරුද්දක්.මේ මිනිස්සු මිනිස්සු නෙමේ මිනිස් දූවිලි ගානට දාල.එයාල ලංකාවෙත් සිටිසන් නෙමේ.ඉන්දියාවෙත් සිටිසන් නෙමේ.රටක් නැති මිනිස්සු කියන්නෙ මිනිස් දූවිලි නේද?
මනිරත්නම් ලොක්ක මේ මිනිස්සුන්ගෙ ජීවිත ගැන චිත්තරපටියක් කාලෙකට උඩදි හදල තියෙනව කියල පුලස්ති අහල තියෙනව.

පුලා අහන්නෙ මෙච්චරයි.එක බල්ලෙක් මේ ගැන කතා නොකරන්නෙ මක්කෙයි?
මානුසික හදවත් උනුකරන නිව්ස් විකුනන සුවර්නවාහිනියේ කැමරාව ආසාවට මේ මිනිස්සුන්ගෙ පුරස්න දිහා දික්වෙන් නැත්තෙ මක්කෙයි?කොහෙ හරි පාරක් බෝක්කුවක් කැඩුන එක ගැන ඩොකියුමෙන්ට්රි කොරන සිරස විමර්සන අවධානෙ මේ අන්ධකාර ජීවිත ගැන කතානොකරන්නෙ මක්කෙයි?

ජවිපෙ රෙඩ් කොම්රේඩ්ලා ගියර් එක මාරු කොරල ස්ටියරිං එක වෙන පැත්තකට හරෝල තියෙන්නෙ මේ අතර.
ඉන්දියාවෙ සරනාගත පුරස්නෙ ගැන ගිය පාර්ලිමේන්තුවේ විසේස කමිටුවක් දාන්න බිමල් රත්නායක බොසුයි රාමලිංගම් චන්දරසේකරන් බොසුයි යෝජනා කොරල වැඩ කොරල තිබ්බා.
( හැබැයි අපේ කෙලෙහිගුන දන්න ජනතාව එයාලගෙ අදෝමුඛයට ගහල අයින් කොරල මුතුහෙට්ටියා මරුවියා වගේ බුවාල පත්කොරගෙන තිබුන චන්දෙදි.නිකම් නෙවි.ලක්ස ගානක් මනාප දීල.සුබ අනාගතයක්!)
ද්වාරකා ගැනයි අනිත් රැදවුම් භාරයේ ඉන්න දෙමල තරුනයො ගැනයි ලොකු කැම්පේන් එකක් අන්තර් විස්ස විද්දියාල සිස්යබල මන්ඩලෙන් කොරනව පුලා නිව්ස් වලට දැක්ක.විස්ස විද්දියාල අස්සෙ රැග් කොරල මානසික රෝගීන් සක්කිලි ආතල් ගන්න වැඩේ අන්තරේ ඩිෆෙන්ඩ් කරන එකට පුලා ෆුල් එගේන්ස්ට් වුනත් මේ වැඩේට නං පුලස්තිගෙ සම්පූර්න සැලියුට් එක.
මේ අලකලංචි මැද රාමලිංගම් බොස් පහුගිය දාක කොලඹදි අතුරුදහන් උන දෙමල කොල්ලොන්ගෙ අම්මලා තාත්තලා හම්බෙලා ඒ අයගේ පුරස්න ගැන කතාකොරල තියෙනව.මේ අම්මලා තාත්තලා ආරංචියක් නැති තමන්නෙ පුතාලගෙ පින්තූර උස්සගෙන අඩා වැලපෙන හැටි දැක්කම පුලාට එකපාරට මතක් උනේ භීසන කාලෙ.එදා සිංහල අම්මලාගේ විලාපයයි මෙදා මේ දෙමල අම්මලාගෙ විලාපයයි ගත්තම තියෙන වෙනස මොකක්ද?
මේ උදවිය හම්බුනාය කියල රාමලිංගම් බොස්ව හමුදාවෙන් පුරස්න කොරලත් තිබ්බ.මහරජතුමා යුද්දෙට පස්සෙ ජාතිබේද සුද්ද කොරන්න යන හැටි නියමයි.දුකට පත් වුන ඈයොන්ගේ පුරස්න ගැන කතාකොරන උදවියගෙන් පුරස්න කොරනව.යාපනේ සොහොන් බිම් බුල්ඩෝසර් කොරල ඒවයෙ සුපර්මාකට් ගහන්න පැලෑන් කොරනව.ප්‍රබාකරන්ගේ ගෙදර සමතලා කලාම යාපනේ බලෙන් වෙසක් එකක් සැමරුවාම ජාතිබේද සමනය වෙලා නිකම්ම උතුර දකුන යාවෙයි කියල වෙන්නැති මේ උදවිය හිතාගෙන ඇත්තෙ.නීති උපාධියයි සාහිත්‍යය උපාධියයි වෙනුවට මුන්නැහෙලට සාමාන්‍ය දැනීම උපාදියක් දුන්න නං අඩුම තරමින් මීට වැඩිය මැචුවර්ඩ් විදිහකට කල්පනා කොරල බලන්නවත් මුන්දැලා යොමු වෙයි කියලය පුලා හිතන්නෙ.

තමිල්සෙල්වම්ගෙ ඔලුවට බෝම්බ වැටෙන එක ගැන තලු මර මර කතාකොරපු දෙමල මිනිස්සුන්ගෙ පුරස්න ගැන කෙල බිංදුවක් නොහෙලපු වීරවංසලා කොමාන්ඩ් කොරපු ජවිපෙ ගියර් මාරු කරපු එකට මොනව වුනත් පුලා මනාපයි.ද්වාරකාගේ පුරස්නෙ වගේ පුරස්න ගැන හරි විස්තරයක් පුලස්ති දැනගත්තෙත් උන්දැලාගෙ කැම්පේන් එක හින්ද.අඩුම තරමින් දෙමල චන්ද වැඩිපුර ගන්න අලියත් මේ වංගියෙ කට බලියගෙන අස්සෙ පුරස්න හදාගෙන නලිය නලිය ඉන්නව මිස මේ ගැන නෝ කතා නෝ සිනා.
මේ දෙමල අයගෙ පුරස්න ගැන අපිත් ඇහැක් විදිහකට මක්ක හරි කොරන්න ඕනෙය කියලයි පුලා කියන්නෙ.බොලොග් එකට පෝස්ට් එකක් දාල මේ වෙලාවෙ පුලාට කොරන්න පුලුවන් දේ පුලා කොරා.
තමුන්නැහෙලත් පුලු පුලුවන් විදිහට මොන මොනව හරි කොරන්න බැලුවොත් නේද හොද?

නෝ ෆ්‍රේම්ස් - කලබල නොවන්න.උඩ නොපනින්න.මෙත් සිත් වඩන්න.මෙන්න සැදැහැවතාට උත්තර

2010-05-31T13:05:00.000-07:00

ඇත්තටම තද වෙලා තියෙන්නෙ නෝ ෆ්‍රේම්ස්ටද මිගාරටද කියල පුලස්තිට තාම හරියට නිච්චි නැහැ.පුලාට කෙලෝල ලියපු උඩ තියන රචනාවෙ කත්රුගෙ නම නෝ ප්‍රේම්ගේ උනාට පුදුමෙකට වගේ එලියට එන්නෙ අපේ ආදරබර මිගාර දොස්තර බොස්ගෙ කටහඩ.එහෙම නැතිව පරන තරහ තියාගෙන බනින බජාර් සගයෙක් වගේ පුලා මීට කාලෙකට උඩදි දාපු පෝස්ට් එකක් ගැන මිගාර බොස්ට පුලා එක්ක තියෙන ඇරියස් එකක්,තමන්ගේ පෝස්ට් එකකින් ඇරගන්න නෝ ප්‍රේම්ට මඤ්ඤංය?
එහෙම නෙමෙයි නං මිගාරයි නෝ ප්‍රෙමුයි කියන්නෙ දොස්තර ජෙකිලුයි මිස්තර හයිඩුයි වගේ එකෙක්මද?
දෙයියො දනී පුලා නොදනී.

( අතුරු කතා - මිගාර බොස්ට දෙන්න හැබැයි පනිවිඩයක් තියනව.දැන් හිංගල අලුත් අවුරුද්දත් අහවර උන එකේ ඔය පරන ඇරියස් අමතක කරල සන්සුන් වෙන්න.ඒ බොලොග් ලියවිල්ල උනත් මම බොස් ගැන තරහෙන් ලිවුව එකක් නෙමෙයි අපි දෙන්නගෙ සමානකම් ගැන ගෞරවෙන් ලියපු එකක් නෙ.ඒ හින්ද හිත නරක් කරගන්න එපා කොල්ලො ඔච්චර:D )

මගේ පරන ලියවිල්ලෙ යට කොමෙන්ටුවක් දාන පෙරමුනේ රාල "මෙන්න ඔයාට උත්තර" කියල නෝ ප්‍රේම්ගේ ලිපියෙ ලින්ක් එක දාල තිබ්බ.මේ සැදැහැවතුන් ඇත්තටම පුලස්තිගෙ උත්තරයක් බලාපොරොත්තු වෙනව ඇති නෙව.මේ විජ්වතුන්ගේ ගානට පුලාවත් වැටෙන එක ගැන මොනා නැතත් මාර ආතල්.ඒ ආතල් එක තියාගෙන ඔන්න පුලස්තිත් දෙන්නං උත්තර.

පුලා ගිය පාර ලියුම ලියුවෙ ඇයි?
ලංකා 1 බොලොග් එකක් අටෝගෙන උන්නැහෙගෙ ආගම ගැන ලිය ලිය හිටිය.ත්‍රිපිටකේටත් කිංඩි දැම්ම.ඒකට රෙස්පොන්ස් විදිහට ලංකා 1ට නෙමේ මුලු මුස්ලිම් සංහතියටම මරාගෙන මැරෙන මයිල් කෙලින් කරවන බොලොග් අවකාසෙ කලඹවන කලඹලා ආයෙ ආයෙ හොල්ලන විදිහෙ ප්‍රහාරයක් පෙරමුනේ රාලගේ අටුවාවෙන් කරන්න ගත්තා.මේ ප්‍රහාරෙට ලංකා 1 විතරක් නෙවි බුද්දාගමේ සමහර දේවල් පුරස්න කොරපු ( කිරිබත්ගොඩ ඥානානන්ද සුවාමීන් වහන්සේ ) ඇටමැස්සා,බියොන්ඩ් ෆ්‍රේම් විතරක් නෙවි,ඉතිහාසය ගැන අලුත් විදිහකට ලියපු පිටස්තරයා 2,විතරක් නෙවි තමන් සිවුරෙ ඉද්දි ලබපු ඇත්ත අත්දැකීම් ලබපු තරිදු කොල්ලා පවා අහුවුනා.
( සැප බඩු ගහන කොල්ලා - දොස්තර ජෙකිල්ටයි මිස්තර හයිඩ්ටයි මාර ලිංගික ඊරිසියාවක් නෙව බුදු අප්පචිච්යේ තියෙන්නෙ )
මේ ප්‍රහාරෙ මොන වගේ ප්‍රහාරයක්ද?බොලොග් අවකාසේ ධූවිලි ඇවිස්සුනා කිව්වෙ නිකං නෙමෙයි.බොලොග් අවකාසේ කැලඹෙනව කිව්වෙ නිකං නෙමෙයි.
උපුටන දෙකක් විතරක් දෙඤ්ඤං.

We can’t give development to the unarmed terrorists in the Country who are trying to seize this country by overpopulating themselves to become majority.
අපිට අවශ්‍යයි අළුත් කලු ජූලියක් , මේ තුප්පහි නීච පහත් ඉස්ලාමය ලංකාවෙන් අතුගාල දාන්න ඒක ලොකු උදව්වක් වේවී.

මේ පිටියෙ අප්පු නමින් කමෙන්ට් දාන උන්නැහෙ (රාලගෙ අටුවාව කියන එකේ සම කත්රු ) පල කරල තිවුන කොමෙන්ටු දෙකක්.

එකකින් මේ රටේ ඉන්න ලක්ෂ ගානක් මුස්ලිම් මිනිස්සු "ආයුද නැති ත්‍රස්තවාදින්" කියල හංවඩු ගහනව.අනෙකෙන් කලු ජූලියක් ඇති කරල ඒ තුප්පහි නීච ජාතිය ලංකාවෙන් අතුගාල දාන්න ඕනෙ කියනව.
බෞද්දයෙක්ට තියා හොද සිහියෙන් ඉන්න මෙලෝ බුවෙක්ට කියන්න පුලුවන් කතාවක් නෙවි මේක කියන එක ක්ලියර් නේද?ආගමික පිස්සුවකින් පරල වෙලා අනිත් වර්ගය සමූලඝාතනය කරන්න විනාස කොරන්න යෝජනා කොරන මේ වීරයන්ට පොඩි දෙයක් විතරක් මතක් කොරල දෙන්නයි පුලාට ඕනෙ උනේ.උන්නැහෙලා උඩ දාන ආගමෙත් ඇද කුද තියනව.ඉස්ලාමය වැරදි කියල ඒක සමූලඝාතනය කොරන්න ප්‍රපෝස් කොරන ඇත්තොන්ට තමන්ගේ ඇදෙත් පෙන්නුවම තමයි පුලා හිතන විදිහට වැඩේ හරි.ආගම් යුද්ද වල බොල් ගතිය හෙලිකරන්න පුලුවනිත් එතකොට තමයි.

පෙරමුනේ රාලලා මරාගෙන මැරෙන්න එන බුද්දාගමේ අවුල් තැන් කීපයක් පෙන්නන්න පුලස්ති ට්‍රයි කොරේ මේ හින්ද.පෙන්නනවනං මීට වඩා තැන් හෑව්.ඒත් මේ සදහනක් විතරයි.මෙන්න මෙතනදී පෙරමුනේ රාලලා ඩිෆෙන්සිව් වෙනව.අපි ආගම කියන්නෙ ත්‍රිපිටකේට විතරයි කියනව.ඒවයේ පූජකවරු අනුගාමිකයො සැදැහැවත්තු කොරන දේවල් ආගම නෙමෙයි කියල බැක්ෆුට් ඩිෆෙන්ස් එකක් ගහනව.ආගම කියන්නෙ පොත විතරයි නං බියොන්ඩ් ප්‍රේම්ගේ බොලොග් එකේ කමෙන්ටු වල කිරිස්තියානි පූජකයො පූජා තියන්න ගිහින් මැරුන බවලත්තු ගැන ලියුවේ මොකටෙයි?
මේ ඒ වගේ කොමෙන්ටුවක්-

//ඇට නැති මැස්සා යාඥා මධ්‍යස්ථාන වල මිනිසුන් මැරෙන විට සිටියේ කටත් පුකත් දෙකම වසා ගෙනයි. ඒ මරඛ වලට පාදිලියා වග කියන්න ඕන නැතුව ඇති!//
( මේ කමෙන්ටුව දාල තිබ්බෙ හෝමෝ සේපියන් නමින් උනාට බාසාව කාගෙද කියල පැහැදිලි නෙව.භිසන කාලෙ වගේ.කොල බලල්ලු කහ බලල්ලු ප්‍රා ඝ්‍රා නං ගොඩයි.හැබැයි ගේම දෙන්නෙ එකම සෙට් එක )

පුලස්තිගේ නිර්වචනේ පුලුල්.ආගම කියන්නෙ පොත විතරක් නෙවි.පෙරමුනේ රාල ආගම = පොත කියල බැක්වර්ඩ් යන්නෙ එහෙම නැතිඋනොත් ආගමික පූජකයන්,ආගමික සංස්ථා කොරපු වැරදි වැඩ තියෙනව ඒව පිලිගන්න වෙනව ඒක තමුන්ට අවාසියි කියල හිත ඇතුලෙන් දන්න හින්ද.මේක තව ඉස්සරහට ගෙනියමු.හිට්ලර් ගොයිය ලිව්ව මයින් කාම්ෆ් කියල පොතක් 1920 ගනන්වල.මේක තමයි නාසි බුවාලගේ මූලධර්මය.ඒක උඩ වැඩ කරපු පොරවල් තමයි මිලියන ගානක් යුදෙව්වො ගෑස් කොරේ.(පිටියෙ රාලට මුස්ලිමුන්ට කොරන්න ඕනෙ කොරල තියෙන්නෙත් ඒ වගේ එකක් නෙව )
මේක පෙන්නල නාසිවාදය වැරදි කොරල තියෙනව කියල කවුරුහරි කීවම තව ලොක්කෙක්ට කියන්න පුලුවන් අනේ නැහැ නාසිවාදෙ කියන්නෙ මයින් කාම්ෆ් පොත ඒකෙ ඔය ගෑස් කොරන කතා නැහැ ඒව කොරේ අනුගාමිකයො දර්සනේට මුකුත් කියන්න එපා කියල.ආතල් තර්කෙ නේද?නැහැ.නාසිවාදෙ කියන්නෙ පොතටයි පතටයි ඒව ඔලු උඩ තියාගෙන වැඩ කොරපු සියලු සතටයි සේරටම.ආගමත් එහෙමයි.

බුද්දාගම කියන සංස්ථාව වැරදි කොරේ නැද්ද එතකොට?කරන්නැද්ද එතකොට?කරනව.මේකයි පුලාගෙ ආගියුමන්ට් එක.අනිත් එකාගෙ මල්ලෙ ලුනු ගැන කතාකරන්න නං අපි සුද්ද වෙන්න ඕනෙ.ඒත් අපි කවුරුත් සුද්ද නැහැ.කාගෙ කාගෙත් කිල්ලෝටවල හුනු.එහෙම තියාගෙන අනිත් උන් හාස්‍යයට ලක්කරල බැහැර කරන්න ඕනෙ,උන් තුප්පහියො නින්දිතයො කලු ජූලියකින් උන්ව අතු ගාල දාන්න ඕනෙ කියල කියන එක බොලේ බොල් වැඩක්.

ඒ ආගියුමන්ට් එක උඩ පුරස්න හයක් විතරක් පුලා ලිව්ව.කලින් කිව්ව වගේ දානව නං තව පුරස්න හෑව්.ඒත් මේ හය දැම්මෙ ආගම් වෛරයෙන් අන්ධ වෙලා ඉන්න බුවාලගේ ඇහැට ඇනල තමනුත් හෙලුවෙන් කියල පෙන්නන්න.
ඒකට නෝ ෆ්‍රේම්ස් දෙන උත්තර වලට ලොකු ප්රති උත්තර දෙන්න ඕනෙ කමක් නැහැ.කෙටි උත්තර ටිකක් දෙඤ්ඤං.

1.ආන්ඩුව දහදෙනෙක්ගෙන් නමදෙනෙක් හින්දු / කතොලික යාපනේ තකහනියක් මහ විසාලෙට දහම් අමාවක් හමුදාව යොදෝල ගන්නව.මේව ආගමෙන් අන්ද වුන පිස්සො ටිකක් දකින විදිහ නෙමෙයි ඒ පැතිවල මිනිස්සු දකින විදිහයි වැඩිය වැදගත්.බෞද්ධයො සීයට අනූවක් අනූපහක් ඉන්න ගමක ආන්ඩුව මහා පරිමාන විදිහට ඉන්වෙස්ට් කොරල හමුදාව දාල නත්තල් උත්සව දානකොට ගමේ මිනිස්සුන්ට ආතල්ද?තමන්ගේ ගම්බිම්බවලට බෝම්බ දාපු හමුදාවක් විදිහටයි හමුදාව ගැන සාමාන්‍ය දෙමල මිනිහ හිතන්නෙ හරි හෝ වැරදි.එහෙම වෙලාවක ආන්ඩුව බලහත්කාරයෙන් මෙහෙම වැඩ කොරන කොට ඒව ඒ මිනිස්සුන්ට දැනෙන්නෙ ආක්‍රමන විදිහට තමයි.මේව කොරන්නෙත් තමන්ගේ හයිකාරකම පෙන්නන්න තමයි.

2.ලංකා 1 බොලොග් එක ත්‍රපිටකේ පුරස්න කරද්දි ඒක කොරපු විදිහක් තිබ්බ නෙව.බුද්දාගමේ උන් මී හරක්,උන් ත්‍රස්තවාදීන්,උන්ට කෙලවන්න ඕනෙ,කලු ජූලියකින් බුදි කරවන්න ඕනෙ වගේ ටෝක් එතන තිබ්බෙ නැහැ.ලංකා 1 පුරස්න ටික මොන්ටිසෝරි පුරස්න ටිකක්.හැබැයි මොන්ටිසෝරි පුරස්න ටික සංයමේ තියාගෙන අහල තිබ්බ.
ඒකට පෙරමුනේ රාලලා රිඇක්ට් කොරපු හැටි කොයිතරම් හරිද?උත්තර දෙන්න ඕනෙ නං උත්තර දෙන්න ඕනෙ ක්‍රමයක් තියනව.අනෙකා කොන කැපූ එකා අන්ආම්ඩ් ටෙරරිස්ට් කලු ජූලියකින් බුදි කරවන්න ඕනෙ කෙනෙක් කියල රිටර්න් දෙන එක ෆුල් සාටර්.බජාර් එකේදි වුනත් ගේම දෙන්නෙ ගේම ඉල්ලන එකාට.හෙල උරුමෙට බයිබලේ පුරස්න කොරන්න පුලුවන් නං මොන්ටිසෝරි තාලෙට හරි කමක් නැහැ වෙන එකෙක්ටත් ත්‍රිපිටකේ පුරස්න කොරන්න පුලුවන්.

3-තුන්වෙනි පුරස්නෙ සෝමාවති සිද්දිය ගැනය.කිරිස්තියානි දර්මේ අවුල් ගැන දිවඉනටයි රාලගෙ කල්ලියටයි ටෝක් දෙන්න ඇහැක් නං බුද්දාගමේ නමින් වෙන අවුල් ගැන බියොන්ඩ් ෆ්‍රේමට හරි ඇටමැස්සට හරි කතාකරන්න බැරිද කියල ඇහුවම නෝ ප්‍රේම් දෙන උත්තරේ රාලගෙ අටුවාවෙ ඒව ගැන කතාකොරල නැති බවයි.පුලා ලිව්වෙ රාලගෙ අටුවාව ගැන සාහිත්තිය විචාරයක් නෙවි.රාලලාගෙ කල්ලිය අරගෙන යන ආගමික යුද්ධය ගැන.රාලලගේ කල්ලියෙ පොරක් හෝමෝ සේපියන් නමෙන් බියොන්ඩ් ප්‍රේම්ගේ අඩවියේ කිරිස්තියානි මරන ගැන අහල තිබ්බ.මේ වගේ පුරස්න වලට වෙලාව වියදං කොරන එක පුලස්තිට කම්මැලි වැඩක්.එත් පවු නෙව.විජ්වතුන්ගෙ පුරස්න වලට ගෞරවේ තියන්න එපැය.

4-බුද්දාගම ව්‍යාප්තියේදි හිංසනය යොදාගත්තද නැද්ද?අනිත් ආගම් එක්ක බලද්දි අඩුයි කියන එකට පුලා සර්වාංගයෙන් එකගයි.ඒත් ඇත්තෙම නැද්ද?
ගෝඨාභය රජතුමාගේ කාලේ පිටේ හන ගහල මහායනික හාමුදුරුවරු බැනිෂ් කොරේ නැද්ද?අවුරුදු ගානක් තිබ්බ මහායානේ මේ ඉන්සිඩන්ට් එකෙන් පස්සෙ බිංදුවට වැටුන.ඉතිරි බිතිරි ටිකක් විතරයි ඉතිරි වුනෙ.ගිරි කියන නිගන්ටයගෙ සිද්දස්තානෙ කුඩු කරල අභයගිරිය හැදුවෙ.ඉන් රිටර්න් ගේමක් දෙන්න සංඝමිත්තර හාමුදුරුවො මහාවිහාරෙ කුඩු කලා.බිසවක් වහ දීල සංඝමිත්තර මැරුව.අබයගිරිවාදී මහසෙන්ට විරුද්දව ආගම වෙනුවෙන් මේගවර්න කැරලි ගහනව.දුටුගැමුනු යුද්ද කලේ සාසනය උදෙසා කියන්නෙ පුලස්ති නෙමේ මහාවංසෙ.ලේ හැලුන්නැද්ද?මිනී මැරුන්නැද්ද?දුටුගැමුනු මැරුවෙ මිනිස්සු එකහමාරයි කියල මහනාම හාමුදුරුවො ලිව්වෙ මැරුන අනිත් උන් දෙමල හින්දනෙ.
මේ සබ්ජෙක්ට් එකේදි බුද්දාගම = ඉස්ලාම් හරි කිරිස්තියානි හරි කියල කියන්න පුලා අන්තෙකට යන්නෙ නැහැ.ඒත් බුද්දාගමේ ඉතිහාසයෙත් කලු මාක්ස් හෑව්.නැතෙයි කියන්න බැහැ.
ඉතිහාසෙ මක්ක උනත් දැන් ඉන්න සමහර සැදැහැවත්තු පල්ලිවලට කෙලින එක,බෝම්බ ගහන එක ගැන නං හැබැයි ඕනෙ තරං කතාකොරන්න පුලුවං.සර්දාවෙන් උමතු වුන මුස්ලිම්කාරයෝ පිටරටවලදී අපරාධ කලා වගේ තමයි සර්දාවෙන් උමතු වෙලා පල්ලි වලට කෙලින,සිරසට මහ දවල් ගල් ගහන,සාරුක්ට බෝම්බ ගහන මේ සැදැහැවත්තුත් එක ඇවරියෙ කෙහෙල්.

5-පස්වෙනි පුරස්නෙ ඇහුවෙ බුද්දාගමෙ තියන ආතල් මිත්‍යාවක් ගැන.විද්යාව පාවිච්චි කොරල තමන්ගෙ ආගම හරි කියන්න හදන එක ඉස්ලාම්කාරයොත් කරනව.බුද්දාගමේ ඈයොත් කරනව.
(නව යුගයේ ආගම විද්යාවයි කියල දෙගොල්ලම මේ හින්ද පිලිත්ගන්නව)
දෙවිවරුන්ගෙ නායක සක්‍රයා ගැන පෙරමුනේ රාලගේ අටුවාවෙම මොකක්දෝ බයිලයක් තියනව පුලස්ති දැක්ක.මේ වගේ මිත්‍යා හැම ආගමේම තියනව.ඉස්ලාමයෙත් තියනව.බුද්දාගමෙත් තියනව.පැරරල් වර්ල්ඩ් ගැන නොදන්න බයිලයක් ගහන්න ගියාට වැඩේ අවුල් කියල නෝ ෆ්‍රේම්සුත් දන්නව.වයිඩ් බෝල්.ඒකට අපි යන්න අරිමු.

6-ඊලග පුරස්නෙ ආගම්වල ලමා අයිතින් ගැන.

//දරුවකුගේ ආගමික නිදහස අහිමි කිරීම කෙතරම් සාධාරණද? නමුත් ඉස්ලාම් යනු අන්ත අසාධාරණ ආගමක් හෙයින් මේ ප්‍රශ්න ඔවුන්ට පැන නොනගී. දෑස් හැර බලන්න, ඔබට ඉස්ලාම් ආගම අතහැරීමට මේ කාලයයි.//

නෝ ප්‍රේම් තමන්ගේ පරන ලිපියක මෙහෙම අහද්දි ඇහේ කදුලු එනව.ඉස්ලාමයේ ආගම් අයිතිය නැති කොරන හින්ද මුස්ලිම්කාරයොන්ට ප්‍රපෝසල් එක ආගම අතහරින්න.දරුවන්ගේ ආගමික අයිතිය නැති කරන්නෙ ඉස්ලාමයේ විතරයි වගෙ කියල හිතාගෙන ඉන්න හින්ද තමයි පොඩි කාලේ හය හතර නොදන්න බටු ඇට මහන කොරන එක ගැන පුලා ලියුවෙ.
දාසයට අඩු පොඩි උන් මහන කොරන එක වැරදියි කියල ඒ පාර පුලාට උත්තර දෙන නෝ ෆ්‍රෙම් උන්නැහේම කියනව.එතකොට වැරදි දෙයක් බුද්ද සාසනේ වෙනව කියල නෝ ප්‍රේම් පිලිගන්නව නෙව.ඉස්ලාමයේ ලමුන්ට වැරදි දෙයක් වෙන හින්ද ඉස්ලාම් කාරයොන්ට ආගම අතහරින්න කියල කියන නෝ ප්‍රේම් දැන් ඒ කටින්ම බුද්ද සාසනෙත් වැරදි දෙයක් වෙන හින්ද බුද්දාගම අත්අරින්න කියල කියමුද බලන්න?

තමුන්නෙ එක විතරයි හරි අනිත් උන් හාස්‍යයට ලක්කරල බොම්බාර්ඩ් කරන්න ඕනෙ මිලේච්ඡයො කියල හිතාගෙන ඉන්න එක තමයි ලොකුම මිලේච්ඡකම.පෙරමුනේ රාලයි ගෝලයො රොත්තයි පතුරන මේ ආගම්වාදෙ පුරස්න කොරන එකයි පුලස්තිට කොරන්න අවස්ය උනේ.ජාති පුරස්නෙකින් මේ රට අවුරුදු 30ක් ලේ හැලුව.ඒක අහවර උන ගමන් කොන කපපු එවුන් සුද්ද කරන කලු ජූලි පටන් ගන්න කෙකර ගාද්දි මේ රටේ මිනිස්සුන්ට ආදරයක් තියෙන කොල්ලෙක් විදිහට පුලස්තිටත් සයිලනස් එකේ ඉන්න අමාරුයි.
ඇත්ත දේසප්‍රේමය කියන්නෙ අනිත් එවුන් කැතිගාන්න ටෝක් කරන එක නෙමෙයි සාමය ගැන කොරන්න පුලුවන් මොනා හරි කොරන එක කියලයි පුලස්ති බොක්කෙන්ම හිතන්නෙ.

පලි-
කසාපබ්බතගෙ බොලොග් එකේ එස්එල් කියල නමකින් ෆොන්සේකගෙ නඩුවක් ගැන දාපු කොමෙන්ටුවක් ගැන නෝ ෆ්‍රේම්ට ලොකු කැසිල්ලක් තියෙන නිසා ඒ කැසිල්ලටත් බෙහෙතක් දෙන්න පුලා ට්‍රයක් දෙඤ්ඤං.
පෙඩ්රිකා ජෑන්ස්ට විරුද්දව ෆොන්සේකා නඩු දාන්නෙ නැත්තෙ ඇයි කියල මුන්නැහෙට මාර අවුල.හරියටම කියනව නං පුලස්ති ෆොන්සේකා ලොක්කගේ සෙකට්‍රි නොවන හින්ද හේතුව නිච්චියටම නං දන්නෙ නැහැ.ඒත් මොලේ තියන ඕනෙ කෙනෙක්ට ඕකට උත්තරේ හොයාගන්න බැරි එකකුත් නැහැ.
අධෝමුඛය පුපුරන්න ඔන්න මෙන්න වර්ගයේ කක්ක බරකුයි කොන්ඩෙ පීරගන්න ඕනෙකමකුයි එක පාර හැදුනම නෝ ෆ්‍රේම් ඉස්සෙල්ලම දුවන්නෙ කක්කුස්සියටද කන්නාඩි මේසේ ගාවටද?
හිරේ ඉන්න මිනිහෙක් ඉස්සෙල්ල නඩු දාන්න ප්‍රමුඛතාවෙද මොකක්ද එක දෙන්නෙ තමන්ගේ හිරගත කිරීමට විරුද්ද එපීල් එකට කියන එක මොලේ කලදක් තියන ඕනෙ හරකෙක්ට තේරෙනව.සාමාන්‍ය මිනිස්සුන්ට නං කොන්ඩෙ පීරන එකට වැඩිය කක්කුස්සි අමාරුව ප්‍රමුඛයි.මහින්ද ප්‍රේම්ලා සමහර විට කොරන්නෙ අනිත් පැත්තද දන්නෙ නැහැ කියල හිතෙන්නෙ ඒ ඉසවුවෙන් නික්මෙන ආගම්වාදි ගද හින්ද

ආයෙත් පලි -
පුලස්ති මේ ලියන්නෙ හිට්ස් වැඩි කොරගන්න කියලත් පොඩි කිංඩියක් දාල තිබ්බ.අනේ මහත්තැන් මේකේ හිට් වැඩි උනා කියල පුලාට අමුතු දෙයක් ලැබෙනවද කීවනං.පුලස්තිට මේව කියෙව්වත් එකයි නැතත් එකයි.හරිය කියල හිතෙන දේ බය නැතිව පුලා ලියනව.පුලා මේක පටන්ගත්තෙත් ඒකට.කරගෙන යන්නෙත් ඒකට.හිට් කීයද කියල බලන්න උපකරනයක් තරම්වත් පුලස්ති අටෝගෙන නැහැ ඇත්තටම ;)

එහෙනං සියල්ලන්ට ජයවේවා!
මෙත් මල් පිබිදේවා!
ආගමික යුද්දෙට පුලාගෙ කොන්ට්‍රිබියුසන් එක දැනට මෙතනින් අහවරයි.ඕකට පැටලිලා රනවිරුවෙක් විදිහට මැරෙන්න උනොත් පුලාගේ පවුලත් අනාථයි.මුල්ගම්පොල බජාර් එකත් අනාතයි.

පුලස්ති කොලඹ විස්ස විද්දියාලේ උපකුලපතිට වඩා පොරකි!

2010-05-30T04:44:00.000-07:00

පුලස්ති වැඩිය ඉගෙන ගත්තෙ නැති උනාට කවි කියවන්න හරි ආසා කරන කොල්ලා.
අවසර කල් රහස් තැන ගැහැනු කවුරුද වරදෙ නොබැදෙන කියන කවියට පස්සෙ පුලා වැඩියෙන්ම කැමති - උස්තැන් දැක හැකිලෙන්නේ මිටි තැන් දැක පුප්පන්නේ නිවටුන් බව සිතමින්නේ මගේ පුතා ලොකුවෙන්නේ- කියන කවියට.ඇස්.මහින්ද හිමිලු නේද ඕක ලිව්වෙ?ඇස්.මහින්ද හිමි කියන නමට තේරුම් ගොඩාක් දෙන්න පුලුවන් නේද?
ඇස්ම හින්ද හිමි- ඇස් හින්ද හාමුදුරුවො කෙනෙක් වුනා
ඇස්ම හින්ද හිමි- asthma - ඇදුම හින්ද හාමුදුරුවො කෙනෙක් වුනා
පුලාගේ වනචර ඔලුවට ඔය වගේ විකාර අදහස්මයි එන්නෙ.සමාවෙන්න.ඒ උත්තමයට අපහාසයක් කොරා නෙමේ.නිකං හිතුන හින්ද ලිවුව.

ඒ උත්තමයගේ කවියෙ මිනිං එක මරේ මරු හින්ද පුලා මොනව නැතත් ඕක නං අනුගමනය කොරා.සිරිත් මල්දම වගේ වෙන පොත්වල කියන ඒව තඹ සතේකට මායිම් නොකලට පුලස්ති උස්තැන් දැකල හැකිලුනෙත් නැහැ හැකිලෙන්නෙත් නැහැ.මිටි තැන් දැකල පිප්පුවෙත් නැහැ පුප්පන්නෙත් නැහැ.
මුල්ගම්පොල හන්දියෙ බටයක් ගහගෙන ඉන්න පුලාගේ මේ කොලිටිය ආචාර්ය මහාචාර්ය උපාදි ගත්ත මහා උගතුන්ට නැහැ කියල පුලාට කිව්වෙ ත්‍රී වීල් සුගා.
"ඒ මොකෝ බොල ඒ?" පුලස්ති සුගාගෙන් ඇහුවම මෙන්න බොලේ සුගා පුලාට පරන නිව්ස් අයිටම් එකක් පෙන්නුව.මේක හද්ද පරනයි.ඒත් මැක්සම මැක්සම අයිටම් එක.

කොලඹ විස්ස විජ්ජියාලෙන් මිහිදු රජපස මහේන්‍ද්‍රයානන්ටයි උන්නාන්සෙගෙ මල්ලි පැටියටයි ආචාර්ය උපාධි දෙකක් පුදල.

මහින්ද මාම - Doctor of laws
ගෝඨාභය චූටි මාමා - Doctor of letters
( දැනගැනීම පිනිස - පුරුද්දට රජතුමා,ආරක්ෂක ලේකම්තුමා කියල ඉස්සර කිව්වට ලගදි ඉදල පුලා අමාරුවෙන් හරි මහින්ද මාමාට මාමා කියන්නත් මාමගේ මල්ලි ගෝඨාභය මාමාට චූටි මාමා කියන්නත් පුරුදු වෙනව.ලොකු පුටු වලට නෑයො විතරක් දාන්නෙ ඇයිද කියල ඇහුවම මහින්ද මාම අල් ජසීරා එකට කිව්වලු නෙව මුලු රටම උන්නැහෙගේ නෑදැයො කියල.මාර ආතල්.මුල්ගම්පොල බට පුලාට එහෙනං රටේ රජාත් නෑයා වුනා.දැන් මහින්ද පුලස්තිගෙ මාමා.ගෝඨාභය චූටි මාමා.ලබන අවුරුද්දට කදමලු බැදගෙන පුලා මැදමුලන පැත්තෙ යනව ඕං.ශිරන්ති නැන්දගෙ කිරිබත් කටක් කන්න.නාමල් මලයා එක්ක රගර් පාරක් ගහල යෝෂිත පොඩි මලය එක්ක ගුස්ති පාරක් අල්ලන්න )

"ඩොක්ටර් ඔෆ් ලෝස් කියන්නෙ ඇයිද බොල?" සුගා පුලාගෙන් ඇහුව.
"සිරාවට බොල.ලෝ කියන්නෙ නිතිය.ඩොක්ටර් කියන්නෙ දොස්තර.විස්ස විජ්ජියාලෙන් ලොක්කව නිතිඥ ගොයියලාට බෙහෙත් කොරන්න වත් අපොයින්ට් කරලද?" සුගාටයි පුලාටයි මේක පුරස්නයක්.ඊට වඩා පුරස්නෙ ගෝඨාභය චූටි මාමට දුන්න උපාදියේ තේරුම.
"ඩොක්ටර් කියන්නෙ දොස්තර.ලෙටරස් කියන්නෙ අකුරු.අකුරු වල දොස්තර?"
පුලාට මඥ්ඤං.මේවයෙ මීනිං එක අහන්නෙ මොකාගෙන්ය?අනෙ අම්මෙ මේ වගේ වෙලාවට තමයි අපේ දේසප්‍රේමය පිලිබද විසේසඥ වෛද්‍යතුමා මතක් වෙන්නෙ.මිගාර දොස්තර බොස් හිටිය නං කොච්චර දෙයක්ද අම්මපා මේව ගැන අහන්න තිබුන නෙව.මොනව නැතත් උන්නැහෙත් දොස්තරනෙ.ඒත් උන්නැහේ මේ වංගියෙ පස්චාත් උපාධියට පාඩම්.උන්නැහෙගෙ සටන කරට අරගෙන තියන පෙරමුනෙ රාලටයි කසාපබ්බතේ නාමල් අයියටයි කොහෙද උන්නැහෙට වගේ නොලේජ් එකක්.

ඇත්තටම මේ මක්කෙයි වෙලා තියෙන්නෙ කියල දැනගන්න පුලයි සුගයි ගියා ටියුසන් මාස්ටර් ගනිත කොටා හොයාගෙන.ගනිත කොටා ගනිත හරඹෙට වගේම අසිපත් හරඹෙටත් දස්සයා කියල ගමම දන්නව.
"ඩොක්ටර් ඔෆ් ලෝස් කියන්නෙ අයිසෙ" ගනිත කොටා කිව්ව. " නීතිවේදී උපාධියේ ඉහලම එක.ඩොක්ටර් ඔෆ් ලෙටර්ස් කියන්නෙ සාහිත්‍යසූරී.දර්ශනය ගැන ඉහලටම ඉගෙන ගත්ත අයටත් ඕක දෙනව"
සාහිත්‍යසූරිද?දර්සනසූරිද?දෙකම වෙන්න ඇති.පුලා හිතාගත්තා.

මහින්ද මාමා නීතිවේදින්ගෙත් නීතිවේදියෙක් උනේ කොහොමෙයි?ජීඇල් උත්තමය නං ඔය විසය ගැන පොත් හෙන තොගයක් ලියල තියනව කියල පුලා අහල තියෙනව.මහින්ද මාමා එහෙනං ඊටත් වඩා පොරක් වෙන්න ඇති.මහින්ද සින්තනය කියන්නෙ නිති පොතක්ය?කවුදෝ දන්නෙ.වෙන්නත් ඇති.හැබැයි ඒක ලියුවෙ මහින්ද මාමමය?
ගෝඨාභය චූටි මාමා සාහිත්‍යසූරි වුනේ කොහොමෙයි කියන එක ගැන නං හැකයක් නැහැ.උන්නැහෙ ලියන්න ඇති කියල හිතෙන කවි පොත් කීපයක නං සුගා උපකල්පනේ කොරා.
1.නිව්යෝක් නුවර සහ හද ( අමෙරිකන් සිටිසන් වෙලා ඉද්දි ලිව්ව එකක්)
2.නන්දිකඩාල් හටන ( වීර කාව්‍යයක්.දුස්ටයා ප්‍රභාකරන් )
3.නොමියෙමි ( සුයිසයිඩ් අටෙම්ප්ට් එකෙන් දිවි බේරා ගත්තම ලියුව එකක්)
4.ෆොන්සේකා හටන ( වීර කාව්‍යයක්.දුස්ටයා නන්දිකඩාල් හටනේ සහයක වීරයා වෙච්ච ෆොන්සේකා )
ගෝඨාභය චූටි මාමා ලියුව තව කවි පොත් ගැන ඔහෙලා තොරතුරු එහෙම දන්නවද?
තොරතුරක් දන්නවනං තරහ ගන්නෙ නැතිව සුගාට හරි පුලාට හරි ඒක දන්නන්න පුලුවන්ද?

උස්තැන් දැක හැකිලෙන්නේ මිටි තැන් දැක පුප්පන්නේ.ඉගෙන ගන්න එවුන් මොකක් හරි පුරස්නයක් ගෙනාවම ඒ සිස්යයොන්ට ගෑස් පිට ගෑස් පෙන්නන විස්ස විජ්ජියාලවල මහ පුටු තපින ඈයො උස් තැන් වල වැජඹෙන නායක කාරකාදීන්ට එක දාගන්න ඇකිලෙනවා විතරක් නෙවි රටේ නැති ගොබ්බ වැඩ කොරනව.නීති සාස්තරේට මෙලෝ සම්බන්දයක් නැති උදවිය නීතිවේදී.කවියක් තියා කවියක අකුරක්වත් ලිව්වද කියල හිතාගන්න බැරි වර්ගයේ උදවිය සාහිත්‍යසූරී.උපකුලපතිකම රැකගන්න,ප්‍රතිපාදන කොමිසොමට ප්‍රමෝසන් ගන්න මේ විදිහට බයාදු වෙන එක උගත්කමේ ලක්සනයක් වෙන්න ඇති.
උස්තැන් දැක හැකිලෙන නිවටයින්ට වඩා බටයක් ගහගෙන ඇනයක් නමාගෙන තමන්ගෙ පාඩුවෙ කොන්ද කෙලින් තියාගෙන ඉන්න අට පාස් නැති පුලා වීරයෙක් නෙමෙයිද කියල කිවුව නං?

බ්ලොග් ලෝකයේ මහා ආගමික සංග්‍රාමය

2010-05-26T04:25:00.000-07:00

බොලොග් අවකාසේ දෙවනත් කරගෙන මහා ආගමික සංග්රාමයක් හතර පැත්තෙන් ඇවිලීගෙන ඇවිලීගෙන යනවා.කල් ඉකුත් උන කිරි වීදුරුවක් බීව වගේ දෙයි හාමුදුරුවනේ බඩ යන්නාහේ තර්ක විතර්ක මඩ කොහෙන් ඇදහැලෙනවද හිතාගන්න බැහැ.බ්ලොග් රසිකයෝ මැසි මත මැසි බදිමින් වාසල පවුරු මත නැගෙමින් සංග්‍රාමය නරඹන්නාහුය.ආප්ත ගෑනුද ආප්ප උයමින් සංග්‍රාමය කවරක්දැයි ඉස්සී ඉස්සී බලන්නාහුය.
ඈත ධූලින් වැසී ගිය පෙරමුනේ රාලය.මෑත සුදුමැලි වෙලා වචනයක් දෙකක් තටමන ලංකා 1 බ්ලොග්ය.ඈත වියරුවෙන් ගොජ දමන නෝ ෆ්‍රේම්ය.මෑත ඉන් රිටර්න් ගේම දෙන ඇට මැස්සාය.ඈත දුටු දුටූවන් කීතු කීතු කරමින් තම්බියා මරක්කලයා කොන කැපූ එකා ත්‍රස්තවාදියා යි කෑ ගාමින් වමනය කරන පිටියේ අප්පුය.මෑත කිරිබත්ගොඩ ලොකු හාමුදුරුවන්ට කිංඩි දාන බියොන්ඩ් ෆ්‍රේම්ය.
( අතර මැද අනේ බබාල ඔයාල ඔහොම ගහගන්න එක හොද නැහැ නේද කියල අසන මහමෙව්නා අසපු සංචිතයය )

බලාගෙන ඉන්නෙ බම්බුවටද?වලියක් කොතැනද පුලා එතන.මේ ගැන පුලස්ති කාලෙකට උඩදි ලියපු සිංදුවක් තමයි මේ.

ගේමක් දීල ගිය අවුරුද්දේ ගංජා ඔතලා ඇතුලෙත් හිටියේ මේ අවුරුද්දේ වීල් එලවලා බටයක් ගහලා ජීවත් වෙන්නේ පුලා අයියා මං හොදම කැ** මං ගේමකදී සරම කරේ තියං බැස්සෙ මං!

( මේ සෝන්ග් එක සිංග් කොරන්න ඕනෙ ඉරාජ්ගේ "පාතාලයා මං" කියන සිංදු කෑල්ලේ තනුව අනුව බව සලකන්න )
ඔන්න එහෙනං නමෝවිත්තියෙන් පුලත් බැස්සා ගේමට.

ඉස්ලාම් ආගම ආක්රමනශීලියි.පට්ට ඩේන්ජරස්.ඒකෙ උගන්නන්නේ අනිත් උන්ට කෙලවන එක.පොඩි කාලේ ඉදල පොඩි උන්ගෙ ඔලුවට දාන්නේ විෂ.පොඩි කාලේ උන්ගේ කොන කපනව.ලමා අයිතිවාසිකම් නැති කරනවා.හිංසනේ ප්‍රමෝට් කොරනවා.ආගම පැතිරුනේ කඩුවෙන්.උන් බලන්නේ වරිගේ බෝ කොරල ලංකාව අල්ලගන්න.ලංකාවේ සිංහල බෞද්ධයන්ට කෙලවන්න.උන්ගේ හීනේ ඕක තමා.පල්ලි වලදී උන්ගෙ පූජකයෝ දෙසන්නෙත් ඕකම තමා.හිංගලයන්ට කෙලවන හැටි.හිංගල රට අල්ල ගන්න හැටි.
ඒ අස්සෙ අවජාතක වාදීන් සෙට් එකක් බොලොග් අවකාසෙ ඉන්නව.මුන් උත්පත්තියෙන් හිංගල උනාට අවජාතක රැලක්.බලන්නෙම හිංගලකමට ගරහන්න.මුංට කිරිස්තියානි පූජා වල ගෑනු මැරෙන එක පේන්නෙ නැහැ.පේන්නේ සෝමාවතියේ මිනිස්සු මැරෙන එක.මුන්ට තව කොහෙ හරි නිකායක සුව කිරිමේ මෙහෙයකින් මිනිස්සු මැරෙන එක පේන්නේ නැහැ.පේන්නේ ඉස්ලාම් පල්ලිවලට බෞද්ධයො ඇටෑක් කොරන එක.මුං අපතයො.දෙමල ජාතිවාදීන්ට කඩේ ගියා.ඊට පස්සේ ෆොන්සේකාට රෙදි උස්සගෙන කඩේ ගියා.දැන් තම්බින්ටයි මිසනාරින්ටයි කඩේ යනව.උල තියන්න ඕනෙ අනිත් එකා තරුන හාමුදුරුවරු අතේ ගහන එක ගැන දහම් පාසල්වලට එන නංගි බබාලට සීන් කෝන් දාන එක ගැන ලියන හීරලුවා.සැප බඩු එක්ක ෆන් ගන්න මිත්‍යදෘස්ටිකයා.

පෙරමුනේ රාල පෙරමුනේ ඉන්න බෞද්ධ පිලේ තර්ක ටික ඔන්න."අනේ අපරාදේ කියන්න බැහැ.සාදු සාදු"තර්ක ටික අහපු පුලාගෙ පවුල සර්දාවෙන් කිවුව.පාවිච්චි කොරන වචන සෙට් එකෙන් බෞද්ධ කම වෑස්සෙනවා.අමා දහර ගලා යනව.

පුරස්න අංක 1 - යාපා පටුනයි දහම් අමාවයි කියල හෙට අනිද්ද යාපනේ කොටුවෙ වෙසක් සෙලිබ්‍රේසන් එකක් මහ පරිමානෙට ඕගනයිස් වෙනවා.හමුදාවේ සොල්දාදුවෝ ඒකට ගජරාමෙට වැඩ.දෙමල හින්දුනුයි ක්‍රිස්තියානිකාරයොයි 90%ට වඩා ඉන්න යාපනේ එක පාරටම දහම් අමාවක් රජයේ ෆුල් ස්පොන්සර්ෂිප් එක්ක මෙගා සයිස් එකෙන් බලෙන් පටවන එක මොකක්ද?ඒක ආක්‍රමනකාරී වැඩක් නෙමෙයිද?
මේක යාපනේ ඉන්න බෞද්දයන්ගේ ස්වෙච්ඡා වැඩක් නෙමෙයි හමුදාව දාල කෘතිමව කොරන ප්‍රොජෙක්ට් එකක් කියන එක ක්රිස්ටල් ක්ලියර්.

පුරස්න අංක 2 -හෙල උරුමෙ කියන හිංගල බෞද්ද පක්සෙ 2004 චන්දෙදි බුද්දාගම එකසිය ගානට දේශපාලනීකරනය කොරා.ප්‍රසිද්ද රැස්වීම්වල බයිබලේ පෙන්නලා ඒක විවේචනය කොරා.ඒකට ඇට්ටි හැලෙන්න කෙලියා.හෙල උරුමෙට බුද්දාගම දේසපාලනේට යොදාගන්න ඇහැකි නං,බයිබලේට ප්‍රසිද්ධියේ බනින්න ඇහැකි නං ලංකා 1බ්ලොග් කාරයා ත්‍රිපිටකේ ගැන ලියුවම තියන වැරැද්ද මොකක්ද?තව මොකෙක් හරි ත්‍රිපිටකේ පුරස්න කලාම තියෙන වැරැද්ද මොකක්ද?

පුරස්න අංක 3-කිරිස්තියානි පූජා වලදී මිනිස්සු මැරුනම පන කඩාගෙන ඒක ගැන ටීවි වල පත්තර වල හැමතැනම කතාකෙරුනා.පල්ලිවලට මැර ප්‍රහාරත් එල්ල කෙරුනා.සෝමාවතියේ බුදු රැස් තියෙනවා කියල අම්බ පොයියක් කෙලලා මිනිස්සු අන්දල මිනිස්සු ඒකේ හිරවෙලා මැරුනම ඒක ගැන කතාකොරන්න බල්ලෙක් නැහැ.ක්‍රිස්තියානියේ මිත්‍යා ගැන රට වටේ ටෝක් දෙන දිවඉන පත්තරේ ඇතුලු මීඩියා පොරවල් බුද්දාගමේ නමින් රට වටේ කෙරෙන මිත්‍යා වැඩ ගැන නෝ කතා නෝ සිනා.හාමුදුරුවරු යන්ත්‍ර මන්ත්‍ර වැඩ කොරල හම්බුකොරන එක ගැන නෝ ටෝක්.සෙත් ශාන්ති කර්ම කොරනවය අරක කොරනවය මේක කොරනවය කියල අහිංසක මිනිස්සු රවට්ටලා සල්ලි හම්බු කරන එක ඒවායෙන් කාර් ගන්න එක ගැන නෝ රිප්ලයි.
කිරිස්තියානි කාරයොන්ගේ ගොංපාට් ගැන දිවඉනටයි පෙරමුනේ රාලටයි කතා කොරන්න ආටිකල් කොරන්න ජජ්මන්ට් දෙන්න ඇහැක් නං බුද්දාගම්කාරයොන්ගේ ගොංපාට් ගැන බියොන්ඩ් ප්‍රෙම්ට හරි ඇටමැස්සට හරි ලියන්න බැරි ඇයි?සෝමාවතියෙ කොරපු බූරු වැඩේ බූරු වැඩක් කියල කිව්වම ඒක ගැන කතා නොකර "ඇයි ඔයාල කිරිස්තියානිකාරයොන්ගේ ගොං පාට් කතානොකරන්නෙ" කියල අහන එක මිසයිලෙට මුහුන දෙන්න බැරිව අන්ඩර්ග්‍රවුන්ඩ් යාමක්.

පුරස්න අංක 4-බුද්දාගම ව්‍යාප්ත වෙන්න ආයුද බලේ හිංසනේ යොදාගෙන නැද්ද?ථෙරවාදය මේ රටේ තහවුරු වුනේ කොහොමෙයි?අභයගිරියේ ලොකුවට හදල තිබ්බ මහායානය පුලුටක් ඉතිරි නොවෙන්න අතුරුදහන් වුනේ කොහොමෙයි?ඒවට ලේ හැලුවෙ නැද්ද?මිනී මැරුවේ නැද්ද?
මාගේ මේ වෑයම බුදු සසුන උදෙසාය කියල දුටුගැමුනු යුද්ධ කලේ සෙල්ලම් කඩු වලින්ද?ඒවට හාමුදුරුවරු ආසිර්වාද කොලේ නැද්ද?
යුද්දෙදි මැරුනේ මිනිස්සු එක හමාරය කියල මහාවංසේ බෞද්ධ හිමි නම ලියුවා නේද?හිංසනය ජස්ටිෆයි කොරෙ ඒ විදිහට නෙමේද?
හිංසනය කියන්නෙ එක ආගමක විතරක් තියන අමුතු එකක් නෙමේය කියලයි පුලා කියන්නෙ.ඕක බුද්දාගම ඇතුලු හැම ආගමේම ඉතිහාසෙ හෑරුවම හම්බෙනවා.දැන් කියයි ත්‍රිපිටකේ එහෙම එකක් නැහැ නේද කියල.පුලාට නං "ආගම" කියන්නෙ ත්‍රපිටිකෙයි පිරුවානා පොත්වහන්සෙයි විතරක් නෙමෙයි.පොතුයි ඒවා උඩ හදපු ආගමික සංස්ථායි ඒ සංස්ථාවල පූජකයොයි මේ සේරම ආගම.ක්‍රිස්තියානිය කියන්නෙ බයිබලය විතරක් නෙමේ.ඒක උඩ හදපු පල්ලි පල්ලි වල මතවාද දේසනා ඔය සේරම පුලාට නම් "ආගම".බුද්දාගමයි කිරිස්තියානියයි ඉස්ලාමයයි ඔය මොන මගුල උනත් ඒවයේ පටන්ගත්ත අය පටන්ගත්ත යහපත් අරමුනු නෙමේ ඒවා "ආගම්" වීම එක්කලා දැන් තියෙන්නෙ.මේ හැම ආගමම එක ඉත්තෙ පොල්.ව්‍යාප්ත වෙන්න හිංසනය මරන බය යොදාගත්ත.ඒකෙන් එකක් විතරක් අරගෙන මගේ එක ෂෝයි ඔයාගේ එක කක්කා කියන එක - ඇත්තටම අපේ අනුරාධ මල්ලිගෙ මොන්ටිසෝරි බබාල නං ඔය වගේ රන්ඩු කොරගන්නවා පුලා දැකල තියෙනව.

පුරස්න අංක 5-ඉස්ලාම් ආගමේ කුරානයේ බබා පාට් කොන්සෙප්ට් අල්ලගෙ අරයගෙ මෙයාගෙ කතා පෙරමුනේ රාලට මාර ෆන්නෙ.ඔන්න එහෙනං ෆන් ගන්න තවත් මූලාස්‍රයක්.

http://chamithar.blogspot.com/2009/07/buddhist-cosmology-1.html

බුද්දාගමේ තියන විස්වය ගැන මේ විග්‍රහය අප වෙත ගෙන එන්නේ චමිත රත්නායක ආදරනීය බොලොග් සහුර්දයායි.ඕක කියවල බලන්න.විස්වය හැදිල තියෙන හැටි බුද්දාගමේ දකින විදිහ ගැන සම්බාව්‍ය විදිහට මාර ඇනලයිසිස් එකක් දෙනවා.ආසාවට එකක් දෙකක් උපුටා දක්වන්නං.

//(10) නිර්මාණරති -- Plane of rejoice in their own creations : මෙම ලෝකයේ වැසියෝ තම ආශාවන් මුදුන් පමුණුවාගැනීමට විවිධ දෑ නිර්මාණය කරගැනීමට සමත්කම් දක්වති. මෙහි පාලකයා සුනිම්මිත දේවතාවා ය. ඔහුගේ මෙහෙසිය විශාකා මහා උපාසිකාව (මරණින් අනතුරුව) වේ. මෙය පිහිටා ඇති උස, මනුෂ්‍ය ලෝකයේ සිට යොදුන් 640 කි. මෙම ලෝකයේ වෙසෙන අයෙකුගේ ආයු කාලය වසර 2 304 000 000 කි. මෙම ලෝකයෙහි වැසියෙකුගේ උස අඩි 3750ක් යැයි කියැවේ.//

මේ කියවෙන්නේ විස්වයේ තියෙන "කාමලෝක" ද මොකක්ද වර්ගයක් ගැන.ආතල් දාර්සනික විග්‍රහය නේද?මනුස්ස ලෝකෙ ඉදල යොදුන් 640ක් උඩට ගිහින් බලමුකො කාම ලෝකය තියෙනද කියල!කාම ලෝකයේ ආයුස ටික බලන්න.කුරානය වගේම තමයි මේ ගොං පාට් කියෙව්වමත් මාර සැපක් ගන්න පුලුවන් නේද?
මෙන්න තව එකක්.

//(8) යම -- Heaven Without Fighting : මෙහි පාලකයාගේ නම 'සුයාම' නම්වන අතර මෙහෙසිය 'සිරිමා' ය. මෙම ලොව පිහිටා ඇති උස, මනුෂ්‍ය ලෝකයේ සිට යොදුන් 160 කි. මෙම ලෝකයේ වෙසෙන අයෙකුගේ ආයු කාලය වසර 144 000 000 කි. මෙම ලෝකයෙහි වැසියෙකුගේ උස අඩි 2250ක් යැයි කියැවේ.//

විස්වය ගැන බුද්ද දර්මයේ තියෙන්නෙ කොයිතරම් පිලෝසොපිකල් විග්රහයක්ද නේද මිත්තරවරුනි?දැන් යම ලෝකේ තියෙන්නේ මනුස්ස ලෝකෙට හැතැප්ම 2540 ක් විතර උඩින්.ඒකෙ ඉන්නව සුයාම කියල ලොක්කෙක්.තාම ඉන්න ලොක්ක එයාමද දන්නෙ නැහැ.එයාගේ බිරින්දෑ සිරිමා.අනේ මන්ද අග නම බන්ඩාරනායක වෙන්න ඇති.ඒ ලෝකේ වැසියෙක් අඩි 2250 ක් උසයිලු.කොච්චර ජොලිද සැදැහැවතුනි.කුරානයේ ගොං පාට් වලට හිනාවෙන එක නවත්තලා තමන්ගේ ඇහෙ තියෙන පරාලය දිහත් බලමුකො.අනුන්ගේ පරාලවලට වඩා තමුන්ගේ පරාලේ කොයි තරම් හා හා හා හාස්‍යජනකද?

පුරස්න අංක 6- පොඩි උන්ගේ කොන කපන එක ලමා අයිතිවාසිකම් නැති කිරීමක් නෙව.එතකොට පොඩි උන්ව මහන කොරන එක?ඒක ලමා අයිතිවාසිකම් සුරැකිමක් වෙන්න ඇති.බට්ටා පනින්න ඕනෙ වයසෙ බලෙන් සිල්ගන්වලා පන්සලක ගාල් කරල ලමා ජීවිතේ අහිමි කරවන එක ගැන කාටත් වඩා හොදට ඒ ජීවිතේ විදපු "සැප බඩු ගහන හීරලුවා" හෙලිදරවු කරල තියෙනවා.
සැප බඩු ගහන හීරලුවා එක්ක නෝ ෆ්‍රේම්ස්ට මෙච්චර ගෑස් තමන්ගේ පැන්ටසිය පුපුරුවලා දාපු හින්දද?

පුලා කියන්නේ මෙච්චරයි.කාගෙ කාගෙත් කිල්ලෝටවල ඩිංග ඩිංග හුනු හෑව්.කාගේ කාගෙත් අත්වල ඩිංග ඩිංග ලේ හෑව්.අනිත් එකා හෙලුවෙන් කියල ඇගිල්ල දික්කරන්න අත උස්සන්නෙ පරිස්සමෙන්.එහෙම කොරන්න ගියාම අතෙන් අමාරුවෙන් හරි වහගෙන ඉන්න තමුන්ගේ සිස්න බටේ ලෝකෙට ප්‍රදර්සනය වෙනවා.

අපේ රටේ රජ්ජුරුවො මහ බොරුකාරයෙක් - පුලස්තිගේ අප්‍රිකානුවාසී බෑනා කියයි

2010-05-25T03:17:00.000-07:00

පුලාට මේ සුමානෙ සදුද ලියුම් කරදහියක් ලැබුන.විදේසෙකින්.පුලාට මාර හැපි.විදේසෙකින් ලියුම් කරදහි ලැබෙන මොන බුවාද මේ මුල්ගම්පොල වැයික්කියෙ ඉන්නෙ?
සන්තෝසෙට හූවක් තිබ්බ පුලා අහල පහල ගෙවල්වල කවුරු කවුරුත් අඩගහගෙන ආඩම්බරෙන් වටකොරගෙන ලියුම් කරදහිය කියෙව්වා.කරදහිය එවල තිබුනේ පුලස්තිගෙ බෑනා සදහම්.අහිංසක තරුන කොල්ලා.ජොබක් කොරන්න ඈත රටකට ගොහින් ඉන්නෙ.කාන්සාව.කෙල්ලෙක් නැතිකමට මට ලියුම් ලියනවා.
මගේ බොලොග් සහුර්දයන් එක්කල මම බෙදා හදාගන්නේ ඒ ලියුම කරදහිය.කියවල බලන්න කොච්චර සංවේදීද කියල.

2010 මැයි 18
අප්‍රිකාවේ ඔලුග්බුජා දූපතේ අගනුවර සිටය

ආදරනීය පුලස්ති මාමේ

මාමාගේ සැප සනීප කොහොමද?මම නම් හොදින් සිටිමි.ඒ කියන්නෙ මට හරි සැපය.සනීපය.
මේ දවස් වල මම ඉන්න දීපෙට එකසිය ගානට වැස්ස.නගර සේරම යටවෙලා.සමහරු මාමේ මේකට ගංවතුර කියනව.ඒ වුනාට ගංවතුර කියන්නෙ ගග පිටාර ගැලුවම එන වතුරට නේද?මෙහෙ නම් පිටාර ගලන්නෙ ගංගා නෙමේ.නගරවල කානු.
මේකට ඒ හින්ද කියන්නෙ "කානු වතුර" කියල.අලුත් කොන්සෙප්ට් එකක් "මේඩ් ඉන් ඔලුග්බුජා"කොන්සෙප්ට් එකක් මාමේ.
(මේ අලුත් කන්සෙප්ට් එක හොයාගත්තෙ කොලින් ද සිල්ව කියල මේ රටේ ඉන්න ශ්‍රේෂ්ඨ බුඩ්ඩි මතෙක් )
මාමා දන්නවයි මේ ලගදී මම ඉන්න දූපත් රාජ්ජයේ අගනුවර අපිකාවෙ ලස්සනම නගර වලින් එකක්,සංචාරය කරන්න ෂෝයි තැනක් කියල සුදු මහත්තුරු වගයක් තේරුවාලුනෙ.ජොලි නේද?සුදු මහත්තුරු අහසින් යද්දි අපේ අගනගරෙ දැකල.ඒක වැස්ස දවසක්ලු.ඉතින් ගහල උඩ ඉදන් පොටෝ එකක්.අම්මේ ලස්සන කියල හිතුවලු මාමේ.වතුර උඩ හදපු ලස්සන නගරයක් නෙව.මාර ආශ්චර්යමත් ජාතියක්ය මේ ජාතිය කියල හිතලලු ඒ සම්මානය අපිට පිදුවෙ.

මාමාගේ ක්ෂනික මෝචන අමාරුව දැන් හොදද?අනේ මන්ද මාමේ ඒ ලෙඩේ නම් මහ කුනුහරුප ලෙඩක් නෙව.දැන් මටත් හැදිල.මොකොද මම ඉන්න මේ දූපතේ කොරන්න පුලුවන් කිසි දෙයක් නැහැ.හැමදේම බෑන්.වැල සයිට් බෑන්.ඇඩල්ට් ඔන්ලි ෆිල්ම් බෑන්.සිගරට් බෑන්.මතත් බෑන්.
හැබැයි ඹක්කොම බෑන් අපි වගේ පුංචි පන්තියේ අයට විතරයි මාමේ.ඔය නයිට් කලබ්වල එහෙම ඔය කිසි බෑන් එකක් නැල්ලු.තියෙන්නෙ බෑන් චූන්ලු.සල්ලි හෑව් නම් මාමේ විනෝදය හෑව්.නෝ මනී?නෝ ෆන්.යෙස් මනී?යෙස් ෆන්.
මාමලා ඉන්න රට ඒ අතින් පුදුම වාසනාවන්තයි නැද්ද?.මේ වගේ ගෝත රටකට ඇවිත් මොන මහල්කෙලකටය අපි දුක් විදින්නෙ?

රහසින් කියන්නම් මාමෙ මේ දූපතේ ඉන්න රජතුමා සේරටම වඩා හෙරොයික් ඩයල් එක.ඔන්න මාමා පොරවල්.මූදු හතකට එහා නැල්ලු මේ වගේ අදිරාජ්‍ය විරෝධියෙක්ද මොකෙක්ද එකෙක්.දිව ටැපලෙනව.ඒත් එයාල නිතර දෙවේලේ කියන්නෙ ඔය වචනෙ තමා.
මේ රජතුමාලුනෙ පුලා මාමේ ලෝකේ අදිරාජ්‍ය විරෝධී සංකේතෙ.දැන් ලෝකේ පුරා පොරවල් අමරිකාවට විරුද්දව පෙලපාලි යන්නේ මේ දූපතේ මහජතුමාගේ පින්තූර අරගෙනලු.වියට්නාමේ එහෙම හෝ චි මිංගේ පිලිම කඩල දැන් අපේ රජාගේ පිලිමයක් කොන්ස්ට්‍රක්ට් කොරනවලු.නොම් චොම්ස්කි එහෙම නිතර දෙවේලේ දැන් උපුටා දක්වන්නෙ අපේ මහරජාගේ කතාවල උද්ධෘත පාඨලු.දෙයියම්පා මාමේ සහතික ඇත්ත.ඒ කාලෙ මා ඕගේ රතු පොත වගේ දැන් ලෝකෙ පුරා අදිරාජ්‍ය විරෝධියෝ කද්දි බොද්දි චූ කරද්දි ටොයිලට් යද්දි හැමවෙලාවෙම කියවන්නෙ අපේ රජතුමා මහන්සි වෙලා ලියපු "කොහෙන්ද චින්තනය" පොතලු.

ලෝකෙ පුරා දෙයියා වගේ අදහගෙන හිටියත් මාමේ දෙයිය වුනත් පොයිය දාන එක නම් හැබැයි එච්චර හොද දෙයක් නෙමෙයි නේද?
ලෝකෙට දෙයිය උනාට මේ දූපතේ මහරජතුමාගේ මහ කැත පුරුද්දක් තියෙනව නෙව.ඒ තමයි දෙයිය වගේ හිනාවෙවී පොයිය දාන එක.
එක පාරක් මෙතුමා හිනාවෙලා කීව නෙව "එක පාරින් මම විධායක රජකම අත්හරිමි.ජනතාවට පාලන බලය පවරමි" කියල.
මසුරන් හිනාව මාමේ.හැබැයි රජකමේ පලවෙනි ටර්න් එක හමාර වී ගෙන එනකොට ඒ හිනාවම දාල මෙතුමා කීවා "මා හට නැවත වතාවක් විධායක රජකම ලබා දෙව.මා මේ පුරය ඉසුරින් ආඩ්‍යමත් කරමි" කියල.එකපාරින් රජකම අත්හරින පොරොන්දුව කොහාට මකබැ උනාද නෑ.
අනේ හැබැයි මේ දූපතේ ඇච්චොන්ට කිසීම කිසීම කිසීම ගානක් නැහැ.කයිය නැතිව පොයිය දැම්මට මේ ඉතින් දෙයියනෙ.පෝලිමේ ගිහින් පුදනව රජකම හිටු කියල.

ඒ විතරක්ය මාමෙ දෙවෙනි පාර රජකමට ට්‍රයි කොරනකොට ආයෙත් ඔන්න දුන්න පොරොන්දුව හිනාව දාගෙන.
"මා හට බලය ප්‍රදානය කරව.මා රජයේ සේවයේ කඹුරන්නන්හට කහවනු දෙදහස් පන්සියයකින් වැටුප වැඩි කරමි!"
මේ පොරොන්දුවේ වටිනාකම ගැන කියන්න බුදු අප්පචිචියේ,ඒ කාලෙ විජ්වතුන් පෝලිම් ගැහිල ඉදිරිපත්කලා විග්රහයන්.විස්ස විජ්ජියාලවල ආර්ථිකවිද්‍යා දේසපාලනවිද්‍යා සමාජවිද්‍යා ලිංගිකවිද්‍යා තාරකාවිද්‍යා හැම පීඨෙකම ආචාරය මහාචාරය කතිකාචාර්ය ඩිමොන්ස්ට්‍රේටාචාර්ය බුවාල ඒ කාලෙ රූපවාහිනියෙමයි.දෙදාස් පන්සීයේ වටිනාකම.දෙදාස් පන්සීයේ වටිනාකම.
දැන් කෝ දෙදාස් පන්සීය?දෙදාස් පන්සීය ගැන කතාකරපු මහදැනමුත්තයි ගෝලයො රොත්තයි ගෞරවනීය නිශ්ශබ්දතාවයක.ආගම සිහිකරනවද කොහෙද.

මේ රටේ රජතුමා ඔන්න ඔය විදිහට හරියට බොරු කියනව කොරනව මාමෙ.එහෙම කොරන තවත් බොරුවක් කියල මේ ලියුම් කරදහිය අහවර කොරන්නම්.
රජතුමාගේ අනිත් පොයිය තමයි බෞද්ධ පොයිය.මාමට කියන්න රජතුමා හතර පෝයට සිල්ගන්න සැදැහවතාගේ පාට් එක නෙව රගන්නෙ.බුද්ධ රත්නෙටයි ධර්ම රත්නෙටයි මාර රැස්පෙක්ට් එක.තමන් කියන දේ වක පුහගෙන අහගෙන ඉන්නවනන් සංඝ රත්නෙටත් මෙතුමා රැස්පෙක්ට් තමයි
හැබැයි වැරදිලාවත් සංඝ රත්නෙ උනත් කමක් නැහැ එගේන්ස්ට් වචනයක් කිව්වොත් - මල කෙලියයි ජූලි හතයි මගේ පුතා ඔක්කොම කයි!
වෙන දේ ගැන සාක්කි පින්තූරෙකුත් එක්ක මම මාමට පෝස්ට් කොරල එවනව.මේ කරදහියෙ උඩම අලෝල තියෙන්නෙ ඒ පින්තූරෙ.

එහෙනම් මාම ඒ පින්තූරෙ නැන්දට දෙන්න.දීල මල් පහන් පුදල හවසට හවසට පින් දෙන්න.මාමාලයෙ රටේ රජතුමා මේ වගේ පොයිය දාන දෙයියෙක් නෙමෙයි කියල මේ බෑන දන්නව.ප්‍රතිපත්තියක් නැති පොලිටිකල් බයියලා දෙයියලා උනාම කොහෙ කොහෙත් ඔහොම තමා කියල මෙහෙ ඉන්න යාලුවෝ කියනව.ඒ උනාට මම නං ඒ කතාවට එගේන්ස්ට්.
ලෝකයක වැදුම් ලබන අධිරාජ්‍ය විරෝධී දෙයියා පොලිටිකල් බයියෙක් වෙන්නෙ කොහොමද?නේද?

- මීට මාමාගේ ආදරනීය බෑනා
සදහම් ගෙඩිගේ

පලි - ටොප් සීක්‍රට්.ලියුම් කරදහියේ අන්තිම චේදෙ - ඒක විතරක් ඉතිරි කරල ඉතිරි ටික පුච්චල දානවද මාමෙ?තරස්තවාදී නායක පීකේව කොහෙන්දො දීපංකරේකින් කුදලගෙන ආව වගේ මේ දේසේ රජතුමාගේ ඉන්ටලිජන්ස් සේවෙ මාරම මාරයි.මාමලගේ සිරි ලංකාවටත් සමහරවිට ඒ ඉන්ටලිජන්ස් එකෙන් රිංගලද කවුද දන්නෙ.
මගේ බුදු මාමන්ඩිට බුදුන්ගේම සරනයි!

යුද ජයග්‍රහනයේ පලවෙනි සංවත්සරය

2010-05-20T07:56:00.000-07:00

තමන්ගෙ ගොවිතැන් වැඩ ටික කරගන්න බැරිව,අස්වැන්න විකුනගන්න බැරිව අසරන වුන දුක් වුන නය වුන දස අතේ හූල්ල හූල්ල උන්න කෙල්ලොන්ට ඇගලුම් කර්මාන්තශාලා කියල මරු ආන්ස්වර් එකක් දුන්න අපේ රටේ නායක උතුමන්ලා කොල්ලොන්ට දුන්න සොලියුෂන් එක උනේ යුද්ධය.
නායක කාරකාදීන් වමාර වමාර කාපු හින්දම යුද්ධයක් උන මේ පුරස්නෙ කොල්ලොන්ගෙ රස්සා පුරස්නෙ වහගන්න නායක කාරකාදීන්ට මරු තුරුම්පුවක් උනා.දුප්පත් කොල්ලොන්ට හම්බ වුන මේ රස්සාව අම්බානක අවදානම් ජොබක් වුනත් ඒ අවදානම කවර් කොරන්න රනවිරුවො කියන ලස්සන දවටනය යෙදුන.දිස්නෙ ගහන ඒ ලේබලයයි හම්බ වුන තරමක් හොද පඩියයි හින්ද පාලකයන්ගෙ විනෝදය වෙනුවෙන් බෙල්ල දෙන්න අපේ ගම්වල කොල්ලො පේලි ගැහී ඉස්සරහට ආවා.හතර අතින් ජාතික ගීත වැයුනා.

ඒ පුරස්නෙ කොහොම උනත් හමුදාවට බැදුන කොල්ලො කලේ කඹේ උඩ යනව වගේ අම්බානක ඩේන්ජරස් ගේමක්.යුද්දෙ ඇවිලිලා යනකොට ආතල් එකේ චන්ද කොරපු නිමල් සිරිපාලලාට වඩා ත්‍රස්තවාදය පරද්දලා ලෝකය දිනන්න ලෝකය වටේ ගිහින් ෆන් ගත්ත බෝගොල්ලාගමලාට වඩා යුද්ද බිමේ මැරෙන මල මිනි වල පිනෙන් ටිවි වල දේසප්‍රේමීන් උන වීරවංසලාට වඩා යුද්ද බිමෙ ලේ හලපු සාමාන්‍ය පැලැන්තියේ කොල්ලො කරපු සැක්රිෆයිස් එක අන්තිම විසාල සැක්රිෆයිස් එකක්.

දැන් වැඩේ හමාර වෙලා අවුරුද්දක් හමාර වෙලා.රනවිරු ගෝසාව දැන් ඇහෙන්නෙ නැති තරම්.අපේ නායක කාරකාදීන්,ටිවි වලින් යුද්ද ආතල් ගත්ත මධ්‍යම පංතියෙ පොෂ් පොරවල්,ඒ කාලෙ කර උඩ තියාන හිටපු රනවිරුවො දැන් ඉන්නෙ කොහෙද?දැන් එයාලගෙ තත්වෙ මොකක්ද?
යුද්දෙ කාලෙ ෆන් එකේ හිටපු අපේ සමාජයේ දැන් තත්වෙ කොහොමද?ඒ ආතල් එකට මොකද වුනෙ?ඒ ෆන් එක ගංවතුරට ගහගෙන ගිහිල්ලද?

බඩු මිල දවසෙන් දවස අහස උසට යනව.ඒවට තැලිල පොඩිවෙලා මිනිස්සු කෙදිරි ගානව.පදික වේදිකාවක පුලුවන් විදිහට බිස්නස් එකක් කොරපු අය ඒවයෙන් විසි වෙනව.ලොකු සමාගම් වලට බදු දීල කැලෑ එලිවෙනව.යුද්ද කාලෙට ඉස්සෙල්ලත් යුද්ද කාලෙදිත් එක විදිහට හූල්ල හූල්ල හිටපු නෝමල් කැලෑසියේ මිනිස්සු අදත් ඒ විදිහටම හූල්ල හූල්ල ඉන්නවා.
යුද්දෙට ඉස්සෙල්ලා නායක කාරකාදීන් කලේ ආතල් එකේ වැජඹුන එක.
යුද්ද කාලෙදිත් උන්නැහෙලා කරේ යුද්දෙ පෙන්න පෙන්න ආතල් එකේ වැජඹුන එක.
දැන් යුද්දෙ ඉවර වෙලා.
තාමත් උන්නැහෙලා චන්ද පිට චන්ද කොර කොර කරන්නෙ ෆන් එකේ සැප ගන්න එක.
රනවිරුවන්ට මොකෝ උනේ?
බදු බර උහුලපු සාමාන්‍ය මිනිස්සුන්ට මොකද උනේ?
වෙන එකක් තියා "රනවිරුවන්ගේ රනවිරුවා" කියල නායක බුවාලම උඩ දාපු - ඒ උනාට තමන්ට අකිකරු වුන ජෙනරල් ෆොන්සේකා බොස්ට මොකද වුනේ?
අපි මේ ඉන්නෙ කවුරු හරි අටවපු උගුලක අහුවෙලාද?එහෙම උගුලක හිරවෙලා ඉන්න ගතියක් හැම වෙලේම දැනෙන්නෙ මට විතරද?

යුද්දෙ ඉවර වෙලා අවුරුද්දක් ගිය තැන ඒ ගැන සන්තෝසය පල කරමින් සටහනක් දාන්න බැරි වුන එක ගැන පුලාට දුකයි.මේ ලිව්වෙ අරහෙන් මෙහෙන් ඔලුවට ආපු අයිඩියාස් ටිකක්.
අයිඩියාස් හරියකට පෙලගස්සගන්නත් අමාරුයි.
හතර අතෙන් වෙන දේවල් තේරුම් ගන්න අමාරු හින්ද මේ වංගියෙ අයිඩියාසුත් හරියකට ක්ලියර් එකට එන්නෙ නැහැ.

1980 ලංකාව - රිපීට් ටෙලිකාස්ට් එක ලගදීම රිදී තිරයේ

2010-02-25T08:03:00.000-08:00

එක්සත් ජාතික පක්සයට අලියා නැතිව බැරිලු.ලොකුම පක්සෙ විදිහට අලියා අත් හරින්න බැහැලු.
මහ චන්දෙදි හංසය අත් හරින්න ඒ පක්සෙ මහත්තුරු ගේන තර්කෙ ඕං ඔය විදිහයි.
ඔටුන්න නිකම්ම ඔලුවට වැටෙන කම් කට බලියගෙන නලිය නලිය ඉන්න එක අලියගෙ පුරුද්දද කියල පුලස්ති හරියට දන්නෙ නැහැ.ඒත් මේ වෙන දේවල් බලන් ඉන්දැද්දි පුලාට හිතෙන එක දෙයක් තියෙනවා.
කන්දක් පල්ලෙහට බැහැගෙන යන බ්‍රේක් නැති වාහන කබලක් වගේ - ලංකාව ආයෙමත් 80 දසකෙට පල්ලම් බැහැගෙන යනවා.

80 දසකෙයි මේ උදාවෙන්න යන 10 දසකෙයි වෙනස මොකක්ද?
එදා රජා ජුනියස් රිචඩ් ජයවර්ධන උතුමානන් වහන්සෙ.
මෙදා රජා පර්සි මහේන්ද්‍ර රාජපක්ස උතුමානන් වහන්සෙ.
එදා රජ කලේ යූඇන්පිය.
මෙදා රජ කොරන්නෙ ශ්‍රිලනිපය.
ඔය වෙනස හැර අනෙත් හැමදේම දැන් එක වාගේ වී ගෙන එන සිද්දියක් තියෙන්නේ.

82 චන්දෙට පස්සෙ ඒ කාලෙ විපක්සෙ බිංදුවට වැටුන.කෑලි කෑලි කැඩුනා.සිරිමා විපක්ස නායිකාවගේ ප්‍රජා අයිතියට කෙලෙව්වා.විජයලා සිරි ලංකා එක කඩාගෙන ගියා.සිරි ලංකා කියල එකක් ඉතිරි නොවන තරමට ඒක හත් අට පොලකට කැඩුන.ආන්ඩුවේ බුවාල විපක්සෙට එලව එලව කෙලෙව්වා.අනේ අපිට ගහනව කියල අඩනව ඇරෙන්න සිරි ලංකා එකේ ගුටි කන අහිංසකයන්ට කොරන්න දෙයක් තිබ්බෙ නැහැ.
දෙමල කොමියුනිටි එකටත් ඇඩෙන්න පොලු පාරවල් වැදෙන්න ගත්තා ඒ අස්සෙ.කොටි සංවිධානෙ කියන එක දන ගාන්න පටන් ගන්න කාලෙටත් ඉස්සර ඉදලම දෙමල කොමියුනිටි එක දෙකේ කොලේට දැම්ම.යාපනේ සංවර්ධන සභා චන්දෙ කොල්ල කෑව.දෙමල මිනිස්සුන්ට ප්‍රජාතන්තරවාදෙද මොකක්ද එක ( අර කතිරෙ ගහල කස්ටියට දියවන්නාවට ටිකට් අරන් දෙන වැඩේ ) ගැන තියන විස්වාසෙත් නැති බංග කොරල මහ යුද්දෙකට පාර කැපුවා.
අන්තිමේදී 80 දසකෙ ඉවර වුනේ ඒ දසකය - කොහොමත් කලු පාට - නිදහසෙන් පස්සෙ ලංකාවේ ඉතිහාසෙ වැඩියෙන්ම කලුපාට දසකය විදිහට රෙකෝඩ් එකක් තියල.

විපක්සෙ වෙන් වෙලා තරග කොරන මේ චන්දෙට පස්සෙ ඇදෙන්න නියමිත වෙලා තියෙන චිත්‍රයත් ඔයිට දෙවෙනි නැහැ කියලයි පුලා කියන්නෙ ඕන්න.
මේක අද ( 2010 නවම් මහේ 25 වෙනිද) කිව්ව කියල ලියලම තියාගන්න.
මේ චන්දෙන් පස්සෙ රාජපක්ස උතුමානන් 3න් දෙක කොහොම වුනත් වැඩි බහුතරේ ගන්න තියෙන චාන්ස් එක ඉහලයි.ඊට පස්සෙ වැඩියෙන්ම කෙල වෙන්නේ තමන්ගේ ලකුන බදාගත්ත එක්සත් ජාතික පක්සෙට.ඕකෙ ඉන්න හැට හුට හමාරක් ආයෙත් පුරුදු විදිහට ආන්ඩුව පැත්තට ක්‍රොස් කරන්න විසාල පොසිබිලිටියක් තියෙනවා.
2004 ආපු තමන්ගෙ ලිස්ට් එකේ 40 ගානක් රැකගන්න බැරි වුන එජාප නායක උන්නැහෙ 2010 එන ලිස්ට් එක රැකගන්නව කියල දෙන්න පුලුවන් සහතිකේ මොකක්ද?
පක්සෙ මාරු කරන් නැහැ කියල ලියුමක් ලියල දුන්නම සේරම හරියයි කියල හිතාගෙන ඉන්න වර්ගයෙ නායකයො නං විපක්සෙ ඉන්නෙ වැඩේ තව ආතල් කෝටියයි.

ආන්ඩුව කොයියම්ම විදිහකට හරි 3 න් 2 ගත්තට පස්සෙ 80 දසකයේ බේස් එක 2010 ට හුනු බදාම ඇතිව හොද පදමට වැටෙනවා.
අධි බලැති විධායක ජනාධිපතිකම + විසේස බහුතරයක් තියන (විධායකයට නගුට වනන පොමනේරියන් පැටවු සෙට් එකක් ඉන්න) පාර්ලිමේන්තුව.
මේ විචල්‍යයන් දෙකේ එකතුව දැම්මම සමීකරනයේ අනිත් පැත්ත හැදෙන හැටි ගැන දැන ගන්න ඕනිම නං පහුගිය කාලේ ආචාර්ය ඇතා රූපවාහිනියෙ පෙන්නපු ඉඩි අමින් එකේ සීන් ටික මතක් කොර ගන්නා ලෙස පුලස්ති වන මම නිර්දේශ කොට සිටිමි.පාලනයක් නැති බලයක් අතට ආවම උගන්ඩාවෙය සිම්බාබ්බුවේය ලංකාවෙය කියල වෙනසක් නැහැ ආයුබොවන්ඩ.

අලිය බදාගෙන ඉන්න බුවාලට කෙලිය තමයි කියල තේරෙන්න ගන්නෙ ඔයිට පස්සෙ 80 දි සිරිලංකා එකට වැදුන වගේ තමන්ටත් වදින්න ගන්නකොට.

පුලස්තිට තේරෙන විදිහට රනිල් බොස් අලිය බදාගත්තෙ අලියට ආදරේට වැඩිය ෆොන්සේකට තියන බයට.ෆොන්සේකා බොස්ව අස්සට ගන්න ඉස්සර හයිඩ් එකේ තිබ්බ රැලියෙදී යූඇන්පී කාරයෝ ඇතුලු හිටපු මහ සෙනගෙන් රනිල්ට වැදුන අත්පුඩියයි ෆොන්සේකා ආවම වැදුන චියර් එකයි දෙක අහලකින් තියන්න බැරි බව නොතේරෙන්න රනිල් බොස් බබෙක් නෙමෙයි.රනිල් බොස් අලියට ඔච්චර ආදරෙයි නං ගිය ජනාදිපති චන්දෙදි විතරක් අලිය අත්හැරියෙ මොකටෙයි?අලිය පිටේ නැගල පොර වගේ ඒකටත් ඉල්ලන්න තිබුන නෙව තනියම!

ජේආර් උතුමාගේ ඇග්රෙසිව් ගේමට ෆේස් කරන්න සිරිමලගේ දුර්වල ලීඩර්සිප් එකට හයියක් තිබ්බෙ නැහැ.රාජ්‍ය බලේ පිටාර ගලද්දි අන්තිමට විපක්සෙටයි සුලු ජාතීන්ටයි උතුමා හිතන විදිහට නොහිතන අනිත් හැමෝටමයි එදා වුනේ අධෝමුඛයේ නගුට ගහගෙන ගෙවල් අස්සෙ හැංගෙන්න.
එහෙම හැංගෙන්න බැහැ කියල හිතුව ගටක් තිබ්බ බුවාල දෙවර්ගයක් අධික රාජ්‍ය හිංසනයට එදා ප්‍රති හිංසනය මාර්ගයෙන් චැලෙන්ජ් කොලා.
එක සෙට් එකක් උතුරෙදි.
අනිත් සෙට් එක දකුනෙදි.
අන්තිමේදී උනේ මොකක්ද?
ආයෙමත් මේ රග දැක්වෙන්න යන්නෙ ඒ පරන නාඩගමමද?

සෝමරත්න දිසානායක උතුරෙත් කැම්පේන් එක කොලා නං?

2010-02-05T10:41:00.000-08:00

උතුරු නැගෙනහිර ආසන ටික රාජපක්ස උන්නැහෙ පරාද වෙලා තියෙන එක ගැන නියම හේතුව සෝමරත්න දිසා බොස් පහුගිය දා ප්‍රකාස කොලා.
කලාකාරයන් විදිහට උන්නැහෙලගෙ පනිවිඩේ උතුරට ගෙනියන්න බැරි උනාලු.ඒ හින්ද උතුරෙ මිනිස්සුන්ට ඇත්ත දැනගන්න තියන චාන්ස් එක නැතිවෙලා නොමග ගියාලු.
පහුගිය පලාත් පාලන චන්දෙ වවුනියාවේදි ආන්ඩුව පරාද වුනාම ගුනදාස මරුසේකර ලේඛකතුමා කියල තිබුන ඊටත් වැඩිය ආතල් කතාවක්.ත්‍රස්තවාදියගෙ පාලනේ යටතේ ඉදල හදක් මනසක් නැති සතුන් පිරිසක් බවට උතුරෙ මිනිස්සු පත්වෙලාලු.හදක් මනසක් නැති හින්ද හරි වැරැද්ද තෝරගන්න බැරිලු.ආන්ඩුව උතුරට මෙච්චර වැඩ කොරලත් හරියට කලගුන සලකන්න දන්නැත්තෙ හදක් මනසක් ඒ මිනිස්සුන්ට නැති හින්ද කියල උන්නැහෙ දිවඉන පත්තරේට ලියල තිබුන පුලාට මතකයි.
සෝමරත්න දිසාලයි ගුනදාසලයි පියදාසලයි සේරම හිතාගෙන ඉන්නෙ උතුරෙ මිනිස්සු කියන්නෙ හරක් ටිකක් කියල.උන් නොමග ගිහින් උන්ට "බුද්ධිය" දෙන එක තමන්ගෙ වැඩක් කියල මෙයාල හිතාගෙන ඉන්නෙ හරියට "සත්‍යය"දන්න එකම කස්ටිය මෙයාල වගේ.
කලාකාරයෝ කියල ලංකාවේ හදුන්වන උදවිය කල්පනා කරන විදිහ කොච්චර පටුද කියන එක පෙන්නන්න මීට වඩා උපහැරන ඕනෙද?

1.උතුරෙ මිනිස්සුන්ගෙ ඔලුවලට බෝම්බ අත් හරින කොට නොඇරුන දිසාලගේ කටවල්
2.උතුරෙ මිනිස්සුන්ගෙ ලමයි කම්බි වැටවල් වලට කොටු කරල උන්ව සරනාගතයො විදිහට ලෝකයෙන් වෙන් කරද්දි නොඇරුන දිසාලගෙ කටවල්
3.දෙමල භාසාවෙන් තමුන්ට දැනෙන දේ ලියුව හින්ද අවුරුදු විස්සකට දෙමල මාධ්‍යවේදින් හිරගත වෙද්දි නොඇරුන දිසාලගෙ කටවල්
4.කප්පම් ඉල්ලන්න ආරක්සක අංස වල සමහරුන්ගෙත් අනුදැනුම ඇතුව දෙමල මිනිස්සු කොලඹදී අන්තරස්දාන වෙනකොට නොඇරුන දිසාලගෙ කටවල්
5.ලොජ් වල උන්න දෙමල අය එක රැයෙන් කොලඹින් බලෙන් පිටමං කරන විදිහට ආරක්සක ලේකම් නියෝග දීල ඒ මිනිස්සුන්ගේ මූලික අයිතීන් කඩල දාද්දි නොඇරුන දිසාලගෙ කටවල්
6.දර්ශන් ධර්මරාජ් වගේ දෙමල නලුවො දෙමල උන හින්ද පොලිසියෙ අඩත්තේට්ටම් වලට ලක්වෙද්දි නොඇරුන දිසාලගේ කටවල්
මේ කටවල් වලට වඩා කානු කටවල් සහ කක්කුස්සි කටවල් සුවදයි කියල දෙමල මිනිස්සු දන්නවා.

දෙමල මිනිස්සු කියන්නෙ දකුනින් උතුරට බුද්ධිය එක්ස්පෝට් කරනකං හරි තීරනයක් ගන්න බැරිව ඉබාගාතේ යන මන්ද බුද්දික සෙට් එකක් නෙමේ.මේ චන්දෙදි දෙමල අය දුන්න තීරනේ නොදන්නාකමට නොමග ගිහින් දුන්න එකකුත් නෙමේ.එයාලට දැනෙන දේට එයාල රිඇක්ට් කරල තියෙනවා චන්දෙදි.
සිංහල ලමා චිත්තරපටිකාරයන්ගෙ උදවුව නැතිව හිතන්න වත් දෙමල මිනිස්සුන්ට බැහැ කියල හිතන එක තමයි මේ පුරස්න ගොඩක මුල.
දෙමලු කියන්නෙ හද මනස නැති,දෙකේ පංතියේ මෝල්ලු ටිකක් කියල හිතන් නැතිව ආත්ම ගෞරවයක් තියන කොමියුනිටි එකක් කියල දකුනෙ බුවාල තේරුම් ගන්නකං සුබ අනාගතේ අනාගතේටම කල්දාන්න වෙයි කියලයි පුලස්ති කියන්නෙ.

ලංකාව බහුවාර්ගික රටක්ද? - පුලස්තිගේ ගැඹුරු දේශපාලන විග්‍රහය

2010-02-05T10:34:00.000-08:00

ලංකාව හිංගල බෞද්ධ රටක්ද?බහුවාර්ගික බහු ආගමික රටක්ද කියන එක ගැන බ්ලොග් බුවාල කිහිප දෙනෙක් බර සාරෙට ලියන එකේ පුලාටත් හිතුන ටොපික් එකට එන්ටර් වෙන්න.
නුවර පාර ලියන ලේඛක උන්නැහෙට අනුව ලංකාව හිංගල බෞද්ධ රටක්.
එක කන්ඩිෂන් එකකට යටත් වෙලා පුලස්තිත් ලංකාව හිංගල බෞද්ධ රටක් කියල පිලිගන්න ලැස්තියි.
කන්ඩිෂන් එක තමයි - ලංකාව ෆුල් සිංහල රටක් නං සත වර්ස ගානක් මේ රටේ පැල පැදියම් වෙලා හිටපු දෙමල අයටත් වෙනම රටක් දෙන්න එකග වෙන්න ඕනෙ.
දෙමල අයටත් වෙනම රටක් දීල ඒ අයට එහෙ ජීවත් වෙන්න දෙන්න එකග නං ලංකාව සිංහල රටක්ය කියල පිලිගන්න පුලා ලෑස්තියි.
එහෙම වෙනම රටක් දෙන්න අකමැති නං මේක දෙමල උන්දැලගෙත් රට,අපි කාට කාටත් මේක අයිතියි කියල පිලිගන්න වෙනවා.
මොකද වෙන කාගෙවත් රටක දෙකේ පංතියේ ඩයල් විදිහට ලැගල ඉන්න කවුරුත් කැමති නැති හින්ද.

මේ පුරස්නෙ එනකොට ගොඩක් බුවාල දාන ගොං පාට් තර්කයක් තියනවා.
අමෙරිකාවෙ සිංහල අය ඉන්නවය කියල අමෙරිකාවෙ සිංහල රාජ්‍ය භාෂාව කොරනවද?
සිංහල අයත් අමෙරිකාවේ විදිහට හැඩගැහෙන්න ඕනෙ නේද?
ඒ වගේ දෙමල අය සිංහල විදිහට හැඩ ගැහෙන්න ඕනෙ සාමය උදාවෙන්න කියල හිතන බුවාල ඉන්නවා.

මේ බුවාල තේරුම් නොගන්න බේසික්ම සීන් එක තමයි යුරෝපෙ රටක සිංහලයන්ගේ කන්ඩිෂන් එකයි ලංකාවේ දෙමලුන්ගේ කන්ඩිෂන් එකයි එකක් විදිහට ගන්න බැහැ කියන එක.
යුරෝපෙ සිංහල අය උන්නට ඒ අයට පරම්පරා දෙකකට වැඩි ඉතිහාසයක් නැහැ.
ඒත් ලංකාවේ ඉන්න දෙමල අයට සත වර්ස ගානක ඉතිහාසයක් මේ රටේ තියනවා.
මේ දුපතේ පරන කාලෙ සිංහල රජවරුන්ගේ සිංහල රාජධානි වගේම දෙමල රජවරුන්ගෙ දෙමල රාජධානිත් තිබුනා.
ලංකාවෙ දෙමල අයිඩෙන්ටිටි එක මේ හින්ද යුරෝපෙ සිංහල අයිඩෙන්ටිටි එකට වඩා හෙන ගැබුරට කාවැදිල තියන එකක්.
සමහර විට තව දසක කීපයක් ගතවෙද්දි යුරෝපෙ සිංහල බුවාල කොමියුනිටි එකක් විදිහට එස්ටැබ්ලිෂ් වුනොත් ඒකට අනුව තමන්ගෙ ප්‍රතිපත්ති වෙනස් කරගන්න ඒ ඒ රටවල ආන්ඩු වලටත් සිද්ද වෙයි.ඔස්ට්‍රේලියාවෙ සමහර ප්‍රාන්තවල ප්‍රාන්ත භාසාවක් විදිහට සිංහල පාවිච්චි කරනව කියල පුලා අහල තියෙනවා.

කොහොම වුනත් දෙමල අයටත් මේ රටේ ලොකු උරුමයක් තියනව ඒ අයටත් මේ රට අයිතියි මේ රටේ සමාන අයිතින් ඒ අයටත් තියෙනව කියල පිලිගන්න ඕනෙ.
එහෙම පිලිගන් නැත්නම් තමන්ට දෙයියනේ කියල ජීවත් වෙන්න පුලුවන් වෙනම රටක් හදාගන්න එයාලට අවසර දෙන්න ඕනෙ කියලයි පුලා කියන්නෙ.
පුලා මේ අල්ලක් වගේ රට බෙදෙනවට කැමති නැති හින්ද මේ දෙකෙන් හොදම ඔප්ෂන් එක දෙමල අයගෙ අයිතිය පිලිඅරන් මේක ඒක වාර්ගික රටක් නෙමේ බහුවාර්ගික රටක්ය කියන ඉස්ථාවරේට යන එක හොදයි කියලයි හිතන්නෙ.

පුලස්ති ලියන ඒවයෙ ඉස්සර තිබුන ගැම්ම නැහැ කියල පුලස්තිගෙ යාලු බුවෙක් කිව්වා.
දෙමල උදවිය වෙන් කරල තමන් සුපීරියර් කියල හිතන්න සමහරුන්ට තියන ඇම්ම දැක්කම ලියන ඒවයෙ ගැම්ම නිකම්ම යනව කියල පුලස්තිට දැනෙනවා.
දෙමල මිනිස්සුන්ටත් මේ රට අයිතියි කියල පිලිගන්න එක කොච්චර සිම්පල් වැඩක්ද?
ඒ සිම්පල් වැඩේ කරල වලි නැතිව ඉන්න මෙච්චර පහසු මාර්ගයක් තියෙද්දි මේක අපේ විතරයි කියල බදාගෙන ගහ මරා ගන්න අපේ බුවාලට තියෙන ආසාව බස් වල යන ඇන්ටිලාට ජැක් ගහල මෝඩ ආතල් ගන්න තියන ආසාවටත් වඩා විකෘති ආසාවක් කියලයි පුලා හිතන්නෙ.

pulasthi returns!

2010-01-29T12:20:00.000-08:00

චන්දෙදි පැරදුන පැත්තට සපෝට් එක දුන්න නිසා පුලා පහුගිය ටිකේ හිටියේ මුඛයයි අධෝමුඛයයි ගෙදරයි කාමරේ දොරයි සේරම වහගෙන ඔලුවත් වහගෙන රෙද්දක් පොරෝගෙන හිතේ බයෙන්.
මා වැනි බිලින්දා - මරුවා යයිද කැන්දා සීන් එකක් වෙයි කියල පුලස්තිට හිතුනෙ චන්ද කැම්පේන් එක චන්ද කැම්පේන් එකක් නොවී මාර යුද්දයක සයිස් එකට අන්තිම දවස් කීපයේදී පත් උන හින්ද.සරත් බොස් හිටපු හෝටලේ වටකරල මොකක්දෝ කෙලියක් කලා කියල ආරංචි වුනාට අපරාදෙ කියන්න බැහැ අපි වගේ නෝමල් පොරවල් වලට නං කියන්න තරම් කරදරයක් වුනේ නැහැ ඔන්න.කරදරයක් නොකරන බව දැනං උන්න නං පාරට බැහැල ආතල් එකේ කිරිබත් කෑල්ලක් ගිලින්න තිබුන නේද කියල හිතල පුලාගෙ හිත විස්සෝප වුනා.
ප්‍රභාට කෙල වුනාමත් අපි කිරිබත් කනවා.
ප්‍රභාට කෙලවපු එකාට කෙලවුනාමත් අපි කිරිබත් කනවා.
ලුනු මිරිස් එක්ක කිරිබත් හරි රහයි නේද?
ස්වාධීන මැතිවරන කොමිසොම් නොතිබ්බට සාමකාමී විදිහට චන්දෙ කොරල අපේ මහරජතුමා අපිට හොද ආදර්සයක් දීල තියෙනවා.

මේ ගැන හිතල සන්තෝසෙන් ඉන්න කොට පුලාගේ බොක්ක මුරා ඇවිත් එක එක කුනු කතා කියන්න ගත්තා.
- ෆොන්සේකා බොස් ආරක්සක කටයුතු ගැන සංවේදී දේවල් හෙලි කල නිසා අත් අඩංගුවට ගන්න යනවලු -
- ෆොන්සේකා බොස්ගෙ ආරක්සක බටයො සෙට් එකක් හිරේට අරගෙන පාර මැද දන ගස්සලා තිබ්බලු -
- ලංකා ඊ නිව්ස් එකේ මාධ්‍යවේදි උන්නැහෙ කෙනෙක් ආ ගිය අතක් නැතිලු -
- ලංකා ඉරිදා එකේ කර්තෘ මහත්තයා හිරේලු -
- සුසිල් අධ්‍යාපන තුමාගෙන් බැසිල් ගැන අහපු විදේස මාධ්‍යවේදිනිට සියරටට නොමිලේ ටිකට් එකලු-
( බැසිල්ට රිදෙන්න විසිල් කරාම සුසිල්ට තද වෙන බව විදේස කුමන්ත්‍රනකාරයෝ දැන්වත් දැන ගන්න ඕනෙ )
- සෝමවංස උන්නැහෙට ආරක්සක ලේකම්තුමා කෝල් එකක් දීල සද්දෙ දාලලු-
ලු ලු ලු.මේ වගේ "ලු" ආරංචි එනකොට පුලාගේ කනට ටැබූ ලොක්කා ගේ කටහඩ ඇහෙන්නා ඇහෙන්නා වගේ උනාලු.
- දත මැද ගනින් රාලේ -
- දත මැද ගනින් රාලේ -
වහාම වැසිකිලියට වැදිල හොදට දෙතුන් පාරක් දත් මැදගත්ත පුලස්ති එලියට ආවෙ අනේ මම නං මුකුත් කලේ නැහැ මම සපෝට් කලේ අසෝක සුරවීර මහත්තයගේ පොල් ගෙඩියට වගේ මානසිකත්වයකින් හරිම සැහැල්ලුවෙන්.

ඒ උනාට කොච්චර දත් මැද්දත් කට කහන ගතියක් දැනෙන හින්ද මේ ටික විතරක් (රහසින්)කියන්නම්.
මහරජතුමා චන්දෙ හදිස්සියෙ කෝල් කලේ මුදාගත්ත ප්‍රදේස වල අයගෙ ජනමතේ දැනගන්නලුනෙ.හරිම උතුම් චේතනාවක් නෙව තිබිල තියෙන්නෙ.
හැබැයි උතුරෙ බුවාල රජතුමානන් වහන්සේ තමන් වෙනුවෙන්ම හදිසියේ මහ වියදමක් කරල කෝල් කරපු චන්දෙ තඹ සතේකට ගනන් අරගෙන නැහැ වගේ නෙව පේන්නෙ.
බාගෙට බාගයක් උදවිය චන්දෙ දීල නැහැ.
දුන්න උදවිය කෙලින්ම වෝට් කොරල තියෙන්නෙ විපක්සෙට.
උතුරු නැගෙනහිර එක ආසනයක්වත් රජතුමා දිනල නැහැ.
උතුරෙ ජනමතේ දැනගන්න කොරපු මිසන් එක ටිකක් චාටර් වෙලා වගේ නේද?
උතුරු වසන්තෙ තාම උදා වුනේ නැද්ද මන්ද.
ක්‍රලලක් ක්‍රලලක් කට කට ක්‍රලලක් ක්‍රලලක් කට කට

රහස ඉවරයි.
මේ ටික දැන් මම ප්‍රසිද්දියේ හයියෙන් කියනවා.
තමන්ව කොටි ග්‍රහනයෙන් මුදාගත්තු වීරෝදාර නායකයාට කලගුන සලකන්න නොදන්නා උතුරේ ගුනමකුවන්ට සාපවේවා!සාපවේවා!සාපවේවා!

නාමල් මගෙ බබෝ - කලබල වෙන්න එපෝ!

2010-01-15T12:14:00.001-08:00

ආදරනීය නාමල් බබා වෙත ලියමි

බබා ලන්ඩනයේදි එමිලි කාන්තන් එක්ක ගත්ත පින්තූරේ පබ්ලික් කොරන්න මංගල සමරවීරයි ජේවිපි බුවාලයි බුදු ගේමක් අරගෙන යන බව පුලාට ආරංචි උනා.බබාට මේ පොරවල් කොරන නොපනත්කම හින්ද ඇඩෙන්න එනවා කියල හිතෙන හින්දයි මේ ලියුම ලියන්නෙ ඔන්න.
නාමල් බබා හෙට රජවෙන යුවරජු විදිහට එමිලිකාන්ත්ව හම්බුන එක ගැන පුලාගෙ කිසි අප්සෙට් එකක් නැහැ.රජිනිකාන්ත් වගේ හැන්ඩ්සම් ලුක් එකක් නැති උනත් එමිලිකාන්ත් මාර අයිටම් එක කියල පින්තූරෙන්ම පේනවා.ලන්ඩන් වල හම්බෙලා පොඩි අඩියක් එමිලිකාන්ත් එක්ක ගහලා මොන දේ බබා කතාකලත් ඒකෙ කිසි වරදක් පුලා නම් දකින්නෙ නැහැ ඕන්න.තමන් කැමති පොරක් එක්ක ටෝක් එකක් දාල ආතල් එකක් ගත්තම තියන වැරැද්ද මොකක්ද?නේද?

ඒත් බබා එකට ෆොටෝ ගහන්න ගිය එක තමයි පොඩි කොස්සකට තියෙන්නෙ.
බබාගෙ අප්පච්චිත් බබා වගේම ඕනෙ එකෙක් එක්ක සෙට් වෙන මනුස්සයා.හැබැයි අප්පච්චි බබා වගේ පොටෝ ගහන්න යන්නෙ නැහැ.2005 කොටි බුවාලත් එක්ක පොඩි ඇයි හොදයියකට අප්පච්චිලා ට්‍රයි කලා කියල මංගල බුවා කිව්වට ඒව ඔප්පු කොරන්න පෲෆ් ඒ බුවාට නැත්තේ බබාගෙ අප්පච්චි මොන යකා එක්ක ටෝක් කලත් ඒවා ක්ලෝස්ඩ් ඩෝස් පස්සෙ පොටෝ නොගහ කොරපු හින්ද.

දැන් බබා බයවෙලා ඇති මේ වැඩේ පත්තු වුනොත් අප්පච්චිගෙ චන්ද වැඩේට කෙලවෙයි කියල.(අප්පච්චිට කෙලවුනොත් බබාටත් කෙලවෙනවා නෙව)
ඒ උනාට මේ තකහනියෙ පුලා මේ ලෙටර් එක ලියන්නෙ කලබොල වෙන්න කාරියක් නැති බව දන්නන්න.
ඔය පින්තූරේ කොපි සේරම අද බෙදල දුන්නත් ඕක ගැන මෙන්සන් පාරක් දැම්මෙ සිරසෙ උන්නැහෙලා ටික විතරයි.සුවර්නවාහිනියේ මධ්‍යස්ථ මීඩියා පොරවල් නිකමටවත් ඒ ගැන මෙන්සන් කොරේ නැහැ.අනිත් උන්දැලත් එහෙම තමයි.අප්පච්චිගෙ දන්සැල් වලින් කාල මේ මිඩියා පොරවල් කෙලෙහි ගුන හොදට තියනවා.එමිලිකාන්තන් ඉන්න පොටෝ එකක් නෙමෙයි ,බබා එමිලිකාන්තන්ගෙ කරට අතදාගෙන ඉන්න පොටෝ එකක් දීල සල්ලි ගෙවුවත් මේ මීඩියා පොරවල් නං කපේකට ඔය පින්තූරේ දාන්නෙ නැහැ.
ඕක වැඩිම වුනොත් ලංකා පත්තරේ රාවය ඉරුදින වගේ පත්තර පඩංගු කීපයක යයි.ඕව කවුරුත් වැඩිය බලන එකක් ඇයි.
උත්තරයක් දෙන්නම ඕනෙ වුනත් බබා දෙන්න උත්තරයක් තියනවා.
ලංකා පත්තරේ = ජේවීපි
ඉරුදින = යූඇන්පී
රාවය = කොටි / ඇන් ජී ඕ
රටට කෙලවන්න බලාගෙන ඉන්න සෝමවංස රනිල් සම්බන්ධන් හවුල ඩුප්ලිකේට් විදිහට පින්තූරයක් හදල කරන කුමන්ත්‍රනයක් මේක කියල වීරවංස වගේ ඩයල් එකක් ලව්වා ටිවි ප්‍රෝග්‍රෑම් දෙකක හොද සද්දෙට කිව්ව නම් වැඩේ නිකම්ම යට යයි.

නැත්තං මෙහෙමත් පුලුවන්.
එමිලිකාන්ත්ව බබා හම්බුනේ මහින්ද චින්තනය ගැන කියල දෙන්න කියල කියන්න.එමිලිකාන්තන් රටේ ඒකීය භාවය පිලිගන්න පොරොන්දු වුනා හරි මොකක් හරි කටට එන කෙහෙල්මලක් කියල දාන්න.කරුනව,පිල්ලෙයාන්ව,කේපීව දමනය කොරපු රාජපක්ස පවුලට එමිලිකාන්තන් පොරක්ද කියල සූරියප්පෙරුම වගේ කට හැකරයෙක් ලව්වා හතර පස් පාරක් කියවන්න.
ඊලගට එමිලිකාන්ත්ගේ සල්ලි ගත්තෙ රටේ සංවර්ධනේට කියල ඊලග ඇසිදිසි විද්යුත් මාධ්‍ය කතිකාවතේ ඔය කවුරු හරි ආර්ථික විද්‍යා බුවෙක් දාල කියවන්න.ගෝලීය ආර්ථිකේ කඩන් වැටෙද්දි ලංකාවේ 3 % ආර්ථික වර්ධන වේගේ රදවගත්තෙ ඔය සල්ලි වලට පින් සිද්ධ වෙන්න කියල කොලඹ විස්ස විජ්ජාලෙ ධම්ම දේශපාලනාචාර්ය තුමාගේ ලස්සන භාසාවෙන් දිවයිනට ලිපියක් ලියව ගන්න.
ඔන්න බබෝ ගොඩ යන විදි!
බබාගෙ නිල් බලකායෙන් මැරුනා කියන ආච්චි අම්මා ගෙදර ගහගෙන ඉන්නෙ බබාගෙ අප්පච්ච්ගෙ පින්තූරෙය ඒ මරල තියෙන්නෙ පුද්ගලික කෝන්තරේකටය කියල කිව්වම ඒකත් පිලිගන්න බුවාලා ඉන්න රටක් නෙව මේක.පත්තරේක වැටුන පස්සෙ පැහැදිලියෙන් රිජෙක්ට් කල නිකම්ම නිකම් පේපර් රිපෝට් එකක් බේස් එක කොරගෙන අන්තර්ජාතික අධිකරනයේ නඩුවක් පවරන්න යනව කියල කිව්වම ඒකත් රස කර කර ගිලින බුවාල ඉන්න රටක් නෙව මේක.
හිතට එන ඕනෙ මගුලක් දෙයියම්පා සහතික ඇත්ත වගේ ඇස් ලොකු කරගෙන.ගිරිය පුප්පගෙන කියල දාන්න පුලුවන් වීරවංස,සුරියප්පෙරුම වගේ හොද ගෝලයො සෙට් එකක් රජතුමාට උපදෙස් දෙන රටක්නෙ මේක.
ඒ වගේ ආසාවෙන් ටොපී ගිලින බුවාල ජීවත්වෙන,හොද රහට ටොපී ගිල්ලවන දස්සකමත් තියන බුවාල රජකම් කරන රටක මොනවද නාමල් බබෝ කරන්න බැරි?

ඒ හින්ද බබා බය වෙන්නෙ නැතිව ඉන්න.ඔය පින්තූරේ ගැන අඩ අඩා නොකා නොබී ඉන්නෙ නැතිව බුදුන්ට පහනක් පත්තු කරල හිතේ සැහැල්ලුවෙන් ටොයිලට් ගිහිල්ල නිදාගන්න යන්න.
බබාට තවත් උපදෙස් ඕනෙ නම් මේ පුලස්තිට වහාම කෝල් එකක් දෙන්න.
081 223 46 23

ඔබේ සේවයට ලැදි
- පුලස්ති අයියා

පුලස්තිගේ අති විශේෂ හෙලිදරවුව!

2010-01-15T11:01:00.000-08:00

හිතාදර දෑ හිතකාමී බ්ලොග්කරුවෙනි,

පුලස්තිගේ මේ සූදානම රටට වින කොරන මහා දේශද්‍රෝහී පාවාදීමක් හෙලිකරන්න!ඒ හින්ද උඩට ගත්ත හුස්ම ආයෙ හෙලන්නෙ නැතිව මේකට හොදට සවන් දෙන්න.
ආන්ඩුවයි කොටි සංවිධානයේ ජාත්‍යන්තර අංසෙයි මහ බරපතල හවුලක් ඇතිකරගෙන තියෙනව කියල පුලස්ති වගකීමෙන් කියනවා.
මේ එකගතාවෙ ඇති වෙලා තියෙන්නෙ පහුගිය සති කීපය ඇතුලෙ.
පුලස්ති මේ නිගමනේට ආවෙ මේ කියන කාරනා උඩ.

1.කොටි සංවිධානෙට උදවු කලා කියල දෙමල ජාතිවාදය වැපිරුවා කියල ආන්ඩුව හිරේට අරගත්ත තිස්සනායගම් කියන කොටි හිතවාදී බෙදුම්වාදි මාධ්‍යකරුවා ආන්ඩුව නිදහස් කොරලා.කොටි මාධ්‍යකරුවන්ව එකපාරට නිදහස් කොරන්න ආන්ඩුව කටයුතු කොරන්නෙ මොකටෙයි?

2.යාපනේ ඇදිරි නීතිය අයින් කොරන්න දවස් කීපයකට උඩදි තීන්දු කොරල තියෙනවා.ජාතික ආරක්සාවට කෙලවෙන මේ වගේ පියවර ආන්ඩුව ගන්නෙ මොකටෙයි?

3.අධි ආරක්ෂිත කලාප වල ආයෙ මිනිස්සු පදිංචි ‍කොරන්න ආන්ඩුව කටයුතු කොරනව කියල පහුගිය දවස් වල ඉංගිරිසි පත්තර වල දාල තිබුන කියල පුලාට ආරංචි උනා.මේ වගේ කොටි සංවිධානෙට ආයෙ හිස ඔසවන්න ඉඩ දෙන වැඩ ආන්ඩුව කොරන්නෙ බම්බුවටද?

4.ඉංගිරිසි පත්තර වල චෝදනා නැති කොටි සැකකරුවන් නිදහස් කරන්න යනව කියලත් ලියල තිබුනලු.චෝදනා නැති උනාට මුන් කොටි නෙව.හැම චෝදනාවම ඔප්පු කරන්න පුලුවන්ද?මේ අය ත්‍රස්තවාදෙ වැලැක්වීමේ පනත යටතේ ආරක්සක ලේකම්තුමාගෙ නියෝග උඩ රදවල තිබ්බෙ නිකම් ඇයි?තඹ සතේක වැඩක් නැති,ස්ත්‍රී දූසන කරපු,විනයක් නැති සරත් බොස්ව යුද්දෙ දිනන හමුදාපති කෙනෙක් බවට පත්කොරපු ඒ අති දක්ෂ ශ්‍රේෂ්ඨ ආරක්සක ලේකම් මැතිදා නිකම් මිනිස්සුන්ව හිරේට දානවද?ඒ අය කොටින්ට ගෑවුන අය.ඒ කොටි සැකකරුවන් නිදහස් කොරාම අම්මේ මාර විනාසයක් නෙව වෙන්නෙ.දැන් ගිහින් හංගල තියෙන ආයුද ගොඩ අරගෙන ආයෙ යුද්ද කරන්න පටන් ගනියි.

5.ඊපීඩිපි සංවිධානෙ එක්ක ජනාධිපති චන්දෙට රජතුමා එකගතාවෙකට ඇවිල්ල තියනවා.ඒ එකගතාවෙ ගැන ඒ සංවිධානෙන් කොරපු ප්‍රෙස් රිලීස් එක තාම කවුරුත් රිජෙක්ට් කොරල නැහැ.ඒකෙන් උතුරු නැගෙනහිර දෙමල නිජබිම කියල පිලිගන්නවා,ස්වයංපාලන කලාපයක් දෙනවා කියල සදහන් කොරල තියෙනවා.
ඊයෙ සිරසට ආපු දත් දොස්තර පරාජිත තමන් 13 + පිලිගන්න බව කිව්වා ප්‍රසිද්ධියේ.13 වෙනි සංශෝධනෙන් එහාට ගියාම රට ඒකීය නෙමෙයි.ෆෙඩරල්.
සංඥාව ෆෙඩරල් මොකද කියන්නෙ ජෙනරල් කියල අහපු කසාපබ්බත කොල්ලෝ ලාල්කාන්තගෙ කොන්ද ගැන අහන්න ඉස්සෙල්ලා ඔය කොල්ලගෙ කොන්ද පෙන්නන්න දැන් ලියමුකො ලිපියක් 'සංඥාව සන්ධීය මොකෝ කියන්නේ මහින්දය!' කියල.

මේ කරුනු දිහා බැලුවම මහා කුමන්ත්‍රනේක ඉව පුලාට දැනෙනවා.විපක්සෙ ඔය කාරනා ( කොටි සැකකරුවන්ගෙ පුරස්නෙ,අධි ආරක්සිත කලාපෙ පුරස්නෙ.තිස්සනායගම් උන්නැහෙගෙ පුරස්නෙ) ගැන කතා කරද්දි ඒක කොටි කුමන්ත්‍රනයක් කියලනෙ කිව්වෙ.දැන් කුමන්ත්‍රනේ කොන්ත්‍රාත් එක විපක්සෙන් ආන්ඩු පක්සෙට බාර දිලා.
(සමහර විට ඒක කොලේ කේපී බුවා වෙන්න ඇති).
කැලේ ගහක් නහන්න අධිරාජ්‍යවාදීන් ක්‍රිස්තියානි යටත්විජිතවාදීන් යුදෙව් ග්‍රීක මූලධර්මවාදීන් යොදාගන්නෙ කැලේ ගහක්මලුනෙ.දැන් ආන්ඩුවේ ජය නහන්න ආන්ඩුවම යොදාගන්න බෙදුම්වාදී කොටි කුමන්ත්‍රනකාරයෝ වැඩ කරනවා.

රටට ජාතියට බොක්කෙන්ම ආදරේ හින්ද ඔන්න කුමන්ත්‍රනේ පුලා හෙලිකලා.
මේ කුමන්ත්‍රනේ බයානකයි.(දැනටමත් පුලස්තිගෙ ඇගේ මවිල් කෙලින් වෙලා )
රනවිරුවන් හෙන ගේමක් දීලා දිනාගත්ත රට පාවලා දෙන්නයි යන්නෙ!
කසාපබ්බත කොල්ලෝ මල කෙලියයි.නිලන්ත බොස් එක්කම නැගිටිනු!
රට ජාතිය බේරාගමු!
මිගාර දොස්තර මහත්තයෝ ‍ලෙඩ්ඩු සෙට් එකත් එක්කම අවදි වනු!
කුමන්ත්‍රනේ පරදවමු!
සිංහල රටට මෙහෙම කෙලවන හැටි තවත් නං බලාගෙන ඉන්ඩ පුලුවන්ද හැබෑටම!

- මීට
දේශප්‍රේමී,
සිංහල,
බෞද්ධ,
පුලස්ති

මහා ආයුද හොරකම - ආන්ඩුවේ කැම්පෙන් එකට කෙලවන තුරුම්පුව

2010-01-09T12:04:00.000-08:00

ෆොන්සේකා බොස්ගෙ ආයුද හොරකමක් ගැන ආන්ඩුව බෙරිහන් දෙන බෙරිහන් දිවිල්ල ආන්ඩුවට වාසිය කියල සමහර බුවාල හිතුවට පුලස්තිගෙ අයිඩියා එක නං ඕක ආන්ඩුවට පට්ට අවාසියි.

සරත් ෆොන්සේකා උන්නැහෙට සිවිල් දේශපාලකයෙක්ගේ ලක්ෂන නැතෝ කියල උන්නැහෙ ආපු ගමන් කටිටිය බෙරිහන් දෙන්න පටන් ගත්තා.
උන්නැහෙට දේසපාලන පලපුරුද්දක් නැතෝ කියල ඔන්න ආයෙත් කැ කොස්සන් ගහන්න පටන් ගත්තා.
පුලස්තිට තේරෙන විදිහට ආන්ඩුවේ කැම්පේන් එක සම්පූර්නයෙන් බේස් වෙලා තිබුනෙ ඔය පලපුරුද්දෙ කතාව මත.

හැබැයි අවාසනාවකට.එච් ටී ටී පී.( තිත් දෙකයි.ඉරි දෙකයි ) සොරි ඩොට් කොම්!
දැන් නම් ආන්ඩුව නාගෙන තියෙනවා.
පුලා හිතන්නෙ ආන්ඩුවට ඉන්නෙ ගොං උපදේසක සෙට් එකක්.මහරජතුමාට මහ මෝඩ උපදෙස් නෙව දෙන්නෙ.
දැන් හැමෝම කෑ ගහන්න පටන් ගෙන ඔන්න සරත් ෆොන්සේකා බොස් ආයුද හොරකම් කලා කියලා.
ෆොන්සේකා ලොක්කා හොරකම් කලා කියන වාරයක් වාරයක් ගානේ වදින්නෙ ෆොන්සේකා බොස්ට නෙමේ ආන්ඩුවේ කැම්පේන් එකේ පදනමට කියල මේ උපදේසක බුවාලට තේරෙන්නෙ නැද්ද හැබෑටම.

අවුරුදු ගනන් දේසපාලනේ තෙම්පරාදු වෙලා අපේ මන්ත්‍රී බුවාලා හොදම පලපුරුද්ද අරන් තියෙන්නෙ මොකටෙයි?
අහු නොවී හොරකම් කරන්න මිස වෙන මොකටද.
මාවිල්ආරු වන්දි ටිකේ ඉදල රොහිත අබේගුනවර්ධන සෑර්ගේ වත්කම් ප්‍රකාසනේ වෙනකම් බාල විදිහට ගෙනාපු ඉන්දියන් බෙහෙත් කුප්පිවල ඉදල කොන්ත්‍රාත් පිටට දීල පාලම් හදපු එක වෙනකම් - අනේ අම්මේ කොයි තරම් නං ලිස්ට් එකක්ද?ඕවා ගැන කියනව විතරයි නෙව.එක හොරකමක්වත් ඔප්පු උනේ නැහැනෙ.
දැන් බලන්නකො ආන්ඩුවම කියන හැටියට ෆොන්සේකා බොස්!
රෝහිත අබේගුන බොස්ලා කැලේ.
ලෝකේ හොදම ආරක්ෂක ලේකම්,ලෝකෙ කාර්යක්සමම ජනාධිපති - මේ හැමෝගෙම කනට විදල ආරක්සක ලේකම් සබාපතිකම් කොරන ලොජිස්ටික් එකත් ගොනාට අන්දල 2005 ඉදල අවුරුදු 3ක්ම මාර ගේමක්නෙ දීල තියෙන්නෙ!
අවුරුදු තුන හමාරක් කොරපු හොරකම ගැන දැනුයි යම්තම් ආන්ඩුවෙ ඇත්තොන්ට ඉගියක්වත් දැනිල තියෙන්නෙ.ඒ ඇවිල්ලත් ඒක උසාවියේ ඔප්පු කරන්න බෑ.ඒකනෙ උසාවි නොයා ටීවි ගානේ විවාද කර කර රස්තියාදු වෙන්නෙ.
කොච්චර සූර හොරකමක්ද?
දේසපාලකයෙක් වෙන්න මීට වඩා හොද සුදුසුකමක් තවත් මොකටෙයි ඉතින්?
සිවිල් දේසපාලකයෙක් වෙන්න ෆොන්සේකාට සුදුසුකම් නැහැ පලපුරුද්ද නැහැ කියල ආයි ඇමති කෙනෙක් කටක් ඇරල කියන්නෙ කොහොමද කිව්ව නං දැන්?
මේකෙන් වෙන්නෙ ආන්ඩුවේ කැම්පේන් එකටම වදින එක නේද?

ඊලග මෝඩ කතාව තවත් උන්නැහෙ කෙනෙක් කියපි.
රටට හිනා මූන දාගෙන හිටියට බිත්තර ආප්ප 40ක් කන්න ගෙනාවම ෆොන්සේකා බොස් ඒකෙන් 39ක් සේවකයගේ මූනට ගහනවලු.
මේවා කිව්වම අවාසිය ආන්ඩුවටමයි කියල පුලා හිතන්නෙ.
රජතුමා හිනා මූන දාගෙන කරන වැඩ බලමු.
තමන්ගෙ ගෝල බාලයො ලව්වා ලීෆ්ලට් බෙදන උන්ට කෙලිනවා.
පෝද්දල ජයන්ත බොස්ගෙ කකුල් දෙකට කෙලිය.
ලසන්ත බොස්ව සෙත්තපෝච්චි කලා.
කීත් නොයාර් උන්නැහෙට රට යන්න වැඩ සැලැස්සුවා.
බලාගෙන ගියාම මේ වගේ අපත වැඩ කොරන්න රජතුමාට තියෙන පලපුරුද්ද ෆොන්සේකා බොස්ටත් හොදට තියෙනව නෙව.
රජතුමා වගේ අනුන් ලව්වා නෙමේ ගහන්න ඕනෙ බිත්තර ආප්පෙ තමන්ම මූනට කෙලල අරිනව.
නිර්භීත දේසපාලකයෙක්ගේ ලක්සනයක්!

ඒ හින්ද පුලාගේ නිගමනය-
ආන්ඩුවේම ප්‍රචාර අනුව ෆොන්සේකාට සිවිල් දේශපාලකයෙක් වීමේ සුදුසුකම් හා පලපුරුද්ද නැහැ කියන අදහස බිද වැටී තිබේ.
රජතුමා තරම්ම දේසපාලකයන්ට අවශ්‍ය කොරන ගුනාංග වලින් ෆොන්සේකා බොස් සපිරිය.
දේසපාලන පලපුරුද්ද නැහැ කියල හිතල ෆොන්සේකා ට චන්දෙ දෙන්නෙ නැහැ කියල හිතාගෙන උන්න කොල්ලෙනි - පෝලිම් ගහල චන්දෙ දීපල්ලා.
මෙන්න නියම පලපුරුදු දේසපාලක නායකයෙක්!

පබා බබා මන්ද නොබා - වගේ නොවුනෙ අබා?

2010-01-07T01:48:00.000-08:00

ෆොන්සේකා බොස්ට සහය පල කරපු හින්ද පබා එකේ පබාට කෙලවෙන්නලු යන්නෙ.පබා එකෙන් පබා ව ඩිසපියර් කරල වෙන බබා කෙනෙක් දාන්න යනව කියල පුලාට ආරංචි උනා.පබා එකේ පබා නැති උනාම ඒක තවදුරටත් පබා එකක් වේවිද?මේ ගැන හිත හිත ඉන්නව මිස පුලස්තිගේ වයිෆ් මේ ටිකේ හරියට උයන්නෙවත් නැහැ.
පබා ඇඹරි ඇඹරි හෝමාගම ස්ටේජ් එකේදි සරත් බොස්ට තොදොල් බසින් සහය පල කලාට පස්සෙයි මේ ඇබැද්දිය වෙලා තියෙන්නෙ.
පබා වගේ ලද බොලද සුකොමල සියුමැලි තරුනියක් සරත් බොස්ට සපෝට් කරනව කීවම රජතුමාගේ ගෝල බාලයෝ මේ තරම් කලබල වෙලා තියෙන්නෙ ඇයි?
පබා වගේ කෙනෙක් වෙනුවට සිරා කලාකාරයෙක් අනිත් පැත්තට කතා කලොත් එහෙනම් කොහොම කලබොල වෙයිද?

විරුද්ධ පැත්තට කිසිම කලාකාරයෙක් නැහැ කියල ජනාධිපති උන්නාන්සේගේ කලාකාර පෙරහැරේ නිලමේ කෙනෙක් වන සෝමරත්න දිසා ලොක්කා ටික දවසකට උඩදි චැලෙන්ජ් කලා.දැන් ඒ විදිහට විරුද්ධ පක්සෙ වෙනුවෙන් ඉදිරිපත් උන කෙනාටත් කෙලල ඇරල.
තමන් එක්ක නැති අනෙත් කලාකාරයෝ ලපයි සිපයි කියල උන්නැහෙම 2005 දි කිව්ව පුලාට මතකයි.
මහින්දට බටර් ගෑම = සංවේදීකම
මහින්දට බටර් නොගෑම = ලපයි සිපයි වීම.
සොම්මරේගෙ මේ සූත්තරේ පුංචි සුරංගනාවි චිත්තරපටිය බලල හිනා වෙන පුංචි පැංචියන්ට හොදයි.

පුලා අහන පුරස්නෙ තමයි චන්දෙවත් හරියට තියෙනවද කියල ෂුවර් නැති පමුදි කරුනාරත්න ලදැරියට රජතුමාට බටර් ගාන්න පුලුවන් නං පබා බබාට සරත් බොස්ට බටර් ගාන්න බැරි මොකද කියන එක.
මේ ටිකේ විරුද්ධ පක්ස කාර්යාලවලට එලව එලව ගහනව.මේවගේ නිව්ස් අයිටම් දෙක තුනක්වත් අනිවාර්යෙන් ටිවි එකේ යනවා.
රැස්වීම් තියන්න දුන්න ලැයිසොන් කැන්සල් කරනවා.
රජයේ ටිවි වල සංවාදෙකට බෙහෙතකටවත් විරුද්ද පක්සෙ පොරකට ආරාදනා නැහැ.
කැලනිය ආසනේ ලීෆ්ලට් එකක් බෙදන්නවත් විරුද්ද පක්සෙකට ඉඩක් නැහැ.
අපේ රජ්ජුරුවො ඇත්තටම විරුද්ධ අදහස් වලට ඔය තරම් බය මොකද?
අබා එකේ අධිපති තැන්පත් ඇන්තනි ගරු තැන ජනමූල නායකයද මොකක්ද එකක් කීවෙ මේ වගේ කෙල්ලන්ටත් බය වෙන පොරකටද?
රජ්ජුරුවො ෂුවර් ෂොට් දිනනව නං - ජනතාව කෙලෙහි ගුන සලකයි කියල ෂුවර්ම නං - සරම කැහැපොට ගහගෙන ඔච්චර නටන්නෙ මොකටද?
භූමිතෙල් ගාපු ගැරඩි වගේ ගෝල බාලයෝ මෙච්චර නලියන්නෙ මොකටද?
පුලාට නම් මේව දකිද්දි මතක් වෙන්නෙ මරනය පෙනි පෙනී වියරු වැටිල දගලන සතෙක්ව.
සාධාරන ශ්‍රි ලංකා කාරයොන්ට මේ වගේ වනචර වැඩ අනුමත කරන්න පුලුවන්ද?