ජනාධිපති චන්දෙයි උතුරේ අයගේ චන්දෙයි පුලස්තියි

උතුරේ චන්දෙ දෙන්න සුදුසුකම් තියන මහ විසාල සෙනගකට මේ පාර චන්දෙ දෙන්න බැරි වෙන සින් එකක් තියෙන්නෙ කියල අද පත්තරවල තිබුන.
අවතැන් උන අයගේ ඇඩ් එක මෙතන ප්‍රධාන පුරස්නයක්ලු.
උතුරෙ අවතැන් අයටයි තව ගොඩකටයි අයිඩෙන්ටි කාඩ් නැති එක ලොකු අවුලක් වෙලා තියෙනව කියල මැතිවරන නිරීක්සක මහත්තයෙක් කියල තිබ්බ.තාවකාලික අයිඩෙන්ටි දෙනව කියල කිව්වත් ලක්ෂ ගානක සෙනගකට මාසෙකින් ඒව දීල ඉවර කරන එක ප්‍රැක්ටිකල් නැති හින්ද ( අපේ රාජ්‍ය අංශෙ වැඩ ඉතින් අපිනෙ දන්නෙ) මල කෙලියක් වෙයිලු.පැෆරල් එකයි කැෆේ එකයි කියන විදිහට උතුරේ 50%කට විතර චන්ද වැඩේ කොරවෙන සිද්දියක්ලු තියෙන්නෙ.

ජනාධිපති චන්දෙ අවුරුදු දෙකක් කලින් ගත්තෙ ඇයි?
මේකට උත්තර දුන්න මහරජානෝ කිව්ව දේ පුලාට හොදට මතකයි.
එක්සත් කොරපු රටේ හැමදෙනාගේම කැමැත්තෙන් බලේට එන්න උන්නැහෙට ඕනෙකම තියෙන හින්ද උතුරෙ අයගෙ කැමැත්තත් එක්ක ආයි රජවෙන්න එතුමට අවශ්‍ය උනාලු.
ඒක නං එතුමගෙ අරමුන ඒ එක්සත් කරපු රටේ උතුරෙ මිනිස්සුන්ට චන්දෙ දෙන්න ඕනෙ වටපිටාව හොදට හදලම චන්දෙ කෝල් කරන්න තිබුනනෙ?
අයිඩෙන්ටි පුරස්න විසදලා ජනමතේද මොකක්ද එක හොදට ප්‍රකාශ වෙන පරිසරේ හදල නෙව චන්දෙට යන්න තිබුනෙ.
මේ කඩිමුඩියෙ චන්දෙ කෝල් කොරපු හින්ද අන්තිමට අයිඩෙන්ටි පුරස්න එකක්වත් විසදෙන් නැතිව 50%කට චන්දෙ නැති වෙන එක හෙන අපරාධයක් නෙමේද?

අපෙ මලයගෙ පොඩි උන්ට ටියුෂන් දෙන රූබන් ගනිත කොටා නං කියන්නෙ වෙන කතාවක්.
පොර කියන විදිහට 82 ජේ ආර්ගෙ කාලෙ යාපනේ දින්නෙ කොබ්බැකඩුව‍ ලොක්කා.
88 ‍ප්‍රේමදාසගෙ කාලෙ සිරිමාවෝ.
94 යූ ඇන් පී කාලෙ චන්ද්‍රිකා.
99 චන්ද්‍රිකාගෙ කාලෙ රනිල් බොස්
05 සන්ධාන ආන්ඩු කාලෙ කොටි චන්දෙ දෙන්න ඉඩ නොතිව්ව හින්ද හරියකට චන්ද නොවැටුනත් වැටුන චන්ද වැටුනෙ රනිල් බොස්ට.

ගනිත කොටා කියන විදිහට රාජ්‍යයේද මොකේද එකේ තියෙන්නෙ සිංහල ඔතෝරිටියක් හින්ද උතුරෙ මිනිස්සු ඒකට ප්‍රොටෙස්ට් කරන්න හැමපාරම තියෙන ආන්ඩුවට විරුද්ධව විපක්සෙට චන්දෙ දෙනවලු.ඒ සමීකරනෙ මෙදා පාර චන්දෙට ගත්තම උතුරෙ චන්ද ටික වැටෙන්න ගොඩක් වෙලාවට ඉඩ තියෙන්නෙ විපක්සෙට මිස රාජපක්සෙට නෙමෙයි.
උතුරෙ ජනමතය බලන්න ඕනෙ කියල ඒ මිනිස්සුන්ට අයිඩෙන්ටි වැඩේ කරගන්නවත් වෙලාවක් දෙන්නැතිව කඩිමුඩියෙ චන්දයක් ගෙනාවෙ ෂේප් එකේ ඒ මිනිස්සු සීන් එකෙන් අයින් කරල චන්දෙ ගොඩදාගන්නද?
ගනිත කොටාගෙ කතාවෙත් ගත යුත්තක් නැත්තෙම නැහැ කියල පුලස්තිට හිතෙනවා.